Daniel 10:9 - Chol: I T’an Dios

⁹ Che' bʌ tsa cubi i t'an, tsa' ñuc yajliyon. Tsa' juquin chʌmiyon.

Chol de Tumbalá Bible

⁹ Che' bʌ tsa cubi i t'an, tsa' ñuc yajliyon. Tsa' juquin chʌmiyon.

Daniel 10:9 Iomraidhean Croise

Genesis 15:12

Che' bʌ woli' bʌjlel q'uin, tsa' wen wʌyi Abram. Awilan, tsi' wen cha'le bʌq'uen. An ic'ch'ipan bʌ pañimil ba' wʌyʌl Abram.

Genesis 2:21

Lac Yum Dios tsi' yotsʌbe tam bʌ i wʌyel jini winic. Tsa' wʌyi. Dios tsi' loc'sʌbe junts'ijt i ch'il'at. Tsi' cha' ñup'be i bʌc'tal ba' tsa' loq'ui.

Job 33:15

Che' woliyonla ti ñajal yic'ot che' an chuqui mi laj q'uel ti ac'ʌlel,

Cantares 5:2

Che' wʌyʌlon ti ac'ʌlel, tsa' caji ti ch'ojyel c pusic'al ti ñajal. Tsa cubibe i t'an jini c'uxbibil bʌ c cha'an. Wa'al ti' ti' c wʌyib, woli' c'ajtin ochel ba' añon. Jambeñon abi c'uxbibilet bʌ c cha'an, quijñam, x'ujcuts a t'ojol jax bʌ, come tsac ñusa ac'ʌlel ti jumpat. Ach'onix cha'an ye'eb, che'en.

Daniel 10:16

Pero juntiquil lajal bʌ bajche' winic tsi' tʌlbeyon c ti'. Che' jini tsa' cajiyon ti t'an. Tsac sube jini tilem bʌ ti panchan: C Yum, woliyon ti bajq'uel cha'an ili tsa' bʌ j q'uele. Ma'anix c p'ʌtʌlel.

Daniel 8:18

Tsa' c'uñ'ayon. Tsa' ñol yajliyon ti lum. Pero tsi' ñijcayon ch'ojyel. Tsi' coltayon cha'an mic wa'tʌl.

Habacuc 3:16

Tsiltsilñayon ti bʌq'uen che' mi cubin a t'an. C'unix pañimil cha'an bʌq'uen. T'ʌlt'ʌlña ti bʌq'uen c pusic'al. Ñʌch'ʌl mi caj c pijtan jini q'uin che' mi' tajob wocol laj contrajob yomo' bʌ i jisañonla.

Lucas 22:45

Che' bʌ tsa' ujti ti oración tsa' ch'ojyi. Tsa' cha' tili ba'an xcʌnt'añob i cha'an. Tsi' tajayob wʌyʌlob cha'an i ch'ijiyemlel i pusic'al.

Lucas 9:32

Suts'atax i wut Pedro yic'ot i pi'ʌlob cha'an yomob wʌyel. Che' cañal i wut tsi' q'ueleyob i ñuclel Jesús yic'ot jini cha'tiquil winicob ya' bʌ añob.

Apocalipsis 1:17

Che' bʌ tsaj q'uele, tsa' yajliyon ti' yoc che' bajche' chʌmen bʌ. Tsi' yʌc'ʌ ñoj bʌ i c'ʌb tic jol. Tsi' subeyon: Mach a cha'len bʌq'uen. Añon ti ñaxan, añon ti' yujtibal.