Daniel 11:2 - Chol: I T’an Dios

² Wʌle mi caj c subeñet chuqui mi' caj ti ujtel ti tal to bʌ ora. Yambʌ uxtiquil yumʌlob mi caj i cha'leñob yumʌl ti Persia. Pero tal i chʌnticlel bʌ wen cabʌl bʌ i chubʌ'an, ñumen ñuc bajche' jini yaño' bʌ. Che' mi' p'ʌtan cha'an cabʌl i chubʌ'an, mi caj i tech guerra ti' contra jini yumʌl ti Grecia.

Chol de Tumbalá Bible

² Wʌle mi caj c subeñet chuqui mi' caj ti ujtel ti tal to bʌ ora. Yambʌ uxtiquil yumʌlob mi caj i cha'leñob yumʌl ti Persia. Pero tal i chʌnticlel bʌ wen cabʌl bʌ i chubʌ'an, ñumen ñuc bajche' jini yaño' bʌ. Che' mi' p'ʌtan cha'an cabʌl i chubʌ'an, mi caj i tech guerra ti' contra jini yumʌl ti Grecia.

Daniel 11:2 Iomraidhean Croise

Esdras 4:24

Che' jini quepel tsa' cʌle ti melol i Templo Dios jinto tsa' ts'ʌctiyi i cha'p'ejlel jab i yumʌntel Darío i yum Persia.

Esdras 4:7

Che' ja'el che' woli' yumʌntel jini rey Artajerjes ti Persia, tsi' chʌn ñopo i mʌctañob Bislam yic'ot Mitrídates yic'ot Tabeel yic'ot i pi'ʌlob. Tsa' ts'ijbunti jini jun ti' t'an arameo. Tsa' ñusʌnti ti yambʌ t'an.

Ester 1:1

Che' bʌ tsi' cha'le yumʌntel Asuero, an ti' wenta wucp'ejl i wucc'al (127) colem tejclum tac c'ʌlʌl ti India c'ʌlʌl ti Etiopía.

Proverbios 22:21

Ñopo ti isujm cha'an ma' cha' sujtel a subeñob jini tsa' bʌ i chocoyet tilel.

Daniel 10:1

Ti' yuxp'ejlel jab che' woli ti yumʌntel Ciro ch'oyol bʌ ti Persia, an chuqui tsa' cha' pʌsbenti Daniel. Isujm chuqui tsi' q'uele. Tsi' q'uele tal cabʌl wocol ti pañimil, yic'ot guerra, yic'ot ch'ijiyem bʌ pusic'al. Tsi' wen ch'ʌmʌ ti wenta chuqui tsi' q'uele. Dios tsi' yʌq'ue i ch'ʌmben isujm.

Daniel 11:25

Mi caj i pʌs i bʌ ti ñuc cha'an cabʌl i soldadojob ti' contra jini rey ti Egipto. Jini egiptojob ja'el mi caj i tempañob cabʌl soldadojob, pero lolom jach. Mach mʌjlic i cha'an jini rey ti Egipto, come mi caj i lotintel.

Daniel 7:5

Tsaj q'uele i cha'cojtlel bʌte'el lajalʌch bajche' oso, ch'uyul i c'ʌb cha'an mi' cha'len tijp'el. An uxts'ijt i bʌquel ch'i'latʌl c'uxul bʌ i cha'an. Tsa' subenti: “Ch'ojyen, wen c'uxu we'elʌl bajche' c'amel a wom”.

Daniel 8:21

Jini tat chivo jiñʌch yumʌl ti Grecia. Jini tam bʌ i xulub am bʌ ti' yojlil i wut jiñʌch ñaxan bʌ rey ti Grecia.

Daniel 8:26

Jini tsa' bʌ a q'uele isujmʌch. Mi' caj ti ujtel ti jo'bajc' yic'ot jo'lujunc'al (2,300) q'uin che' bajche' tsac tsictesʌbeyet. Mach yomic ma' tsictesan chuqui tsa' q'uele, come jal to mi caj i yujtel, che'en Gabriel.

Daniel 8:4

Jini tat tiñʌme' tsi' pam cha'le lujchiya. Tsi' laj choco tac jini am bʌ ti' tojel i wut. Ma'anic majch tsa' mejli i jisan cha'an cabʌl i p'ʌtʌlel. Tsi' mele che' bajche' yom. Tsi' wen ñuq'uesa i bʌ.

Amos 3:7

Isujm, ma'anic chuqui mi' cha'len lac Yum Dios mi ma'anic tsi' ñaxan subeyob x'altañob i cha'an, cha'an mi' cha' subob.

Juan 10:35

Dios tsi' pejca ti diosob jini winicob tsa' bʌ i yubibeyob i t'an Dios. Melelʌch mach mejlic ti jejmel i Ts'ijbujel Dios.

Apocalipsis 21:5

Jini buchul bʌ ti' yumʌntel tsi' yʌlʌ: Awilan, mic mel ti tsijib pejtelel chuqui tac an, che'en. Tsi' subeyon ja'el: Ts'ijban, come xuc'ul jini t'an, isujm ja'el, che'en.