Daniel 2:18 - Chol: I T’an Dios

¹⁸ Tsi' c'ajtiyob i coltʌntel ti' tojlel Dios am bʌ ti panchan. Tsi' c'ajtibeyob i sujmlel i ñajal jini rey cha'an ma'anic mi' tsʌnsʌntelob yic'ot jini año' bʌ i ña'tʌbal ti Babilonia.

Chol de Tumbalá Bible

¹⁸ Tsi' c'ajtiyob i coltʌntel ti' tojlel Dios am bʌ ti panchan. Tsi' c'ajtibeyob i sujmlel i ñajal jini rey cha'an ma'anic mi' tsʌnsʌntelob yic'ot jini año' bʌ i ña'tʌbal ti Babilonia.

Daniel 2:18 Iomraidhean Croise

Genesis 18:28

Mi anto yom jo'tiquil cha'an mi' tajtʌl jini lujuntiquil i yuxc'al tojo' bʌ, ¿mu' ba caj a jisan pejtelel jini tejclum cha'an ma'anic tsa' tajle jo'tiquil? Che' tsi' yʌlʌ. Tsi' jac'ʌ: Mach muq'uic c jisan tejclum mi tsac taja jo'tiquil i yuxc'al, che'en.

Salmos 136:26

Subenla wocolix i yʌlʌ Dios am bʌ ti panchan Come ti pejtelel ora an i yutslel i pusic'al.

Salmos 50:15

Pejcañon che' ti' yorajlel wocol. Mi caj colet. Mi caj a tsictesan c ñuclel.

Salmos 91:15

Che' mi' c'ajtibeñon, mi caj c jac'ben i t'an. Mi caj cajñel yic'ot che' ti' yorajlel wocol. Mi caj cʌc' ti colel. Mi caj cʌq'uen i ñuclel.

Isaias 37:4

Tic'ʌl mi tsa'ix i yubi lac Yum i t'an jini comandante tilem bʌ ti Asiria tsa' bʌ i p'ajbe i c'aba' lac Yum. Tic'ʌl mi caj i yʌq'uen i toj i mul cha'an tsi' p'ajbe i c'aba'. Jini cha'an yom ma' pejcan lac Yum ti oración cha'an mi' p'untan i colojbal i winicob”.

Jeremias 33:3

C'ajtibeñon chuqui a wom. Joñon mi caj c jac'beñet. Mi caj c pʌsbeñet ñuc tac bʌ mach bʌ a cʌñʌyic mu' bʌ caj c melbeñet ti cabʌl c p'ʌtʌlel.

Ezequiel 36:37

Lac Yum Dios woli' yʌl: Wolic pijtan i yoración jini israelob mu' bʌ caj i c'ajtibeñoñob i wenlel i lumal. Chajpʌbilon cha'an mi cʌq'ueñob chuqui yomob. Mi caj c p'ojl'esañob che' bajche' i yonlel tiñʌme' ti' bijlel tac Jerusalén ba' ora mi yʌq'ueñob Dios tsʌnsʌbil bʌ i majtan. Che'ʌch mi caj i p'ojlelob winicob ti' tejclum tac Israel ba' jejmen wʌle. Ti jim bʌ ora mi caj i ña'tañob Yumʌlon”. Che' tsi' yʌlʌ lac Yum.

Daniel 2:23

C Dios, i Dioset c ñojte'elob, mic subeñet wocolix a wʌlʌ. Mic ñuq'uesʌbeñet a c'aba', come tsa'ix a wʌq'ueyon c ña'tʌbal yic'ot c p'ʌtʌlel. Tsa'ix a tsictesʌbeyon i ñajal jini rey yic'ot i sujmlel i ñajal che' bajche' tsaj c'ajtibeyet, che'en Daniel.

Daniel 3:17

Wen ñuc c Dios lojon mu' bʌ j c'uxbin lojon. Mi mejlel i coltañon lojon cha'an ma'anic mic chʌmel lojon ti c'ajc. Che'ʌch mi caj i mel. Mi caj i loc'sañon lojon ti a p'ʌtʌlel.

Daniel 4:26

Tsi' yʌc'ʌ mandar cha'an mi' cʌybentel i xujc'unte'lel ya' ti lum come mux caj a cha' ch'ʌm a yumʌntel che' bʌ tsa'ix a cʌñʌ Dios am bʌ i p'ʌtʌlel.

Jonas 1:9

Jonás tsi' subeyob: Hebreojon. Mic bʌc'ñan lac Yum, jini Dios am bʌ ti panchan tsa' bʌ i mele colem ñajb yic'ot lum. Tsi' subeyon majlel ti Nínive pero mach comic majlel, che'en.

Malaquias 3:18

Che' jini mi caj la' ña'tan mach lajalic mi' yujtel jini toj bʌ yic'ot jini mach bʌ tojic ti' yorajlel meloñel. Mi caj la' q'uel majqui wen chumul, jini mu' bʌ i melben i ye'tel Dios o mi jini mach bʌ anic mi' mel, che'en.

Mateo 18:12

¿Bajche' mi la' wʌl? Mi an juntiquil winic am bʌ jo'c'al i tiñʌme' mi tsa' sajti juncojt, ¿mach ba anic mi' cʌy jini bolonlujuncojt i jo'c'al cha'an mi' majlel i sajcan jini sajtem bʌ ya' ti bujtʌl?

Mateo 18:19

Mic subeñetla ja'el, mi an cha'tiquilob ti pañimil mu' bʌ i temob i t'an cha'an chuqui mi' c'ajtiñob, che' jini mi caj i yʌq'uentelob cha'an c Tat am bʌ ti panchan.

Hechos 12:4

Che' bʌ tsa'ix i chucu Pedro, tsi' yotsa ti mʌjquibʌl. Tsi' yʌc'ʌ ti cʌntʌntel cha'an wʌclujuntiquil (16) soldadojob. Ti chʌnchʌntiquilob tsi' cʌntayob. Herodes tsi' ña'ta i loc'san Pedro che' ñumenix Pascua cha'an mi' mel ti' wut xtejclumob.

Romanos 15:30

Wʌle mic subeñetla, la' wocolic hermanojob cha'an ti lac Yum Jesucristo, yic'ot cha'an ti' yEspíritu mu' bʌ i yʌq'ueñonla laj c'uxbin lac bʌ, cha'lenla wersa quic'ot ti oración. Pejcanla Dios cha'añon,

2 Pedro 2:9

Che' ja'el lac Yum yujil i coltan jini ch'ujulo' bʌ che' woli' yilʌbentelob i pusic'al. Yujil ja'el i yʌc'ob ti toj mulil jini mach bʌ tojobic che' ti' yorajlel meloñel.

1 Samuel 17:37

Lac Yum tsi' coltayon ti' tojlel jini bajlum yic'ot jini bʌte'el. Mi caj i coltañon ja'el ti' tojlel ili filisteo. Che' tsi' yʌlʌ David. Jini cha'an Saúl tsi' sube: Cucu che' jini. La' majlic lac Yum a wic'ot, che'en.