Daniel 10:16 - Chol: I T’an Dios

¹⁶ Pero juntiquil lajal bʌ bajche' winic tsi' tʌlbeyon c ti'. Che' jini tsa' cajiyon ti t'an. Tsac sube jini tilem bʌ ti panchan: C Yum, woliyon ti bajq'uel cha'an ili tsa' bʌ j q'uele. Ma'anix c p'ʌtʌlel.

Chol de Tumbalá Bible

¹⁶ Pero juntiquil lajal bʌ bajche' winic tsi' tʌlbeyon c ti'. Che' jini tsa' cajiyon ti t'an. Tsac sube jini tilem bʌ ti panchan: C Yum, woliyon ti bajq'uel cha'an ili tsa' bʌ j q'uele. Ma'anix c p'ʌtʌlel.

Daniel 10:16 Iomraidhean Croise

Exodo 4:10

Moisés tsi' sube lac Yum: A winicon. C'ʌlʌl che' ch'itoñon to mach wen cujilic t'an anquese wola' pejcañon. C'unte' mic cha'len t'an. Wocol mi' loq'uel c t'an, che'en.

Exodo 4:13

Pero tsi' yʌlʌ: Awocolic c Yum, choco majlel yambʌ, che'en.

Eclesiastes 1:18

Che' cabʌlix lac ña'tibal, cabʌl lac wocol. Che' mi' p'ojlel lac ña'tibal, mi' p'ojlel i ch'ijiyemlel lac pusic'al.

Isaias 6:7

Tsi' tʌlbeyon quej jini nich c'ajc. Tsi' yʌlʌ: Tsa'ix i tʌlʌ a wej ili nich c'ajc. Loc'sʌbilix pejtel a jontolil. Ñusʌbilix pejtelel a mul, che'en.

Jeremias 1:9

Lac Yum tsi' sʌts'ʌ i c'ʌb. Tsi' tʌlʌ quej. Tsi' subeyon: Tsa'ix cotsa c t'an ti a wej.

Ezequiel 1:26

Ya' ti chañelal jini panchan tsaj q'uele i buchlib rey yilal melbil bʌ ti zafiro xajlel. Ya' buchul juntiquil lajal bʌ bajche' winic ti q'uelol.

Ezequiel 3:27

Pero ba' jach bʌ ora mi cʌq'ueñet c t'an, mi caj c cha' jambeñet a wej cha'an ma' subeñob: “Lac Yum Dios woli' yʌl: Jini yom bʌ i yubin la' i yubin, jini mach bʌ yomic i yubin, la' ajnic”. Che' yom ma' subeñob come xñusa t'añob, che'en Dios.

Ezequiel 33:22

Che' ti ic'ajel che' yomix c'otel jini xputs'el loq'uem bʌ ti Jerusalén, tsa' ñaxan c'oti i c'ʌb lac Yum tic tojlel. Tsi' cha' aq'ueyon c p'ʌtʌlel ti t'an. Jini cha'an che' ti sʌc'ajel che' bʌ tsa' c'oti jini xputs'el, tsa' mejli c pejcan.

Daniel 12:8

Joñon tsa cubi, pero ma'anic tsac ch'ʌmbe isujm. Jini cha'an tsaj c'ajtibe: C Yum, ¿chuqui mi caj i yujtel ti wi'il bʌ ora che' mi' yujtel pejtel iliyi? cho'on.

Daniel 4:19

Ñʌch'ʌl tsa' cʌle Daniel am bʌ i cha'chajplel i c'aba' Beltsasar. Tsa' caji i wen mel i pusic'al. Pero jini rey tsi' sube: Beltsasar, mach a mel a pusic'al. Subeñon i sujmlel c ñajal, che'en. Daniel tsi' jac'be: ¡Mach cha'leyajix c yum! Uts'at muq'uic i yujtel ti' tojlel a contrajob che' bajche' tsa' ñajle.

Daniel 7:15

Joñon Daniel tsa' cajiyon ti bʌq'uen. Tsa' caji c wen mel c pusic'al cha'an pejtel jini tsa' bʌ j q'uele.

Daniel 7:28

Jiñʌch tsa' bʌ j q'uele. Joñon Danielon. Tsa' caji c wen mel c pusic'al. Tsa' sʌc'a c wut cha'an bʌq'uen. Pero ma'anic tsac sube yambʌ.

Daniel 8:15

Joñon Danielon, tsac cha'le wersa cha'an mic ch'ʌmben isujm ili tsa' bʌ j q'uele. Awilan tsa' wa'le winic tic tojlel.

Daniel 8:17

Gabriel tsi' lʌc'tesa i bʌ ba' añon. Tsa' cajiyon ti wen bʌq'uen. Tsa' ñuc yajliyon ti lum. Tsi' subeyon: I yalobil winic, yom ma' ch'ʌmben isujm. Mi caj i ts'ʌctiyel pejtel iliyi che' ti' jilibal pañimil, che'en.

Daniel 8:18

Tsa' c'uñ'ayon. Tsa' ñol yajliyon ti lum. Pero tsi' ñijcayon ch'ojyel. Tsi' coltayon cha'an mic wa'tʌl.

Daniel 8:27

Joñon Danielon. Tsa' c'uñ'ayon. Cabʌl q'uin c'amon. Che' bʌ tsa' c'oc'ayon, tsa' caji c cha' melben i ye'tel jini rey. Pero tsac wen mele c pusic'al cha'an chuqui tac tsaj q'uele, come ma'anic tsac ch'ʌmbe isujm.

Daniel 9:21

Jini ángel Gabriel tsa' bʌ j q'uele che' ti ñaxan, tsa' wejli tilel ti ora. Tsa' c'oti tic tojlel che' ti och'ajel q'uin che' i yorajlelix mi' pulbentel i majtan Dios.

Lucas 1:64

Ti ora tsa' cha' caji ti t'an. Tsa' jijti i yac' Zacarías. Tsi' subu i ñuclel Dios.

Lucas 21:15

Come joñon mi caj cʌq'ueñetla t'an mu' bʌ caj la' sub yic'ot la' ña'tʌbal mach bʌ mejlic i contrajintel.

Juan 20:28

Tomás tsi' jac'be: C Yum, c Dios, che'en.

Josue 5:14

Jini winic tsi' jac'ʌ: Tsa' tiliyon che' bajche' i yaj capitán soldadojob i cha'an lac Yum, che'en jini winic. Josué tsi' pʌcchoco i bʌ ti' tojlel jini winic. Tsi' yʌlʌ: C Yum, a winicon, subeñon chuqui a wom, che'en Josué.

Apocalipsis 1:13

Ti' yojlil jini wucts'ijt lámpara tsaj q'uele i Yalobil Winic lʌpʌl i cha'an pʌl jexan bʌ i bujc c'ʌlʌl ti' yoc. Cʌchʌl i tajn ti' cajchiñʌc' melbil bʌ ti oro.

Juezob 13:8

Che' jini Manoa tsi' pejca lac Yum ti oración: C Yum, ti wocol t'an mij c'ajtibeñet la' cha' tilic i winic Dios tic tojlel lojon cha'an mi' cʌntesañon lojon bajche' yom mij cosan lojon, che'en.

Juezob 6:13

Gedeón tsa' caji i yʌl: Mi isujm wʌ' an lac Yum quic'ot, ¿chucoch tsa' ujti pejtelel ili wocol tic tojlel lojon? ¿Bacan tsiquil pejtelel i p'ʌtʌlel tsa' bʌ i pʌsbeyob c ñojte'el lojon? Tsi' subeyon lojon bajche' tsi' pʌyʌyob loq'uel ti Egipto. Lac Yum tsa'ix i cʌyʌyon lojon. Tsa'ix i yʌc'ʌyon lojon ti jilel ti' c'ʌbob madiañob. Che' tsi' yʌlʌ Gedeón.

Juezob 6:15

Gedeón tsi' yʌlʌ: C Yum, ¿bajche' mi mejlel j coltan jini israelob? Come p'ump'uñob c pi'ʌlob i p'olbalob Manasés. Joñon ja'el cojix bʌ i yalobilon c tat, che'en.