Daniel 12:2 - Chol: I T’an Dios

² Cabʌl jini chʌmeño' bʌ mi caj i ch'ojyelob cha'an mi' tajob i cuxtilel mach bʌ anic mi' jilel. Yaño' bʌ mi caj i ch'ojyelob cha'an mi' yubiñob quisin mach bʌ anic mi' lajmel ti pejtelel ora.

Chol de Tumbalá Bible

² Cabʌl jini chʌmeño' bʌ mi caj i ch'ojyelob cha'an mi' tajob i cuxtilel mach bʌ anic mi' jilel. Yaño' bʌ mi caj i ch'ojyelob cha'an mi' yubiñob quisin mach bʌ anic mi' lajmel ti pejtelel ora.

Daniel 12:2 Iomraidhean Croise

Proverbios 12:8

Jini wen bʌ i ña'tʌbal mi caj i c'uxbintel, pero mi caj i ts'a'lentel jini leco bʌ i pensar.

Isaias 26:19

Pero xuc'ul mic ñop lojon iliyi: Jini chʌmeño' bʌ mu' bʌ i ñopetob mi caj i cha' cuxtiyelob. Mi caj i cha' ch'ojyelob. La' ch'ojyicob jini wʌyʌlo' bʌ ti lum. La' i cha'leñob c'ay ti' tijicñʌyel i pusic'al, come mi caj a tilel che' bajche' ye'eb tic tojlel lojon. Mi caj a wʌq'ueñob i cuxtʌlel jini chʌmeño' bʌ a cha'an.

Isaias 66:24

Che' mi' cha' majlelob, mi caj i q'uelbeñob i bʌc'tal jini chʌmeño' bʌ tsa' bʌ i ñusayob c t'an. Mach chʌmic i motso' ti pejtelel ora. Mach yajpic jini c'ajc mu' bʌ i pulob. Ts'a' mi caj i q'uelob pejtel winicob, che'en lac Yum.

Jeremias 20:11

Pero wʌ'an c Yum quic'ot. Wen yujil guerra. Mi' bʌc'tesan j contrajob. Jini cha'an mi' cajelob ti yajlel. Mach mʌjlic i cha'añob. Mi caj i yubiñob quisin come mach uts'atic bajche' woli' melob. Ma'anic mi caj i ñusʌbentel i mul ti pejtelel ora.

Ezequiel 37:12

Jini cha'an subeñob: “Lac Yum Dios woli' yʌl: C tejclumob, mi caj c cha' jambeñetla mucoñibʌl yilal. Mi caj c cha' techetla loq'uel cha'an mic pʌyetla tilel ti' lumal israelob.

Oseas 13:14

¿Yom ba mij coltañob cha'an ma'anic mi' tojob i mul ti' yajñib chʌmeño' bʌ? Ma'anic mi caj c loc'sañob ba' woliyob ti chʌmel. La' i cha'leñob bʌq'uen che' colel i chʌmel. La' i ña'tañob mux caj i mujquelob ti mucoñibʌl. Ma'anic mij q'uex c t'an, che'en lac Yum.

Mateo 25:46

Jini cha'an mi caj i majlelob ti tojmulil mach bʌ anic mi' jilel. Jini tojo' bʌ i pusic'al mi caj i majlelob ba' ma'anic mi' jilel i cuxtʌlel, che'en Jesús.

Hechos 24:15

Añʌch c pijtaya ti Dios, jini jach mu' bʌ i ñopob ja'el, come tal i yorajlel che' mi caj i ch'ojyelob jini chʌmeño' bʌ, jini tojo' bʌ yic'ot jini mach bʌ tojobic.

Hechos 7:60

Tsa' ñocle. C'am tsi' cha'le t'an: C Yum, mach a wʌq'ueñob ti' wenta ili i mul, che'en. Che' bʌ tsa' ujti i sub jini t'an tsa' chʌmi.

Romanos 9:21

Jini xmel uc'um, ¿mach ba mejlic i c'ʌn jini oc'ol bajche' yom? Ti junc'ojl oc'ol mi' mel jump'ejl uc'um mu' bʌ i c'ʌjñel cha'an chuqui uts'at. Mi' mel yambʌ uc'um mu'bʌ i c'ʌjñel cha'an jini mach bʌ wenic.

1 Tesalonicenses 4:14

Come mi tsa'ix lac ñopo Jesús tsa' bʌ chʌmi, tsa' bʌ cha' ch'ojyi, ña'tanla ja'el Dios mi caj i cha' pʌy tilel yic'ot Jesús jini tsa' bʌ chʌmiyob ti Jesús.

Apocalipsis 20:12

Tsaj q'uele jini chʌmeño' bʌ, jini ñuco' bʌ yic'ot ch'o'ch'oco' bʌ wa'alo' bʌ ti' tojel Dios. Tsa' jajmi jini jun tac. Tsa' jajmi yambʌ jun ba' ts'ijbubil i c'aba'ob año' bʌ i cuxtʌlel. Lac Yum tsi' c'ʌñʌ jini jun cha'an mi' mel jini chʌmeño' bʌ che' bajche' an i melbalob, come ya' ts'ijbubil i melbalob ti jini jun tac.