Daniel 2:11 - Chol: I T’an Dios

¹¹ Wen wocol chuqui wola' c'ajtibeñon lojon. Ma'anic majch mi mejlel i tsictesʌbeñet, cojach jini diosob mach bʌ chumulobic ti' tojlel winicob ti pañimil, che'ob.

Chol de Tumbalá Bible

¹¹ Wen wocol chuqui wola' c'ajtibeñon lojon. Ma'anic majch mi mejlel i tsictesʌbeñet, cojach jini diosob mach bʌ chumulobic ti' tojlel winicob ti pañimil, che'ob.

Daniel 2:11 Iomraidhean Croise

Genesis 41:39

Faraón tsi' sube José: Dios tsi' pʌsbeyet pejtelel iliyi. Jini cha'an ma'anic yambʌ am bʌ i pusic'al yic'ot i ña'tʌbal che' bajche' jatet.

Genesis 41:8

Che' ti sʌc'ajel wen ch'ijiyem i pusic'al. Tsi' choco majlel i winicob cha'an mi' pʌyob tilel pejtelel jini xwujtob yic'ot pejtel año' bʌ cabʌl i ña'tʌbal. Faraón tsi' subeyob chuqui tsi' q'uele ti ñajal. Ma'anic majch tsa' mejli i suben i sujmlel.

1 Reyob 8:27

¿Isujm ba mi' caj ti ajñel Dios ti pañimil? Awilan mach ñuquic ma' q'uel panchan cha'an ya' ma' chumtʌl. Ch'o'ch'oc jax jini otot tsa' bʌ c wa'chocobeyet.

2 Cronicas 6:18

¿Isujm ba mi' chumtʌl Dios yic'ot winicob ti pañimil? Come mach ñuquic panchan ti a tojlel. Mach ochic pejtelel a ñuclel. Jini cha'an, ¿bajche' mi mejlel a wochel ti ili otot tsa' bʌ c mele?

Salmos 132:14

Tsi' yʌlʌ lac Yum: Jiñʌch cajñib ti pejtelel ora ba' mi caj j c'aj co. Wʌ' mi caj c chumtʌl cha'an che' yom c pusic'al.

Salmos 68:18

Tsa'ix letsi ti chan. Tsa'ix i pʌyʌyob majlel jini cʌchʌlo' bʌ. Tsa'ix i taja i majtan tac cha'an mi' yʌq'ueñob winicob, Yic'ot jini mu' bʌ i ñusañob i t'an. Wʌ' mi caj i yajñel lac Yum Dios la quic'ot.

Exodo 29:45

Joñon mi caj c chumtʌl ti' tojlel jini israelob. Mi caj cochel ti' Dios.

Exodo 8:19

Jini xwujtob tsi' subeyob Faraón: Jiñʌch i c'ʌb Dios, che'ob. Pero tsa' tsʌts'a i pusic'al Faraón. Ma'anic tsi' jac'beyob. Tsa' ujti che' bajche' tsi' yʌlʌ lac Yum.

Isaias 47:12

Chʌn pejcan xiba, chʌn mele ñuc tac bʌ i ye'tel cha'an ma' ñop a bʌc'tesan jini mu' bʌ i tilel i jisañet. Chʌn cha'len wujt che' bajche' tsa' cha'le c'ʌlʌl che' xch'oquet to. Tic'ʌl mi muc'ʌch a coltan a bʌ. Che'ʌch wola' lon ña'tan.

Isaias 57:15

Jini cuxul bʌ ti pejtelel ora, Ch'ujul Bʌ i c'aba', woli i yʌl: Joñon chumulon ti chan ti Ch'ujul bʌ Cajñib, pero wʌ' chumulon ja'el yic'ot jini mu' bʌ i mel i bʌ ti pec', yic'ot jini am bʌ i wocol. Mic ñuq'uesʌben i pusic'al jini uts bʌ. Mi cʌq'uen i tijicñʌyel jini am bʌ ti c'oj'ol.

Isaias 8:18

Awilan, joñon quic'ot calobilob tsa' bʌ i yʌq'ueyon Dios, wa'chocobilon lojon cha'an mic tsictesʌben Israel i ñuclel lac Yum chumul bʌ ti wits i c'aba' Sion. Jiñʌch i Yum Panchan yic'ot Pañimil.

Daniel 4:4

Joñon Nabucodonosor, che' ñʌch'ʌlon ti cotot, che' wen chumulon, tsa' cajiyon ti tsic pusic'al cha'an chuqui tac tsac ñajle che' ñololon tic wʌyib.

Daniel 5:11

An juntiquil winic ti a yumʌntel but'ul bʌ ti' yEspíritu jini Ch'ujul bʌ Dios. Che' cuxul to a tat, tsi' q'uele wen cabʌl i ña'tʌbal, wen p'ip' i jol. Lajal i ña'tʌbal che' bajche' jini diosob. Jini cha'an jini rey Nabucodonosor a tatuch tsi' wa'choco ti' yum jini año' bʌ cabʌl i ña'tʌbal, jini yujilo' bʌ i pʌs ñuc tac bʌ i melbal, jini xq'uel ec'ob, jini xch'ʌcojelob yic'ot mu' bʌ i subob chuqui mi caj i yujtel ti pañimil.

Joel 3:21

Mi caj j q'uextʌbeñob i jontolil pejtelel tsa' bʌ i tsʌnsayob c cha'año' bʌ. Ma'anic mi caj c ñusʌbeñob i mul tsa' bʌ i tic'layob. Come woliyon ti chumtʌl wʌ' ti Jerusalén quic'ot c cha'año' bʌ, che'en lac Yum.

Numeros 35:34

Mach yomic mi la' bibesan jini lum ya' ba' mi caj la' chumtʌl, come ya'ʌch añon ti la' tojlel. Joñoñʌch la' Yumon. Che' tsi' yʌlʌ lac Yum.

Mateo 19:26

Jesús tsi' q'ueleyob. Tsi' subeyob: Mach mejlicob winicob pero Dios mi mejlel i mel ti pejtelel, che'en.

Juan 1:14

Jini T'an tsi' ch'ʌmʌ i bʌc'tal. Tsa' chumle la quic'ot, but'ul ti' yutslel i pusic'al yic'ot i sujmlel. Tsaj q'uele lojon i ñuclel tilem bʌ ti' Tat. Jiñʌch i ñuclel cojach bʌ i Yalobil Dios.

Juan 14:17

Jiñʌch jini Espíritu mu' bʌ i pʌs i sujmlel Dios. Jini i cha'año' bʌ pañimil mach mejlic i yʌq'uentelob, come ma'anic mi' q'uelob, ma'anic mi' cʌñob ja'el. Jatetla mi la' cʌn, come mi' yajñel la' wic'ot. Mi caj i yajñel ti la' pusic'al.

Juan 14:23

Jesús tsi' sube: Jini mu' bʌ i c'uxbiñon mi caj i jac'beñon c t'an. Mi caj i c'uxbintel cha'an c Tat. Mi caj c tilel lojon ba'an. Mi caj c cha'len lojon chumtʌl quic'ot.

2 Corintios 6:16

I templo Dios ¿jim ba i pi'ʌl jini dios tac? Joñonla i templojonla jini cuxul bʌ Dios che' bajche' tsi' yʌlʌ Dios: “Mi caj c chumtʌl ti' tojlelob. Ya' mij caj ti ajñel. Mi caj cochel ti' Dios. Mi caj cotsañob tic cha'an”. Che' tsi' yʌlʌ Dios.

Apocalipsis 21:3

Tsa cubi c'am bʌ t'an tsa' bʌ loq'ui ti panchan. Tsi' yʌlʌ: Awilan, wʌ'ix an i chumlib Dios yic'ot winicob x'ixicob. Mi caj i chumtʌl yic'otob. Winicob x'ixicob mi caj i yochelob ti' cha'an bʌ Dios. Mi caj i yajñel Dios yic'otob.