Daniel 11:8 - Chol: I T’an Dios

⁸ Mi caj i laj chilben i chubʌ'an. Mi caj i ch'ʌm majlel ti Egipto pejtel i dios tac, yic'ot i yejtal tac melbil bʌ ti oro yic'ot ti plata. Cabʌl jab ñʌch'ʌl mi caj i yajñel jini rey ti Siria.

Chol de Tumbalá Bible

⁸ Mi caj i laj chilben i chubʌ'an. Mi caj i ch'ʌm majlel ti Egipto pejtel i dios tac, yic'ot i yejtal tac melbil bʌ ti oro yic'ot ti plata. Cabʌl jab ñʌch'ʌl mi caj i yajñel jini rey ti Siria.

Daniel 11:8 Iomraidhean Croise

Genesis 31:30

Cujil woliyet ti puts'el, come wersa a wom sujtel ti' yotot a tat. Wʌle subeñon, ¿chucoch tsa' xujch'ibeyon c dioste' tac? che'en Labán.

2 Samuel 5:21

Ya' tsi' cʌyʌyob i dioste'ob. David yic'ot i soldadojob tsi' laj puluyob.

Exodo 12:12

Come mi caj c ñumel ti Egipto ti ili ac'ʌlel. Mi caj c jats' pejtel jini ascuñʌlo' bʌ ti Egipto, winicob yic'ot i yʌlac'ob. Mi caj c jisan pejtel jini dioste' tac i cha'an egiptojob. Joñon Yumʌlon.

Isaias 2:16

Mi caj i jisan pejtel jini colem barco ya' ti Tarsis, yic'ot jini wen i t'ojol tac bʌ barco ba' mi' cha'leñob xʌmbal jini wen chumulo' bʌ.

Isaias 37:19

Tsi' laj pulbeyob i diosob, come mach mero diosobic. Melbilob jach ti te' yic'ot ti xajlel. I ye'tel jach winicob. Jini cha'an tsa' jisʌntiyob.

Jeremias 46:25

I Yum Panchan yic'ot Pañimil, i Dios Israel, woli' yʌl: Mi caj cʌq'uen i toj i mul Amón, i dios Tebas, yic'ot Faraón, yic'ot pejtel Egipto, yic'ot pejtel i diosob, yic'ot i yumob mu' bʌ i c'uxbiñob dioste' tac.

Daniel 10:3

Ma'anic tsaj c'uxu we'elʌl, ma'anic tsac japʌ vino. Mach sumuquic i bʌl c ñʌc'. Uxp'ejl semana ma'anic tsac boño c jol.

Daniel 11:9

Jini rey ti Siria mi caj i poj c'otel i contrajin jini yumʌl ti Egipto, pero mi caj i cha' sujtel majlel ti' lumal.

Oseas 13:15

Tsa' wen p'ojli i yalobilob Efraín yic'ot i chubʌ'an, pero lac Yum mi caj i choc tilel ic' loq'uem bʌ ti colem bʌ i tiquiñal pañimil cha'an mi' tiquin i lumal. Mi caj i laj tiquin pa' yic'ot i loq'uib ja'. Che' jini mi caj i chʌmelob cha'an tiquin ti'. Mi caj i tiquin pejtel i pʌc'ʌb.

Oseas 8:6

Come mach Diosic jini alʌ tat wacax tsa' bʌ i meleyob. I melbal jach winic. Jini cha'an wersa mi caj i bic'ti tojp'el jini dios alʌ tat wacax am bʌ ti Samaria.

Deuteronomio 12:3

Yom mi la' jemben i pulʌntib tac, yic'ot jini wa'al bʌ xajlel tac mu' bʌ i ch'ujutesañob. Yom mi la' pul jini ch'ujul bʌ te' i cha'añob. Yom mi' la' jisʌben pejtelel i yejtal tac i diosob cha'an ma'anix mi' chʌn ña'tʌntel i c'aba' wʌ' ti lum.

Juezob 18:24

Micaía tsi' jac'beyob: Tsa'ix la' xujch'i majlel c dioste' yic'ot c motomaj. Wʌle wolix la' majlel. ¿Chuqui to mi' cʌytʌl c cha'an? ¿Chucoch mi la' wʌl: “¿Chuqui a wom?” che'etla. Che' tsi' yʌlʌ Micaía.