Daniel 11:16 - Chol: I T’an Dios

¹⁶ Jini rey ch'oyol bʌ ti Siria mi caj i mel bajche' jach yom i pusic'al. Ma'anic majqui mi mejlel i mʌctan. Mi caj i c'ʌlʌl ochel ti' lumal Israel jini i t'ojol bʌ lum. Mi caj i yotsan ti pobre.

Chol de Tumbalá Bible

¹⁶ Jini rey ch'oyol bʌ ti Siria mi caj i mel bajche' jach yom i pusic'al. Ma'anic majqui mi mejlel i mʌctan. Mi caj i c'ʌlʌl ochel ti' lumal Israel jini i t'ojol bʌ lum. Mi caj i yotsan ti pobre.

Daniel 11:16 Iomraidhean Croise

Jeremias 3:19

Tsa cʌlʌ tic pusic'al: Tijicñayon che' mi cʌq'ueñetla la' ñuclel yic'ot calobilob ti jini wen bʌ lum, jini i t'ojol jax bʌ ti' wutob pejtel tejclum tac. Che' jini mi caj la' pejcañon ti uts'at. Ma'anix mi caj la' chʌn xoy la' bijlel cha'an mi la' cʌyon, cho'on tic pusic'al.

Daniel 11:3

Che' jini mi caj i tejchel yambʌ rey wen yujil bʌ guerra. I bajñel mi caj i cha'len yumʌl ti pañimil. Mi caj i yutsi ñuq'uesan i yumʌntel. Mi caj i mel che' bajche' yom i bajñel pusic'al.

Daniel 11:36

Jini rey ti Siria mi cajel i mel che' bajche' bajñel yom. Mi caj i ñuq'uesan i bʌ. Mi caj i chañ'esan i bʌ ti' tojlel pejtel diosob. Mi caj i p'aj jini mero Dios. Tijicña mi caj i q'uel pejtel i melbal c'ʌlʌl mi' c'otel i yorajlel che' mi' toj i mul. Come mi caj i yujtel che' bajche' tsi' wʌn ña'ta Dios.

Daniel 11:41

Mi caj i c'axel ti' lumal Israel, jini wen uts'at bʌ lum. Mi caj i jisan ñumel cabʌl tejclum tac, pero mi caj i ñusan Moab, Edom yic'ot lamital Amón.

Daniel 11:45

Che' jini mi caj i wa'chocon i buchlib ti' yʌxñʌlel pisil bʌ otot ya' ti ojlil bij ti' tojel colem ñajb, yic'ot ti' tojel jini ch'ujul bʌ wits Jerusalén. Ti jim bʌ ora mi caj i jilel. Ma'anic majch mi mejlel i coltan.

Daniel 5:19

Pejtel jini tejclum tac ti pañimil yujilo' bʌ t'an ti chajp ti chajp tsi' wen bʌc'ñayob cha'an cabʌl jax i ñuclel aq'uebil bʌ ti Dios. Tsiltsilñayob ti' tojlel. Come tsi' tsʌnsa majqui jach yom, pero mi yom i col, cuxul tsa' ajni. Tsi' yʌq'ue i ñuclel jini c'uxbibil bʌ i cha'an. Tsi' chilbe i ñuclel jini ts'a'lebil bʌ i cha'an.

Daniel 8:4

Jini tat tiñʌme' tsi' pam cha'le lujchiya. Tsi' laj choco tac jini am bʌ ti' tojel i wut. Ma'anic majch tsa' mejli i jisan cha'an cabʌl i p'ʌtʌlel. Tsi' mele che' bajche' yom. Tsi' wen ñuq'uesa i bʌ.

Daniel 8:7

Wen mich' tsa' c'oti ti' tojlel tat tiñʌme'. Tsi' c'ʌsbe i xulub ti cha'ts'ijtlel. Ma'anix i p'ʌtʌlel jini tat tiñʌme' cha'an mi' coltan i bʌ. Jini tat chivo tsi' choco ti lum. Tsa' caji i t'uchtan. Ma'anic majch tsa' mejli i coltan jini tat tiñʌme'.

Daniel 8:9

Junts'ijt tsa' wen p'ʌta. Tsa' caji i cha'len guerra ti sur yic'ot ya' ti' pasibal q'uin yic'ot ti' contra jini israelob.

Josue 1:5

Ma'anic majch mi caj i mʌjlel i cha'an che' mi' contrajiñet, che' wʌ'to añet ti pañimil. Che' bajche' tsa' ajniyon quic'ot Moisés mi cajñel quic'otet ja'el. Ma'anic mi caj j cʌyet ti a bajñelil. Mach p'ump'unic mi caj j cʌyet.