Daniel 12:3 - Chol: I T’an Dios

³ Jini año' bʌ i ña'tʌbal i cha'año' bʌ Dios, tsa' bʌ i toj'esayob cabʌl winicob, ts'ʌylawob mi caj i yajñelob che' bajche' i c'ʌc'al panchan, che' bajche' i c'ʌc'al ec'.

Chol de Tumbalá Bible

³ Jini año' bʌ i ña'tʌbal i cha'año' bʌ Dios, tsa' bʌ i toj'esayob cabʌl winicob, ts'ʌylawob mi caj i yajñelob che' bajche' i c'ʌc'al panchan, che' bajche' i c'ʌc'al ec'.

Daniel 12:3 Iomraidhean Croise

Exodo 34:35

Jini winicob x'ixicob mi' q'uelob sʌcleman i wut jini Moisés. Wi'il mi' cha' mos i wut che' mi' loq'uel ya' ti Tabernáculo jinto mi' cha' ochel i pejcan Dios mi' cha' jame'.

Proverbios 11:30

Jini tojo' bʌ lajalobʌch bajche' cuxul bʌ te' mu' bʌ i yʌq'ueñonla i wut cha'an laj cuxtʌlel. Cabʌlʌch i pusic'al jini mu' bʌ i pʌyob winicob cha'an mi' sujtelob ti hermanojob.

Proverbios 3:35

Mi caj i c'uxbintel jini wen bʌ i ña'tʌbal. Mi caj i yubiñob quisin jini tontojo' bʌ.

Proverbios 4:18

Pero i bijlel jini tojo' bʌ che' yilal bajche' i pasibal q'uin. Ñumen mi' tsictiyel i c'ʌc'al c'ʌlʌl ti xinq'uiñil.

Eclesiastes 12:9

Mach jinic jach an i ña'tibal jini subt'an, pero wen yujil cʌntesa. Tsi' chʌn cʌntesa winicob pejtel tsa' bʌ i ñopo. Tsi' chucu ti jun i subal winicob año' bʌ i ña'tibal. Tsi' wen ña'ta bajche' yom subol cha'an mi' cʌytʌl ti' pusic'al winicob.

Isaias 53:11

Mi caj i taj i tijicñʌyel i pusic'al cha'an tsi' colta cabʌlob, cha'an tsa' mʌjli i cha'an che' bʌ tsi' yubi wocol. C winicʌch jini toj bʌ. Che' cʌmbilix i cha'an winicob mi caj i yʌc'ob ti q'uejlel ti toj, come i bajñel mi caj i cuchbeñob i mul.

Jeremias 23:22

Tsa'ic i tem ñich'tʌbeyob c t'an yic'ot c winicob, tsa' mejli i cʌntesan c tejclum tic t'an cha'an mi' cʌyob i mul, cha'an mi' tsajcañoñob.

Daniel 11:33

Jini año' bʌ i ña'tʌbal ti Dios mi caj i cʌntesañob cabʌl winicob, pero lamital mi caj i tsʌnsʌntelob. Mi caj i jejq'uelob ti espada. Mi caj i pulelob. Mi caj i yochelob ti mozo. Mi caj i xujch'ibentelob i chubʌ'an.

Daniel 11:35

Cha'tiquil uxtiquil año' bʌ i ña'tʌbal mi caj i poj ñopob. Jiñʌch i yilʌbentel i pusic'al, pero mi caj i cha' toj'añob. Mi caj i sʌq'uesʌntelob. Che'ʌch mi caj i yujtel jinto mi' ts'ʌctiyel i yorajlel wocol ña'tʌbil bʌ i cha'an Dios.

Daniel 12:10

Cabʌl winicob x'ixicob mi caj i ñusañob wocol cha'an mi' sʌq'uesʌntelob. Mi caj i melob i bʌ ti uts'at. Pero jini jontolo' bʌ mi caj i chʌn cha'leñob jontolil. Ma'anic mi caj i ch'ʌmbeñob isujm. Pero jini winicob año' bʌ i ña'tʌbal mi caj i ch'ʌmbeñob isujm.

Mateo 13:43

Ti jim bʌ ora mi' caj ti tsictiyel i sʌclel jini tojo' bʌ i pusic'al che' bajche' q'uin ya' ti' yumʌntel i Tat. Jini am bʌ i chiquin cha'an mi' yubin, la' i yubin.

Mateo 19:28

Jesús tsi' subeyob: Isujm mic subeñetla, ti tsiji' bʌ pañimil che' buchul i Yalobil Winic ti' yumʌntel ti' ñuclel, jatetla tsa' bʌ la' tsajcayon mi caj la' buchtʌl ti lajchʌmp'ejl buchlibʌl cha'an mi la' mel jini lajchʌnmojt i p'olbal Israel.

Mateo 24:45

¿Majqui lajal bajche' jini xuc'ul bʌ x'e'tel am bʌ cabʌl i ña'tʌbal? Jini x'e'tel tsa' aq'uenti i ye'tel ti' yum cha'an mi' yʌq'ueñob i bʌl i ñʌc' jini año' bʌ ti' yotot che' ti' yorajlel.

Juan 4:36

Jini mu' bʌ i cha'len c'ajbal mi' taj i tojol. Mi' tempan i chobejtʌbal cha'an i cuxtʌlel mach bʌ anic mi' jilel. Che' jini junlajal tijicña mi' yubin jini mu' bʌ i cha'len pac' yic'ot jini mu' bʌ i cha'len c'ajbal.

Juan 5:35

Lajalʌch Juan bajche' jump'ejl c'ajc woli bʌ ti lejmel mu' bʌ i yʌc' i sʌclel. Poj tijicñayetla che' bʌ tsa' la' q'uele i sʌclel.

Hechos 13:1

Ya' añob x'alt'añob yic'ot xcʌntesajob ti' tojlel jini xñopt'añob mu' bʌ i tempañob i bʌ ti Antioquía: i c'aba'ob Bernabé, yic'ot Simón, jini am bʌ i cha'chajplel i c'aba' Niger, yic'ot Lucio ch'oyol bʌ ti Cirene, yic'ot Saulo, yic'ot Manaén, jini tsa' bʌ tem coli yic'ot jini yumʌl Herodes.

1 Corintios 3:10

Joñon che' bajche' tsa' aq'uentiyon i yutslel i pusic'al Dios, tsac ts'ajquibe i c'ʌclib otot che' bajche' juntiquil wen yujil bʌ i wa'chocontel otot. Yambʌ mi' wa'chocon i ye'tel ti' pam i c'ʌclib. Ti jujuntiquil la' i q'uel bajche' mi' wa'chocon i ye'tel ti' pam.

Efesios 4:11

Tsi' yʌq'ueyob i ye'tel winicob: ñaxan apóstolob, wi'ilix x'alt'añob, yic'ot subt'añob, yic'ot xcʌntayajob, yic'ot xcʌntesajob.

Hebreos 5:12

Anix ora tsa' la' wubi jini t'an. Anquese i yorajlelix mi la' wochel ti xcʌntesajob, anto yom majqui mi' cha' cʌntesañetla c'ʌlʌl ti' cajibal i sujmlel i t'an Dios. La' wom to la' chu' yilal. Maxto mejlic la' c'ux waj.

2 Pedro 3:15

Ña'tanla woli ti pijt lac Yum jinto mi' coltʌntelob winicob x'ixicob. Che'ʌch tsi' ts'ijbubeyetla ja'el jini c'uxbibil bʌ la quermano Pablo che' bajche' Dios tsi' cʌntesa.

Apocalipsis 1:20

Mi caj c subeñet i sujmlel jini wucp'ejl ec' tsa' bʌ a q'uele ti ñoj bʌ j c'ʌb, yic'ot jini wucts'ijt lámpara melbil bʌ ti oro. Jini wucp'ejl ec' jiñobʌch xcʌntayajob cha'an jini wucmojt xñopt'añob mu' bʌ i tempañob i bʌ. Jini wucts'ijt lámpara tsa' bʌ a q'uele, jiñʌch wucmojt xñopt'añob mu' bʌ i tempañob i bʌ.

Juezob 5:31

Che'ʌch yom mi' laj jilelob a contrajob c Yum. Pero jini mu' bʌ i c'uxbiñetob yom lajal i p'ʌtʌlel bajche' q'uin che' mi' pasel. Che'ʌch tsi' cha'leyob c'ay. Cha'c'al jab ma'anic tsi' yubiyob i tic'lʌntel jini israelob.