Daniel 11:6 - Chol: I T’an Dios

⁶ Che' ti wi'il mi caj i temob i t'an jini rey am bʌ ti norte yic'ot i rey Egipto am bʌ ti sur. Jini rey am bʌ ti Egipto mi caj i sijin i yalobil ti' tojlel jini rey am bʌ ti Siria cha'an ñʌch'ʌl mi' yajñelob. Pero lolom jach, come i ñoxi'al mi caj i ts'a'len yic'ot i pi'ʌlob, yic'ot i yalobil, yic'ot ñuc bʌ i yaj cʌntaya.

Chol de Tumbalá Bible

⁶ Che' ti wi'il mi caj i temob i t'an jini rey am bʌ ti norte yic'ot i rey Egipto am bʌ ti sur. Jini rey am bʌ ti Egipto mi caj i sijin i yalobil ti' tojlel jini rey am bʌ ti Siria cha'an ñʌch'ʌl mi' yajñelob. Pero lolom jach, come i ñoxi'al mi caj i ts'a'len yic'ot i pi'ʌlob, yic'ot i yalobil, yic'ot ñuc bʌ i yaj cʌntaya.

Daniel 11:6 Iomraidhean Croise

Job 38:15

¿Tsa' ba a bʌc'tesa xjontolilob ya' ba' mi' yajñelob? ¿Tsa' ba a mʌctʌbe i c'ʌb xjontolil che' woli ti jats'?

Salmos 10:5

Mi' chʌn xoy i bijlel bajche' jach yom i pusic'al. Ma'anic mi' wis c'otel ti' pusic'al bajche' mi cajel a mel. Mi' tse'tan i contrajob.

Ezequiel 30:21

I yalobil winic, tsa'ix j c'ʌsbe i c'ʌb jini Faraón i rey egiptojob. Awilan ti ili ora ma'anic majch woli' ts'ʌcʌben cha'an mi' lajmel, cha'an mi' cha' p'ʌt'an, cha'an mi' cha' chuc i yespada.

Daniel 11:13

Jini rey ti Siria mi caj i chajpan i soldadojob, ñumen che' bajche' ti ñaxan. Mi caj i cha' tilel i contrajin Egipto yic'ot cabʌl i soldadojob che' wen chajpʌbilob.

Daniel 11:15

Jini rey ti Siria mi caj i cha' chajpan i winicob, ñumen on che' bajche' ti ñaxan. Mi cajel i joy mʌctañob jini p'ʌtʌl bʌ tejclum am bʌ ti Egipto. Mi caj i mʌjlel i cha'an.

Daniel 11:40

Pero ti wi'il bʌ ora jini rey am bʌ ti sur mi caj i contrajin ti guerra. Jini rey ti norte mi caj i tejchel ti' contra che' bajche' colem ic', yic'ot cabʌl soldadojob, yic'ot cabʌl barco, yic'ot cabʌl caballo.

Daniel 11:7

Pero juntiquil i yijts'in jini x'ixic mi caj i yochel ti rey ti Egipto. Mi caj i tilel yic'ot i soldadojob cha'an mi' contrajin jini rey ti Siria. Mi caj i mʌjlel i cha'an.

Zacarias 11:16

Che'i mi caj a tsictesan bajche' joñon mi caj cʌq'ueñob ili israelob xcʌntaya mach bʌ anic i pusic'al. Ma'anic mi caj i sajcan jini sajtemo' bʌ. Ma'anic mi caj i coltan jini ch'o'ch'oco' bʌ. Ma'anic mi caj i ts'ʌcan jini c'ʌsquijem bʌ. Ma'anic mi caj i yʌq'uen i c'aj o jini lujb bʌ. Pero mi caj i c'ux jini wen jujp'em bʌ. Mi caj i p'it i yoc.