Daniel 12:1 - Chol: I T’an Dios

¹ Ti ora mi cajel i tsictiyel Miguel, jini ñuc bʌ ángel mu' bʌ i cʌntan a pi'ʌlob ti Israel. I tejchibalix i yorajlel cabʌl wocol. Ti oñiyi c'ʌlʌl wʌle ma'anic ba' ora tsi' yubiyob ñuc bʌ wocol che' bajche' iliyi. Ti jimbʌ ora mi caj i coltʌntelob pejtel a pi'ʌlob ts'ijbubilo' bʌ i c'aba' ti' jun Dios.

Chol de Tumbalá Bible

¹ Ti ora mi cajel i tsictiyel Miguel, jini ñuc bʌ ángel mu' bʌ i cʌntan a pi'ʌlob ti Israel. I tejchibalix i yorajlel cabʌl wocol. Ti oñiyi c'ʌlʌl wʌle ma'anic ba' ora tsi' yubiyob ñuc bʌ wocol che' bajche' iliyi. Ti jimbʌ ora mi caj i coltʌntelob pejtel a pi'ʌlob ts'ijbubilo' bʌ i c'aba' ti' jun Dios.

Daniel 12:1 Iomraidhean Croise

Salmos 56:8

Wola' q'uelon baqui mic ñumel majlel. Tempan i ya'lel c wut ti limetej. ¿Mach ba otsʌbilic ti a wenta i ya'lel c wut?

Salmos 69:28

La' yajpic i c'aba' ti jun ba' otsʌbilob año' bʌ i cuxtʌlel. Mach yomic chucbil i c'aba' yic'ot i c'aba' jini tojo' bʌ.

Isaias 9:7

Mi caj i ñuc'an i yumʌntel David. Mach jilic i yumʌntel ti pejtelel ora. Ñoj ñʌch'ʌl i yumʌntel. Xuc'ul mi caj i yajñel come uts'at mi caj i cha'len yumʌl ti pejtelel ora. Mi caj i p'ojlesan chuqui uts'at yic'ot chuqui toj ti pejtelel pañimil. I Yum Panchan yic'ot Pañimil mi caj i jolotesan che' bajche' tsi' yʌlʌ.

Jeremias 30:10

C winic Jacob, mach a cha'len bʌq'uen, che'en lac Yum. Mach a mel a pusic'al, Israel, come ya' ba' pam pujquemet ti ñajtʌl mi caj j coltañet. Mi caj j coltan a walobilob ya' ba' chumulob ti' wenta i yumob. Mi caj i cha' sujtel Jacob. Tijicña mi' caj ti chumtʌl ti' ñʌch'tʌlel i pusic'al. Ma'anix majqui mi caj i chʌn tic'lan.

Jeremias 30:7

Obolob i bʌ cha'an tsa'ix tili i q'uiñilel ñuc bʌ wocol. Ti pejtelel ora ma'anic yambʌ che' bajche' jini. I yorajlelix mi' yubin wocol Jacob, pero mux caj i coltʌntel.

Ezequiel 13:9

Mi caj j contrajin jini payxo x'alt'añob mu' bʌ i lon q'uelob chuqui ma'anic tsac pʌsbeyob. Mi' yʌlob jini mach bʌ isujmic. Ma'anix mi caj i yajñelob yic'ot c cha'año' bʌ ti Israel mu' bʌ i tempañob i bʌ. Ma'anix mi caj i ch'ʌjmelob ti tsic. Ma'anix mi' mejlelob ti ochel ti' lumal Israel. Che' jini mi caj la' ña'tan la' Yumon la' Dioson.

Ezequiel 34:24

Joñon i Yumon, mi caj i Diosiñoñob. Jini c Winic David mi caj i cʌntan pejtel c tiñʌme'. Tsa'ix cʌc'ʌ c t'an, che'en lac Yum.

Ezequiel 5:9

Cha'an leco jax la' melbal mi caj cʌq'ueñetla ñuc bʌ wocol max to bʌ anic tsa' la' wis ubi c'ʌlʌl wajali. Ma'anic mi caj c cha' aq'ueñetla wocol che' bajche' jini.

Daniel 10:13

Pero jini Jontol bʌ Espíritu mu' bʌ i cha'len yumʌl ti Persia tsi' mʌctayon jump'ejl i cha'c'al (21) q'uin. Awilan tsa' tili i coltañon Miguel jini ñuc bʌ yumʌl ti' tojlel ángelob. Jini cha'an tsa' mejliyon ti ñumel ba'an i yumob Persia.

Daniel 11:45

Che' jini mi caj i wa'chocon i buchlib ti' yʌxñʌlel pisil bʌ otot ya' ti ojlil bij ti' tojel colem ñajb, yic'ot ti' tojel jini ch'ujul bʌ wits Jerusalén. Ti jim bʌ ora mi caj i jilel. Ma'anic majch mi mejlel i coltan.

Daniel 7:10

Tsa' ts'ʌjyi loq'uel jini c'ajc ti' tojlel. An i yaj e'telob ti mil ti mil yic'ot bajc'ʌl winicob x'ixicob wa'alo' bʌ ti' tojlel. Jini Juez tsa' caji' tech meloñel. Tsa' caji ti jajmel jini jun tac.

Daniel 9:12

Tsa' mele che' bajche' tsa' wʌlʌ. Tsa' choco tilel ñuc bʌ wocol tic tojlel lojon yic'ot ti' tojlel c yumob lojon. Tsa' jisa Jerusalén. Ti yambʌ ora ma'anic tsa cubi lojon ñuc bʌ wocol che' bajche' jini.

Joel 2:2

Jiñʌch i yorajlel i yi'ic'lel yic'ot ic'yoch'an bʌ pañimil, cabʌl tocal yic'ot i'ic' bʌ pañimil. Mi caj i tilel cabʌl sajc' mu' bʌ caj i mos jini wits tac che' bajche' ic'yoch'an bʌ pañimil. Wen ñucob, wen p'ʌtʌlob. Maxto anic ba' tsa' tsictiyi che' bajche' jini. Ma'anix mi caj i cha' tilel yambʌ lajal bʌ c'ʌlʌl ti' jilibal pañimil. Jiñʌch i cajibal i q'uiñilel lac Yum.

Malaquias 3:16

Jini tsa' bʌ i bʌc'ñayob lac Yum tsi' ña'tayob lac Yum che' bʌ tsi' pejcayob i bʌ. An i cha'an lac Yum i juñilel lac ña'tʌntel ba' tsa' ts'ijbunti i c'aba' tac jini mu' bʌ i bʌc'ñañob lac Yum yic'ot mu' bʌ i mulañob i ña'tan lac Yum.

Mateo 24:21

Come ti jim bʌ ora mi caj i tilel cabʌl wocol, ñumen bajche' tsa' ñumi c'ʌlʌl ti' cajibal pañimil c'ʌlʌl wʌle, c'ʌlʌl ti pejtelel ora.

Marcos 13:19

Come ti jim bʌ ora mi caj i tilel cabʌl wocol, ñumen bajche' tsa' ñumi c'ʌlʌl ti' cajibal jini pañimil tsa' bʌ i mele Dios, c'ʌlʌl wʌle, c'ʌlʌl ti pejtelel ora.

Lucas 10:20

Mach yomic tijicñayetla cha'an woli' loq'uelob xibajob cha'an ti la' t'an. Pero yom tijicñayetla cha'an ts'ijbubil la' c'aba' ti panchan, che'en Jesús.

Romanos 11:15

Mi cabʌl tsi' tajayob i coltʌntel ti Dios jini gentilob che' bʌ tsi' tʌts'ʌyob i bʌ jini israelob, ¿chuqui mi caj i yujtel che' mi' cha' melob i bʌ yic'ot Dios jini israelob? Mi caj i cha' cuxtʌyelob jini chʌmeño' bʌ.

Romanos 11:26

Che' jini, pejtelel israelob mi caj i coltʌntelob che' bajche' ts'ijbubil: “Tal juntiquil xColtaya loq'uem bʌ ti Sion. Mi caj i jisʌben i jontolil i p'olbal Jacob.

Efesios 1:21

Ñumen ñuc Cristo bajche' pejtel i yumʌntel tac pañimil yic'ot ñuco' bʌ i ye'tel año' bʌ i p'ʌtʌlel yic'ot i yumʌntel. Ñumen ñuc i ye'tel bajche' pejtelel wa'chocobilo' bʌ, mach cojic jach ti ili ora pero ti tal to bʌ ora ja'el.

Filipenses 4:3

Che' ja'el ti wocol t'an mic subeñetla, mero c pi'ʌlet bʌ la ti e'tel, coltan jini x'ixicob tsa' bʌ i cha'leyob e'tel quic'ot ti jini wen t'an, yic'ot ja'el Clemente, yic'ot yaño' bʌ c pi'ʌlob ti e'tel chucbilo' bʌ i c'aba' ti' jun Dios yic'ot pejtel año' bʌ i cuxtʌlel.

Judas 1:9

Pero ma'anic tsi' chañ'esa i bʌ Miguel, jini c'ax ñuc bʌ ángel, ti' tojlel jini xiba che' bʌ tsi' contrajiyob i bʌ che' bʌ tsi' cʌlʌx pejcayob i bʌ cha'an i bʌc'tal Moisés. Ma'anic tsi' yʌc'ʌ i bʌ cha'an mi' sub i mul jini xiba. Tsa' jach i yʌlʌ: La' i tiq'uet lac Yum, che'en.

Apocalipsis 1:5

yic'ot ja'el Jesucristo, jini xuc'ul bʌ Testigo mu' bʌ i yʌc' ti cʌjñel i sujmlel. Jiñʌch tsa' bʌ ñaxan tejchi loq'uel ba'an chʌmeño' bʌ. I yumʌch jini reyob ti pañimil. Cristo mi' c'uxbiñonla. Tsi' pocbeyonla loq'uel lac mul ti' ch'ich'el.

Apocalipsis 12:7

Ti wi'il tsa' caji guerra ti panchan. Miguel yic'ot i yángelob tsi' cha'leyob guerra ti' contra jini ajin yic'ot i yángelob jini ajin.

Apocalipsis 13:8

Pejtelel woliyo' bʌ ti chumtʌl ti pañimil, mach bʌ otsʌbilic i c'aba' ti jini jun ba' otsʌbilob i c'aba' jini año' bʌ i cuxtʌlel c'ʌlʌl ti' tejchibal pañimil, mi caj i ch'ujutesañob jini bʌte'el. Jini jun i cha'añʌch jini Tiñʌme' tsa' bʌ tsʌnsʌnti.

Apocalipsis 17:14

Mi caj i contrajiñob jini Tiñʌme' ti guerra. Jini Tiñʌme' mi caj i mʌl come i Yumʌch yumʌlob, i Reyʌch reyob. Pejtel mu' bʌ i yajñelob yic'ot jini Tiñʌme' jiñobʌch pʌybilo' bʌ, yajcʌbilo' bʌ, xuc'ulo' bʌ i pusic'al, che'en.

Apocalipsis 20:12

Tsaj q'uele jini chʌmeño' bʌ, jini ñuco' bʌ yic'ot ch'o'ch'oco' bʌ wa'alo' bʌ ti' tojel Dios. Tsa' jajmi jini jun tac. Tsa' jajmi yambʌ jun ba' ts'ijbubil i c'aba'ob año' bʌ i cuxtʌlel. Lac Yum tsi' c'ʌñʌ jini jun cha'an mi' mel jini chʌmeño' bʌ che' bajche' an i melbalob, come ya' ts'ijbubil i melbalob ti jini jun tac.

Apocalipsis 20:15

Majqui jach mach ts'ijbubilic i c'aba' ti jun ba' ts'ijbubil i c'aba' jini año' bʌ i cuxtʌlel, tsa' chojqui ochel ti colem c'ajc.

Apocalipsis 3:5

Jini mu' bʌ i mʌjlel i cha'an mi caj i yʌq'uentel i lʌp sʌsʌc bʌ i pislel. Ma'anic mi caj c yʌpben i c'aba' ti jun ba' otsʌbilob i c'aba' año' bʌ i cuxtʌlel. Mi caj c sub ti' tojel c Tat yic'ot ti' tojel i yángelob.

Apocalipsis 7:14

Tsac sube: C yum, a wujil jatet, cho'on. Tsi' subeyon: Tsa' loq'uiyob ti ñuc bʌ wocol. Tsa'ix i wuts'uyob i pislel. Tsi' sʌq'uesayob ti' ch'ich'el jini Tiñʌme'.