Daniel 11:4 - Chol: I T’an Dios

⁴ Pero che' bʌ tsa'ix ñuc'a i yumʌntel, mi caj i t'oxtʌl ti chʌnmojt. Mi caj i chilbentel che' bajche' mi' bojquel te'. Ma'anic mi caj i cʌytʌl i yumʌntel ti' wenta i yalobilob. Mi caj i t'oxbentelob yaño' bʌ mach bʌ i pi'ʌlobic, mach bʌ lajalic i ñuclel.

Chol de Tumbalá Bible

⁴ Pero che' bʌ tsa'ix ñuc'a i yumʌntel, mi caj i t'oxtʌl ti chʌnmojt. Mi caj i chilbentel che' bajche' mi' bojquel te'. Ma'anic mi caj i cʌytʌl i yumʌntel ti' wenta i yalobilob. Mi caj i t'oxbentelob yaño' bʌ mach bʌ i pi'ʌlobic, mach bʌ lajalic i ñuclel.

Daniel 11:4 Iomraidhean Croise

Salmos 39:6

Che'ʌch añon lojon bajche' axñal mu' bʌ ti ñumel majlel. Lolom jach mic mel lojon c pusic'al. Anquese mic tempan lojon c chubʌ'an, mach cujilic lojon majqui mi caj i ch'ʌm.

Eclesiastes 4:8

Wʌ'an winic am bʌ ti' bajñel. Ma'anic i pi'ʌlob, ma'anic i yalobil. Pero cabʌl mi' cha'len e'tel cha'an mi' tempan taq'uin. Mach jasʌlic mi' yubin. Che' chʌmenix, ¿majqui mi caj i ch'ʌm? ¿Chucoch wen p'ump'un mi' tic'lan i bʌ? Lolom jach jini.

Jeremias 12:15

Che' colbilobix c winicob ti' p'ʌtʌlel i contrajob, cha' talon c pʌsbeñob i yutslel c pusic'al. Mi caj c cha' pʌyob tilel ti' lumal, jujuntiquil ti' yajñib ba' tsa cʌq'ueyob i lum.

Jeremias 12:17

Mi mach yomobic i jac'beñon c t'an, mi caj c junyajlel chocob loq'uel ti' lumal. Mi caj c jisañob, che'en lac Yum.

Jeremias 18:7

Mi mejlel c bʌc' ac' c t'an cha'an mi' sʌc jilel jump'ejl colem tejclum, cha'an mi' bojquel, cha'an mi' t'uchtʌntel che' bajche' pimel.

Jeremias 31:40

C cha'añʌch pejtel jini joctʌl ba' muculob ch'ujlelʌl ya' ba'an i tʌñil c'ajc loc'sʌbil bʌ ti pulʌntib. Ch'ujul ja'el tic tojlel jini jamil tac c'ʌlʌl ti jini joctʌl Cedrón ya' ti' pasibal q'uin. Ma'anix mi caj i chʌn chijlel. Ma'anix mi' chʌn jisʌntel, che'en lac Yum.

Jeremias 45:4

Yom abi mic subeñet bajche' woli' yʌl lac Yum: “Q'uele wolix c cha' jem jini tsa' bʌ c wa'choco. Jini pʌc'bil bʌ c cha'an ti a lumal wolic cha' boc.

Jeremias 49:36

Mi caj c pam pucob ti' jujunwejl pañimil. Mi caj i c'ʌlʌl c'otelob ti ñajt bʌ lum tac.

Ezequiel 37:9

Lac Yum tsi' subeyon: Pejcan jini ic'. Suben: “Lac Yum Dios woli' yʌl: Jatet Espíritu, la' ti' chʌnwejlel pañimil cha'an ma' wujtan ili tsʌnsʌbilo' bʌ cha'an mi' cha' cuxtʌyelob”. Che' yom ma' suben, che'en lac Yum.

Daniel 7:2

Tsi' yʌlʌ: Tsaj q'uele che' ti ac'ʌlel awilan cabʌl ic' ti colem ñajb woli bʌ i tilel ti chʌnwejlel pañimil. Woli' ñijcan jini ja'.

Daniel 7:6

Ti wi'il tsaj q'uele yambʌ bʌte'el, lajal bajche' bajlum. An cha'q'uejl i wich' ti' pat. An chʌmp'ejl i jol. Tsa' aq'uenti cabʌl i p'ʌtʌlel cha'an mi' mʌlben yambʌ bʌte'el tac.

Daniel 7:8

Che' bʌ tsaj q'uele i xulub, tsa' caji ti pasel yambʌ i yalʌ xulub. Ti' p'ʌtʌlel jini alʌ xulub tsa' jojts'i loq'uel uxts'ijt xulub jini ñaxan bʌ. An i wut che' bajche' winic. An i yej tsa' bʌ i c'ʌñʌ cha'an mi' chañ'esan i bʌ ti t'an.

Daniel 8:22

Jini chʌnts'ijt xulub tsa' bʌ pasi ti' q'uexol jini ñaxan bʌ, jiñʌch chʌntiquil yumʌlob. Pero mach cabʌlic i ñuclel che' bajche' jini ñaxan bʌ yumʌl.

Daniel 8:8

Tsa' utsi caji ti tsictiyel i ñuclel jini tat chivo. Che' cabʌlix i p'ʌtʌlel tsa' bʌc' c'ocbenti loq'uel jini chan bʌ xulub. Ya' ba' tsa' loq'ui junts'ijt tsa' pasi yambʌ chʌnts'ijt tsa' bʌ i tuch'u i chʌnwejlel pañimil.

Zacarias 2:6

Lac Yum tsi' subeyob jini tsa' bʌ cʌjchiyob majlel: La'la ti puts'el. Loq'uenla ti Babilonia ya' ti norte. Tsac pucuyetla ti pejtelel pañimil, pero mi caj c cha' pʌyetla tilel. Cha'lenla wersa cha'an mi la' bʌc' tilel ti Sion, che'en.

Zacarias 6:5

Tsi' jac'beyon: Ili woli bʌ a q'uel jiñʌch i wentʌjlel chʌntiquil espíritujob tilem bʌ ti panchan, mu' bʌ i loq'uelob tilel che' ujtem i pejcañob jini Yumʌl ti pejtelel pañimil.

Mateo 12:25

Yujil Jesús chuqui woli' yʌlob ti' pusic'al. Tsi' subeyob: Mi tsi' t'oxoyob i bʌ ti leto i winicob juntiquil yumʌl, mi caj i jisʌbeñob i yumʌntel. Ma'anic mi' caj ti jalijel jump'ejl tejclum mi otot ba' mi' t'oxob i bʌ ti leto.

Lucas 12:20

Dios tsi' sube jini winic: “Tontojet, ti jini jach bʌ ac'ʌlel talob i pʌy majlel a ch'ujlel. Che' jini, ¿majqui i cha'an pejtelel a chubʌ'an tsa' bʌ a tempa?” che'en.

Apocalipsis 7:1

Ti wi'il tsaj q'uele chʌntiquil ángelob wa'alo' bʌ ti chʌmp'ejl i xujc pañimil. Woli' tic'ob chʌnchajp ic' am bʌ ti pañimil ame ñumic ti pañimil yic'ot ti colem ñajb yic'ot ti te'el.