Daniel 2:21 - Chol: I T’an Dios

²¹ An ti' wenta Dios pejtel chuqui mi' yujtel ti' tojlel winicob. Mi' choc loq'uel rey, mi' wa'chocon rey. Mi' yʌq'uen i ña'tʌbal jini año' bʌ i ña'tʌbal. Mi' yʌq'uen i p'ip'lel i pusic'al jini p'ip'o' bʌ.

Chol de Tumbalá Bible

²¹ An ti' wenta Dios pejtel chuqui mi' yujtel ti' tojlel winicob. Mi' choc loq'uel rey, mi' wa'chocon rey. Mi' yʌq'uen i ña'tʌbal jini año' bʌ i ña'tʌbal. Mi' yʌq'uen i p'ip'lel i pusic'al jini p'ip'o' bʌ.

Daniel 2:21 Iomraidhean Croise

1 Reyob 10:24

Winicob tilemo' bʌ ti cabʌl lum ti pañimil tsa' c'otiyob cha'an mi' yubibeñob i t'an Salomón cha'an cabʌl i ña'tʌbal tilem bʌ ti Dios.

1 Reyob 3:28

Tsa' caji' yubiñob ti pejtelel i lumal bajche' tsi' cha'le meloñel jini rey Salomón. Jini cha'an tsi' bʌc'ñayob, come tsi' q'ueleyob añʌch i ña'tʌbal tilem bʌ ti Dios, come toj tsi' cha'le meloñel.

1 Reyob 4:29

Dios tsi' yʌq'ue i ña'tʌbal yic'ot i p'ip'lel i pusic'al Salomón. Tsi' wen ña'ta pañimil Salomón. Wen cabʌl i pusic'al.

1 Cronicas 22:12

La' i wen aq'ueñet lac Yum i tojel yic'ot i ña'tʌbal, yic'ot a yumʌntel cha'an ma' jac'ben pejtelel i t'an yic'ot i mandar.

1 Cronicas 29:30

Ts'ijbubil ti ili jun tac pejtelel i ye'tel, yic'ot i p'ʌtʌlel, yic'ot bajche' tsi' ñusa q'uin ti' tojlel jini israelob yic'ot ti' tojlel yan tac bʌ colem tejclum.

Ester 1:13

Jini rey tsi' pejca año' bʌ i ña'tibal, come i tilel ma'anic chuqui mi' mel che' maxto anic mi' pejcan jini yujilo' bʌ ley yic'ot yujilo' bʌ meloñel.

Job 12:18

Mi' ts'ocbeñob i cadena tac jini p'ump'uño' bʌ cʌchbilo' bʌ cha'an año' bʌ i ye'tel. Mi' loc'san yumʌlob ti' ye'tel.

Exodo 31:3

Joñon tsac bujt'esa ti Ch'ujul bʌ c Ch'ujlel. Tsa cʌq'ue i ña'tʌbal yic'ot i ch'ejlel, yic'ot pejtelel chuqui tac mi' ña'tan yic'ot chuqui tac mi' mel,

Exodo 31:6

Ña'tan ja'el joñon tsac pʌyʌ Aholiab i yalobil Ahisamac, loq'uem bʌ ti' p'olbal Dan. Tsac pʌyʌ cha'an mi' coltan jini Bezaleel. Pejtelel jini am bʌ i ña'tʌbal tsa'ix cʌq'ueyob i ch'ejlel cha'an pejtelel i p'ip'lel i pusic'al, cha'an mi' melob pejtelel chuqui tsa' bʌ c subeyet.

Daniel 1:17

Dios tsi' yʌq'ueyob i ña'tʌbal ili chʌntiquilob cha'an mi' ch'ʌmbeñob isujm chuqui tac ts'ijbubil ti jun yic'ot pejtel yan tac bʌ i cʌntesʌntel. Daniel tsi' taja i c'ʌjñibal cha'an mi' ña'tan i sujmlel jini ñajal tac.

Daniel 10:1

Ti' yuxp'ejlel jab che' woli ti yumʌntel Ciro ch'oyol bʌ ti Persia, an chuqui tsa' cha' pʌsbenti Daniel. Isujm chuqui tsi' q'uele. Tsi' q'uele tal cabʌl wocol ti pañimil, yic'ot guerra, yic'ot ch'ijiyem bʌ pusic'al. Tsi' wen ch'ʌmʌ ti wenta chuqui tsi' q'uele. Dios tsi' yʌq'ue i ch'ʌmben isujm.

Daniel 11:6

Che' ti wi'il mi caj i temob i t'an jini rey am bʌ ti norte yic'ot i rey Egipto am bʌ ti sur. Jini rey am bʌ ti Egipto mi caj i sijin i yalobil ti' tojlel jini rey am bʌ ti Siria cha'an ñʌch'ʌl mi' yajñelob. Pero lolom jach, come i ñoxi'al mi caj i ts'a'len yic'ot i pi'ʌlob, yic'ot i yalobil, yic'ot ñuc bʌ i yaj cʌntaya.

Daniel 2:20

Tsi' yʌlʌ: La' ñuq'uesʌntic i c'aba' Dios ti pejtelel ora. Come cabʌl i ña'tʌbal yic'ot i p'ʌtʌlel.

Daniel 2:23

C Dios, i Dioset c ñojte'elob, mic subeñet wocolix a wʌlʌ. Mic ñuq'uesʌbeñet a c'aba', come tsa'ix a wʌq'ueyon c ña'tʌbal yic'ot c p'ʌtʌlel. Tsa'ix a tsictesʌbeyon i ñajal jini rey yic'ot i sujmlel i ñajal che' bajche' tsaj c'ajtibeyet, che'en Daniel.

Daniel 4:14

C'am woli ti t'an: Seq'uela jini te'. Tsepbenla i c'ʌb, loc'sʌbenla i yopol. P'ujp'unla majlel i wut. La' puts'icob pejtel bʌte'el am bʌ ti' yʌxñilel, yic'ot xwejlel mut am bʌ i c'u' ti' c'ʌb.

Daniel 4:17

Jiñʌch i mandar jini Ñuc bʌ xQ'uelojel. Tsi' choco tilel yic'ot jini ch'ujul bʌ ángelob cha'an mi' ña'tʌntel ti pejtelel pañimil an i p'ʌtʌlel lac Yum ti' tojlel yumʌlob ti pañimil. Mi' yʌq'uen i yumʌntel majqui jach yom. Mi' wa'chocon jini pec'o' bʌ winicob ti' tojlel i pi'ʌlob.

Daniel 4:22

Jini te' jiñʌch jatet, c rey. Tsa' coliyet. Tsa' p'ʌtesa a bʌ. Tsa' wen coli a ñuclel c'ʌlʌl tsa' c'oti ti panchan. A yumʌntel tsa' tsictiyi ti pejtelel pañimil.

Daniel 4:32

Mi caj a chojquel loq'uel ti' tojlel winicob. Mi caj a wajñel yic'ot bʌte'el wucp'ejl jab. Mi caj a c'ux jam che' bajche' tat wacax jinto ma' wen cʌn jini Dios am bʌ ti chan am bʌ i p'ʌtʌlel ti pejtelel tejclum tac ti pañimil. Mi' wa'chocon ti yumʌl majqui jach yom, che'en.

Daniel 7:25

Mi caj i p'aj jini Dios am bʌ ti panchan. Mi caj i tic'lan i cha'ano' bʌ Dios. Mi caj i ñop i q'uextan i yorajlel q'uiñijel tac yic'ot pejtel jini ley. Ojlil i chʌmp'ejl jab mi cajel i cha'len yumʌl ti' tojlel i cha'año' bʌ Dios.

Lucas 21:15

Come joñon mi caj cʌq'ueñetla t'an mu' bʌ caj la' sub yic'ot la' ña'tʌbal mach bʌ mejlic i contrajintel.

Romanos 13:1

Ti pejteleletla jac'benla i t'an jini año' bʌ i ye'tel ti pañimil, come ch'oyolʌch jini e'tel ti Dios. Dios tsi' wa'choco jini año' bʌ i ye'tel.

1 Corintios 1:30

Come Dios tsi' yʌq'ueyetla la' wajñel ti Cristo Jesús. Dios tsi' yʌq'ueyonla Cristo. Jiñʌch lac ña'tʌbal tilem bʌ ti Dios. Jiñʌch tsa' bʌ i yʌc'ʌyonla ti' wenta Dios, tsa' bʌ i q'ueleyonla ti toj. Jiñʌch tsa' bʌ i yʌc'onla ti libre.

Santiago 1:17

Pejtelel wen bʌ lac majtan yic'ot pejtelel uts'at bʌ lac majtan mi' tilel ti Dios. Mi' jubel tilel ti lac Tat, tsa' bʌ i mele ec' ti pejtelel. Ma'anic mi' q'uextiyel i pusic'al. Ma'anic mi' yʌjñel mi ts'ita'ic.

Santiago 1:5

Mi anto yom la' ña'tʌbal c'ajtibenla Dios mu' bʌ i p'ewbeñob pejtelel winicob. Che' mi la' c'ajtiben mi caj i yʌq'ueñetla ti' yonlel i ña'tʌbal come mach yujilic a'leya.

Apocalipsis 19:16

Ts'ijbubil i c'aba' ti' pislel yic'ot ti' ya': I REY REYOB, I YUM YUMɅLOB.