Daniel 12:8 - Chol: I T’an Dios

⁸ Joñon tsa cubi, pero ma'anic tsac ch'ʌmbe isujm. Jini cha'an tsaj c'ajtibe: C Yum, ¿chuqui mi caj i yujtel ti wi'il bʌ ora che' mi' yujtel pejtel iliyi? cho'on.

Chol de Tumbalá Bible

⁸ Joñon tsa cubi, pero ma'anic tsac ch'ʌmbe isujm. Jini cha'an tsaj c'ajtibe: C Yum, ¿chuqui mi caj i yujtel ti wi'il bʌ ora che' mi' yujtel pejtel iliyi? cho'on.

Daniel 12:8 Iomraidhean Croise

Daniel 10:14

Tsa' tili c tsictesʌbeñet chuqui mi caj i yujtel ti' tojlel a pi'ʌlob ti wi'il bʌ ora. Jini mu' bʌ caj c pʌsbeñet mi caj i yujtel ti yanto bʌ ora, che'en.

Daniel 12:6

Jini lʌc'ʌl bʌ an tsi' pejca jini yambʌ xojbil bʌ i bujc melbil bʌ ti lino wa'al bʌ ya' ti' pam jini ja'. Tsi' c'ajtibe: ¿Baqui ora mi caj i yujtel jini bʌbʌq'uen tac bʌ? che'en.

Daniel 12:7

Jini winic xojbil bʌ i pislel ti lino, wa'al bʌ ti pam jini ñoja', tsi' letsa cha'ts'ijt i c'ʌb ti' tojel panchan. Tsi' yʌc'ʌ i t'an ti' c'aba' jini Cuxul bʌ Dios. Tsi' yʌlʌ: Mach ujtic jinto mi' ñumel ojlil i chʌmp'ejl jab, jinto mi' jisʌntel i p'ʌtʌlel jini mu' bʌ i jisan i cha'año' bʌ Dios. Che jini mi' caj ti ujtel. che'en.

Daniel 12:9

Jini tsi' jac'beyon: Cojix jini, Daniel. Cucux, come mucul to mi caj i cʌytʌl ili t'an jinto mi' c'otel i yorajlel che' mi' cajel ti ujtel.

Daniel 8:13

Tsa cubibe i t'an cha'tiquil ángelob. Juntiquil tsi' c'ajtibe yambʌ: ¿Baqui ora mi caj i cha' pulbentel i majtan Dios ti jujump'ejl q'uin ya' ti pulʌntib? ¿Jala to mi caj i bib'esʌntel jini Ch'ujul bʌ Ajñibʌl i cha'an lac Yum? ¿Baqui ora mi caj i q'uextʌbentel i jontolil? ¿Baqui ora mi caj i mʌjlel i cha'an xñopt'añob?

Lucas 18:34

Ma'anic tsi' ch'ʌmbeyob isujm ili t'an mi ts'ita'ic. Ma'anic tsa' aq'uentiyob i ña'tan i sujmlel. Ma'anic tsi' ch'ʌmbeyob isujm chuqui tac tsi' subeyob Jesús.

Juan 12:16

Jini xcʌnt'añob i cha'an ma'anic tsi' ñaxan ch'ʌmbeyob isujm chuqui woli' yujtel. Ti wi'il che' bʌ tsa' aq'uenti i ñuclel Jesús, tsi' ña'tayob chuqui tac ts'ijbubil cha'an Jesús yic'ot chuqui tac tsa' tumbenti ti pañimil.

Hechos 1:7

Jesús tsi' subeyob: Mach la' wentajic baqui bʌ ora mi baqui bʌ q'uin mi caj i yujtel jini, come lac Tat tsi' yotsa ti' bajñel wenta.

1 Pedro 1:11

Tsi' sajcayob ti jun cha'an mi' ña'tañob baqui bʌ ora mi' caj ti ujtel jini tsa' bʌ i yʌlʌ i yEspíritu Cristo am bʌ ti' pusic'alob. Come i yEspíritu Cristo tsi' wʌn subeyob i wocol Cristo, yic'ot i ñuclel mu' bʌ caj i taj che' ujtemix wocol.