Daniel 11:12 - Chol: I T’an Dios

¹² Che' bʌ tsa'ix mʌjli i cha'an che' jisʌbilobix cabʌl i contrajob, mi caj i chañ'esan i bʌ. Pero ma'anic mi caj i jalijel i p'ʌtʌlel.

Chol de Tumbalá Bible

¹² Che' bʌ tsa'ix mʌjli i cha'an che' jisʌbilobix cabʌl i contrajob, mi caj i chañ'esan i bʌ. Pero ma'anic mi caj i jalijel i p'ʌtʌlel.

Daniel 11:12 Iomraidhean Croise

2 Reyob 14:10

Isujm tsa' jisa Edom. Wʌle chan wola' mel a bʌ cha'an tsa' mʌjli a cha'an. Pero ajñen ti a wotot ba' tijicñayet. ¿Chucoch ma' bajñel sajcan a wocol, cha'an ma' jilel yic'ot pejtel a pi'ʌlob ti Judá? che'en Joás rey bʌ ti Israel.

2 Cronicas 25:19

Che'ʌch mi caj a wujtel, Amasías, come chan wola' q'uel a bʌ cha'an tsa' jisa jini edomob. Ma' lon ña'tan mi caj i mʌjlel a cha'an. Pero ajñen ti a wotot ame a taj wocol. ¿Chucoch ma' lon ac' a bʌ ti jisʌntel yic'ot pejtelel jini año' bʌ ti Judá? che'en.

2 Cronicas 26:16

Pero che' cabʌlix i p'ʌtʌlel, tsa' caji i chañ'esan i bʌ. Cabʌl tsi' taja i sajtemal, come tsi' ñusʌbe i t'an lac Yum Dios. Tsa' ochi ti' yotot lac Yum cha'an mi' pulben pom ya' ti pulʌntib.

2 Cronicas 32:25

Pero Ezequías ma'anic tsi' yʌq'ue wocolix i yʌlʌ Dios che' bʌ tsa' lajmi. Tsa' jach caji i chañ'esan i bʌ. Jini cha'an lac Yum tsi' mich'le Ezequías yic'ot Judá yic'ot Jerusalén.

Proverbios 16:18

Chañʌch i pusic'al jini mu' bʌ caj ti to'ol jilel. Ñucʌch mi' lon q'uel i bʌ jini mu' bʌ caj ti yajlel.

Ezequiel 28:17

Come tsa' chañ'esa a bʌ cha'an a t'ojol jax. Tsa' soco a ña'tʌbal cha'an a ñuclel. Jini cha'an tsac chocoyet jubel ti lum cha'an mi' q'uelob jini reyob ti pañimil peq'uesʌbilet.

Ezequiel 28:2

I yalobil winic, suben jini ñuc bʌ yumʌl ti Tiro: “Che'ʌch woli' yʌl lac Yum Dios: Tsa' lon chañ'esa a bʌ. Tsa' wʌlʌ: Joñon juntiquil dioson. Mic buchtʌl ti' buchlib Dios wʌ' ti ojlil colem ñajb, lon che'et. Ya winiquet jach, mach diosetic, pero ti a pusic'al ma' lon ña'tan dioset.

Ezequiel 28:5

Cha'an mañajet ti trato tsa' mejli a tempan cabʌl a chubʌ'an. Che' bʌ tsa' oñ'a a chubʌ'an, tsa' chañ'esa a bʌ.

Daniel 11:11

Wen mich' jini rey ti Egipto, mi caj i p'ʌtesan i bʌ ti' contra. Mi caj i mʌjlel i cha'an anquese cabʌlob i contra.

Daniel 11:13

Jini rey ti Siria mi caj i chajpan i soldadojob, ñumen che' bajche' ti ñaxan. Mi caj i cha' tilel i contrajin Egipto yic'ot cabʌl i soldadojob che' wen chajpʌbilob.

Daniel 5:23

Tsa' ts'a'le lac Yum am bʌ ti Panchan. Tsa' choco ti ch'ʌmol pejtel i vaso tac yic'ot i taza tac cha'an ma' c'ʌn ti jap vino yic'ot a pi'ʌlob ti e'tel, cha'an ma' ñuq'uesan a dios tac melbil bʌ ti oro, ti plata, ti bronce, ti tsucu taq'uin, ti te' yic'ot ti xajlel, anquese ma'anic i ña'tʌbal. Ma'anic chuqui mi' yubiñob, ma'anic chuqui mi' q'uelob. Maxto anic tsa' ch'ujutesa jini Dios woli bʌ i yʌq'ueñet a cuxtilel ba' cʌyʌl pejtel chuqui ma' mel.

Daniel 8:25

Wen p'ip' i jol, wen yujil lotiya. Mi caj i bʌc' jisan jini mach bʌ yʌxʌlobic i yo. Mi caj i chañ'esan i bʌ ti' contra i Yum yumʌlob, pero Dios mi caj i jisan.

Deuteronomio 8:14

Che' jini mi caj la' chañ'esan la' bʌ. Mi caj i ñajʌyel ti la' pusic'al lac Yum Dios tsa' bʌ i loc'sayetla ti' lumal Egipto ba' tsa' la' cha'le majtan e'tel.

1 Timoteo 3:6

Mach yomic mi' yochel tsiji' bʌ hermano ti xcʌntaya ame i taj i mul che' bajche' tsi' taja i mul xiba che' bʌ tsi' chañ'esa i bʌ.

1 Pedro 5:5

Che' ja'el, ch'iton winicob, ac'ʌ la' bʌ ti' wenta ancianojob. Ti la' pejtelel chʌn mele la' bʌ ti pec' ti' tojlel la' pi'ʌlob, come Dios mi' contrajin jini mu' bʌ i chañ'esan i bʌ. Mi' yʌq'uen i yutslel i pusic'al jini mu' bʌ i peq'uesan i bʌ.