Daniel 10:5 - Chol: I T’an Dios

^5-6 Tsaj q'uele juntiquil winic xojol bʌ i pislel melbil bʌ ti lino yic'ot i cajchiñʌc' melbil bʌ ti oro. Che' yilal i bʌc'tal che' bajche' i t'ojol jax bʌ xajlel i c'aba' topacio. Lemlaw i wut bajche' i xu'il chajc. Lajal i bʌc' i wut che' bajche' xutunte' woli bʌ ti lejmel. Che' yilal i c'ʌb i yoc bajche' wen juc'bil bʌ bronce. Ju'ucña i t'an che' bajche' i t'an cabʌl winicob.

Chol de Tumbalá Bible

^5-6 Tsaj q'uele juntiquil winic xojol bʌ i pislel melbil bʌ ti lino yic'ot i cajchiñʌc' melbil bʌ ti oro. Che' yilal i bʌc'tal che' bajche' i t'ojol jax bʌ xajlel i c'aba' topacio. Lemlaw i wut bajche' i xu'il chajc. Lajal i bʌc' i wut che' bajche' xutunte' woli bʌ ti lejmel. Che' yilal i c'ʌb i yoc bajche' wen juc'bil bʌ bronce. Ju'ucña i t'an che' bajche' i t'an cabʌl winicob.

Daniel 10:5 Iomraidhean Croise

Isaias 11:5

Mi caj i cha'len yumʌl ti toj yic'ot ti' xuc'tilel i pusic'al.

Jeremias 10:9

Ch'oyol ti Tarsis jini tsucu taq'uin, ch'oyol ti Ufaz jini oro, mi' ch'ʌmob tilel. Jini wen yujilo' bʌ mi' melob ejtalʌl. Mi' xojbeñob chʌchʌc bʌ yic'ot chʌccojan bʌ i pislel, wen letsem bʌ i tojol. Laj i melbalob winicob yujilo' bʌ i melol.

Ezequiel 9:2

Awilan ya' ti' bijlel tejclum ti' ti' ts'ajc am bʌ ti' tojel norte woli' tilelob wʌctiquil winicob. Ti jujuntiquil an i yespada ti' c'ʌb cha'an mi' cha'len tsʌnsa. Juntiquil lʌpbil i cha'an lino bʌ i pislel, joc' cʌchbil i cha'an pluma yic'ot tinta ti' cajchiñʌc'. Tsa' laj ochiyob ti Templo ba' tsa' wa'leyob ti' tojel pulʌntib melbil bʌ ti bronce.

Zacarias 1:8

Tsaj q'uele ti ac'ʌlel c'ʌchʌcña woli' tilel Winic ti chʌchʌc bʌ caballo. Tsa' wa'le ti' yojlil mirto te' ti' ti' ja'. Ya' ti' pat tsaj q'uele yambʌ caballo tac, chʌchʌc bʌ yic'ot sʌsʌc bʌ yic'ot yʌxmulan bʌ.

Efesios 6:14

Yom chajpʌbiletla che' bajche' soldado yic'ot isujmlel i t'an Dios, i wenta la' cajchiñʌc', cha'an uts'at mi la' cha'len xʌmbal. Lʌpʌla toj bʌ la' pusic'al i wenta la' bujc.

Josue 5:13

Che' bʌ lʌc'ʌlix tsa' c'oti Josué ya' ti Jericó, tsi' q'uele ya' wa'al juntiquil winic ti' tojel. Chucul i cha'an jini winic junts'ijt espada, bots'bil i cha'an ti' yotot. Josué tsi' lʌc'tesa i bʌ ya' ba' wa'al. Tsi' c'ajtibe: ¿Jatet ba jini c pi'ʌlet bʌ lojon o jatet ba jini i pi'ʌlet bʌ j contra lojon? che'en Josué.