Daniel 12:4 - Chol: I T’an Dios

⁴ Pero jatet Daniel, mach yomic ma' tsictesan ili t'an. Yom ma' wotsʌben i sellojlel jini jun c'ʌlʌl ti jini cojix bʌ ora. Winicob mi' cajelob ti cabʌl xʌmbal. Mi caj i p'ojlel i ña'tʌbal winicob ti pañimil. Tsa' ujti ti t'an Gabriel.

Chol de Tumbalá Bible

⁴ Pero jatet Daniel, mach yomic ma' tsictesan ili t'an. Yom ma' wotsʌben i sellojlel jini jun c'ʌlʌl ti jini cojix bʌ ora. Winicob mi' cajelob ti cabʌl xʌmbal. Mi caj i p'ojlel i ña'tʌbal winicob ti pañimil. Tsa' ujti ti t'an Gabriel.

Daniel 12:4 Iomraidhean Croise

Isaias 11:9

Ya' ti ch'ujul bʌ wits c cha'an ma'anix chuqui mi' lojwel, ma'anix chuqui mi' yʌc' ti asiyel. Che' bajche' mi' bujt'el i ch'eñal lum ti ja' lajal mi caj i bujt'el pañimil ti winicob x'ixicob mu' bʌ i cʌñob lac Yum.

Isaias 29:11

Jini cha'an ma'anic mi' sojlel ili t'an ti a pusic'al. Lajalʌch ili tac mu' bʌ caj ti ujtel bajche' ñup'ul bʌ jun am bʌ i sellojlel. Mi tsa' wʌq'ue i q'uel jun juntiquil yujil bʌ i q'uelol, mi caj i jac': “Mach mejlicon come ñup'ul”,

Isaias 30:26

Lajal mi caj i majlel i sʌclel uw che' bajche' i sʌclel wucp'ejl q'uin ti jini ora che' mi' tilel lac Yum cha'an mi' lajmesan i cha'año' bʌ. Jini colem bʌ i lojwel tsa' bʌ i yʌq'ueyob Dios mi caj i cha' lajmesan.

Isaias 32:3

Tal i yorajlel mux i cajñel i wut israelob. Mi caj i q'uelob lac Yum. Mi caj i yubibeñob i t'an.

Isaias 8:16

Otsan cʌytʌl c t'an ti' pusic'al c cha'año' bʌ, che'en lac Yum.

Jeremias 5:1

Cucu ti ñumel ya' ba'an garita tac ti Jerusalén. Wen q'uele bajche' mi' melob. Otsan ti a pusic'al. Sʌclan ñumel juntiquil mu' bʌ i mel chuqui toj ya' ti choñoñibʌl. Q'uele mi an juntiquil mu' bʌ i yotsan ti' pusic'al chuqui tac isujm cha'an mic pʌsben i yutslel c pusic'al.

Daniel 10:1

Ti' yuxp'ejlel jab che' woli ti yumʌntel Ciro ch'oyol bʌ ti Persia, an chuqui tsa' cha' pʌsbenti Daniel. Isujm chuqui tsi' q'uele. Tsi' q'uele tal cabʌl wocol ti pañimil, yic'ot guerra, yic'ot ch'ijiyem bʌ pusic'al. Tsi' wen ch'ʌmʌ ti wenta chuqui tsi' q'uele. Dios tsi' yʌq'ue i ch'ʌmben isujm.

Daniel 10:14

Tsa' tili c tsictesʌbeñet chuqui mi caj i yujtel ti' tojlel a pi'ʌlob ti wi'il bʌ ora. Jini mu' bʌ caj c pʌsbeñet mi caj i yujtel ti yanto bʌ ora, che'en.

Daniel 11:33

Jini año' bʌ i ña'tʌbal ti Dios mi caj i cʌntesañob cabʌl winicob, pero lamital mi caj i tsʌnsʌntelob. Mi caj i jejq'uelob ti espada. Mi caj i pulelob. Mi caj i yochelob ti mozo. Mi caj i xujch'ibentelob i chubʌ'an.

Daniel 11:40

Pero ti wi'il bʌ ora jini rey am bʌ ti sur mi caj i contrajin ti guerra. Jini rey ti norte mi caj i tejchel ti' contra che' bajche' colem ic', yic'ot cabʌl soldadojob, yic'ot cabʌl barco, yic'ot cabʌl caballo.

Daniel 12:13

Pero jatet Daniel, chʌn cha'len a we'tel che' bajche' woli a mel c'ʌlʌl ba' ora ma' chʌmel. C'aja a wo. Ti cojix bʌ q'uin mi caj a tejchel cha'an ma' ch'ʌm a chobejtʌbal, che'en lac Yum.

Daniel 12:5

Joñon Danielon. Tsaj q'uele wa'alob cha'tiquil winicob juntiquil ti' ti' jini ñoja', yambʌ ya' ti junwejl.

Daniel 12:9

Jini tsi' jac'beyon: Cojix jini, Daniel. Cucux, come mucul to mi caj i cʌytʌl ili t'an jinto mi' c'otel i yorajlel che' mi' cajel ti ujtel.

Daniel 8:17

Gabriel tsi' lʌc'tesa i bʌ ba' añon. Tsa' cajiyon ti wen bʌq'uen. Tsa' ñuc yajliyon ti lum. Tsi' subeyon: I yalobil winic, yom ma' ch'ʌmben isujm. Mi caj i ts'ʌctiyel pejtel iliyi che' ti' jilibal pañimil, che'en.

Daniel 8:19

Tsi' subeyon: Wʌ' añon cha'an mic subeñet chuqui mi caj i yujtel che' ti' yorajlel i mich'ajel Dios, come jini q'uelel bʌ a cha'an mi' caj ti ujtel ti' jilibal pañimil.

Daniel 8:26

Jini tsa' bʌ a q'uele isujmʌch. Mi' caj ti ujtel ti jo'bajc' yic'ot jo'lujunc'al (2,300) q'uin che' bajche' tsac tsictesʌbeyet. Mach yomic ma' tsictesan chuqui tsa' q'uele, come jal to mi caj i yujtel, che'en Gabriel.

Mateo 24:14

Jini wen t'an cha'an i yumʌntel Dios mi caj i sujbel ti pejtelel pañimil cha'an mi' yubintel ti pejtelel pañimil. Ti jim bʌ ora mi caj i tilel i jilibal.

Romanos 10:18

Mij c'ajtibeñetla: ¿Mach ba tsa'ic i yubiyob? Tsa' cu. Tsa' pam pujqui i t'an ti pejtelel pañimil. C'ʌlʌl ba' jaxʌl i lum tsa' pam pujqui i t'añob.

Apocalipsis 10:4

Che' wucyajl tsa' ujti ti t'an chajc tsa' cʌlʌ cajel ti ts'ijb. Tsa cubi t'an loq'uem bʌ ti panchan. Tsi' subeyon: Ñup'u ti sello chuqui tsi' subu che' wucyajl tsi' cha'le t'an chajc. Mach a ts'ijban, che'en.

Apocalipsis 22:10

Jini ángel tsi' subeyon: Mach a ñup' ti sello jini jun yic'ot i cʌntesa, come lʌc'ʌlix i yorajlel.

Apocalipsis 5:1

Tsaj q'uele bʌlʌl bʌ jun ti ñoj bʌ i c'ʌb jini buchul bʌ ti' buchlib Dios. An i ts'ijbal ti' pam yic'ot ti' pat. Ñup'ul jini jun ti wucp'ejl sello.