Daniel 2:2 - Chol: I T’an Dios

^2-3 Che' bʌ tsa' sʌc'a mach chʌn c'ajalix i cha'an i ñajal. Jini cha'an tsi' pʌyʌ tilel pejtel i winicob año' bʌ cabʌl i ña'tʌbal, yic'ot mu' bʌ i subob chuqui mi' caj ti ujtel, yic'ot xch'ʌcojelob, yic'ot xq'uel ec'ob. Tsi' subeyob cha'an mi' tsictesʌbeñob i sujmlel i ñajal. Tsa' tiliyob ti' tojlel jini rey. Jini rey tsi' subeyob: Tsac cha'le ñajal, pero mach c'ajalix c cha'an c ñajal, che'en.

Chol de Tumbalá Bible

^2-3 Che' bʌ tsa' sʌc'a mach chʌn c'ajalix i cha'an i ñajal. Jini cha'an tsi' pʌyʌ tilel pejtel i winicob año' bʌ cabʌl i ña'tʌbal, yic'ot mu' bʌ i subob chuqui mi' caj ti ujtel, yic'ot xch'ʌcojelob, yic'ot xq'uel ec'ob. Tsi' subeyob cha'an mi' tsictesʌbeñob i sujmlel i ñajal. Tsa' tiliyob ti' tojlel jini rey. Jini rey tsi' subeyob: Tsac cha'le ñajal, pero mach c'ajalix c cha'an c ñajal, che'en.

Daniel 2:2 Iomraidhean Croise

Genesis 41:8

Che' ti sʌc'ajel wen ch'ijiyem i pusic'al. Tsi' choco majlel i winicob cha'an mi' pʌyob tilel pejtelel jini xwujtob yic'ot pejtel año' bʌ cabʌl i ña'tʌbal. Faraón tsi' subeyob chuqui tsi' q'uele ti ñajal. Ma'anic majch tsa' mejli i suben i sujmlel.

Ester 1:13

Jini rey tsi' pejca año' bʌ i ña'tibal, come i tilel ma'anic chuqui mi' mel che' maxto anic mi' pejcan jini yujilo' bʌ ley yic'ot yujilo' bʌ meloñel.

Exodo 7:11

Faraón tsi' pʌyʌ tilel jini año' bʌ i ña'tʌbal yic'ot xwujtob año' bʌ ti Egipto. Lajal tsi' meleyob cha'an ti leco tac bʌ i ña'tʌbal.

Isaias 19:3

Mi caj i sʌc sojquelob i pensar pejtel jini egiptojob, come mi caj c jisʌbeñob i ña'tʌbal. Che' jini mi caj i lon majlelob ba'an i dioste' tac yic'ot ba'an jini xwutob, yic'ot ba'an xpejca cruzob yic'ot ba'an payxo bʌ x'alt'añob.

Isaias 8:19

¿Chucoch mi la' lon c'ajtibeñob xwujtob chuqui tac mi caj i yujtel? Mi' cha'leñob t'an che' bajche' te'lemut. Mach tsiquilic i sujmlel. Mach mi la' ñich'tʌbeñob i t'an. Jini cuxulo' bʌ ¿yom ba mi' cha' pejcañob jini chʌmeñobix bʌ? ¿Mejl ba i coltañob? Mach mejlic. ¿Mach ba yomic mi la' c'ajtiben Dios?

Daniel 1:20

Jini rey tsi' cha'le c'ajtiya tac ti' tojlelob. Tsi' q'uele cabʌlob i pusic'al yic'ot i ña'tʌbal lujunyajl i ñumel bajche' xwujtob yic'ot xch'ʌcojelob yic'ot yaño' bʌ año' bʌ i ña'tʌbal ti' yumʌntel.

Daniel 2:10

Jini año' bʌ i ña'tʌbal tsi' yʌlʌyob: Ma'anic mi juntiquilic lac pi'ʌl mi xwujt mi xch'ʌcojel mu' bʌ mejlel i subeñet chuqui tsa' ñajle. Ma'anic yambʌ rey ti pejtelel pañimil mu' bʌ i wersa c'ajtibeñob i winicob che' bajche' iliyi.

Daniel 2:27

Daniel tsi' yʌlʌ: Ma'anic winic ti' tojlel jini año' bʌ i ña'tʌbal mu' bʌ mejlel i subeñet chuqui tsa' ñajle, mi xwujt mi xq'uel ec', mi jinic yujil bʌ i pʌs ñuc bʌ i melbal, mi xch'ʌcojel.

Daniel 3:8

Pero jini caldeojob año' bʌ i ye'tel tsa' majli i subeñob rey i mul jini judíojob mach bʌ anic tsi' ñocchocoyob i bʌ.

Daniel 4:3

Wen ñuc i melbal. Mi' yajñel i yumʌntel ti pejtelel ora. Mi' pʌsbeñob i p'ʌtʌlel winicob yic'ot i yalobilob ti lajm ti lajm.

Daniel 4:6

Jini cha'an tsac choco ti pʌyol pejtelel año' bʌ cabʌl i ña'tʌbal chumulo' bʌ ti Babilonia cha'an mi' tsictesañob i sujmlel c ñajal.

Daniel 5:7

Jini rey tsa' caji ti oñel. Tsi' pʌyʌ tilel jini winicob año' bʌ cabʌl i ña'tʌbal, jini xtic'layajob yic'ot jini xq'uel ec'ob. Jini rey tsi' subeyob: ¿Majqui mi' cʌn jini ts'ijbubil bʌ? Mi tsi' tsictesʌbeyon i sujmlel, mi caj cʌq'uen i lʌp wen i t'ojol bʌ i pislel yic'ot ujʌl melbil bʌ ti oro. Che' ja'el mi caj cʌq'uen i ye'tel lʌc'ʌl tic t'ejl, che'en.

1 Samuel 6:2

Tsi' pʌyʌyob tilel motomajob yic'ot xwujtob. Tsi' c'ajtibeyob: ¿Chuqui mi mejlel lac tumben jini Arca i cha'an i Yum israelob? Subeñon lojon bajche' yom mic mel lojon cha'an mic cha' ac' lojon ya' ba'an ti ñaxan, che'ob.