Daniel 10:12 - Chol: I T’an Dios

¹² Tsi' subeyon: Daniel, mach a cha'len bʌq'uen. Ubibil a woración ti Dios c'ʌlʌl che' bʌ tsa' caji a wʌc' a pusic'al cha'an ma' ch'ʌmben isujm, che' bʌ tsa' peq'uesa a bʌ ti' tojlel a Dios. Jini cha'an tsa' tiliyon cha'an tsi' jac'ʌ Dios.

Chol de Tumbalá Bible

¹² Tsi' subeyon: Daniel, mach a cha'len bʌq'uen. Ubibil a woración ti Dios c'ʌlʌl che' bʌ tsa' caji a wʌc' a pusic'al cha'an ma' ch'ʌmben isujm, che' bʌ tsa' peq'uesa a bʌ ti' tojlel a Dios. Jini cha'an tsa' tiliyon cha'an tsi' jac'ʌ Dios.

Daniel 10:12 Iomraidhean Croise

Salmos 69:10

Tsac cha'le uq'uel, tsac cha'le ch'ajb. Jini cha'an woli cʌ'lentel.

Isaias 35:4

Subeñob jini woliyo' bʌ ti bʌq'uen: La' ñuc'ac la' pusic'al. Mach mi la' cha'len bʌq'uen, come la' wilan talix lac Dios. Tal i jisan la' contrajob. Mi caj i tilel Dios cha'an mi' coltañetla, che'etla.

Isaias 41:10

Mach a cha'len bʌq'uen, come añon quic'otet. Mach yomic ma' lij a bʌ come a Dioson. Mi caj c wen p'ʌtesañet. Mi caj j coltañet. Mi caj j cʌntañet ti p'ʌtʌl bʌ j c'ʌb jini ñoj bʌ.

Isaias 41:14

Mach ma' wis cha'len bʌq'uen Jacob anquese lajal a c'unlel che' bajche' chʌchʌc lucum. Come joñon mi caj j coltañet. Joñon jini wen Ch'ujul Bʌ ti Israel, la' Yumon. Tsac mʌñʌyet.

Isaias 58:9

Che' jini mi caj a pejcañon. Mi caj c jac'beñet. Mi caj a c'ajtibeñon a coltʌntel. Mi caj c subeñet: “Wʌ'ʌch añon”, cho'on. Cʌyʌ a tic'lan a pi'ʌlob. Cʌyʌ a'leya yic'ot jop't'an.

Isaias 65:24

Mi caj i yujtel che' maxto cajic i pʌyoñob, joñon mi caj c jac'beñob. Che' woliyob to ti t'an, mi caj cubiñob.

Daniel 10:11

Tsi' subeyon: Daniel, c'uxbibilet i cha'an Dios, ch'ojyen. Ubin chuqui mi caj c subeñet, come Dios tsi' chocoyon tilel ba' añet, che'en. Che' bʌ tsi' pejcajon, tsiltsilñayon tsa' wa'leyon.

Daniel 10:19

Tsi' subeyon: Dios mi' wen c'uxbiñet. Mach a cha'len bʌq'uen, mach a mel a pusic'al. P'ʌtesan a bʌ. La' ch'ejl'ac a pusic'al, che'en. Che' woli to i pejcañon, tsa' p'ʌtayon. Tsac sube: Cha' pejcañon, c Yum, come tsa'ix a p'ʌtesayon, cho'on.

Levitico 16:29

Che'ʌch yom mi la' mel ti jujump'ejl jab che' ti 25 de septiembre. Yom chʌn c'ajal la' cha'an ti pejtelel ora. Yom mi' la' tsajin la' bʌ. Yom mi' la' peq'uesan la' bʌ. Mach yomic mi la' cha'len e'tel jatetla, mi jinic woli bʌ ti jula' ti la' lumal. Come ti ili q'uin cha' añʌch i ña'tʌntel la' mul cha'an mi la' wʌc' ti yajpel che' mi la' sʌq'uesʌntel ti pejtelel la' mul tic tojlel.

Levitico 16:31

I yorajlelʌch c'aj o ti la' tojlel. Yom mi' la' peq'uesan la' bʌ. Che'ʌch yom ti pejtelel ora.

Numeros 29:7

Che' ñumenix lujump'ejl q'uin, yom mi la' cha' tempan la' bʌ ti la' pejtelel. Yom mi la' peq'uesan la' bʌ tic tojlel. Mach yomic mi la' cha'len e'tel.

Mateo 28:10

Jesús tsi' subeyob: Mach mi la' cha'len bʌq'uen. Cucula. Subenla quermanojob cha'an mi' majlelob ti Galilea. Ya' mi caj i q'ueloñob, che'en.

Mateo 28:5

Jini ángel tsi' sube x'ixicob: Mach mi la' cha'len bʌq'uen. Cujil woli la' sajcan Jesús tsa' bʌ ch'ijle ti cruz.

Marcos 16:6

Jini winic tsi' subeyob: Mach la' cha'len bʌq'uen. Woli la' sajcan Jesús ch'oyol bʌ ti Nazaret jini tsa' bʌ ch'ijle ti cruz. Tsa'ix ch'ojyi. Mach wʌ'ix an. Q'uelela i yajñib ba' tsi' ñolchocoyob.

Lucas 1:13

Jini ángel tsi' sube: Mach a cha'len bʌq'uen Zacarías, come tsa' ubinti a woración. Mi caj i tsictiyel i yalobil a wijñam Elisabet. Mi caj i yilan pañimil ch'iton bʌ a walobil. Mi caj a wotsʌben i c'aba' Juan.

Lucas 1:30

Jini ángel tsi' sube: Mach ma' cha'len bʌq'uen, María, come uts'at woli' q'uelet Dios.

Lucas 2:10

Jini ángel tsi' subeyob: Mach mi la' cha'len bʌq'uen come awilan, tsac ch'ʌmbeyetla tilel wen t'an cha'an pejtelel winicob x'ixicob, mu' bʌ caj i yʌq'ueñetla cabʌl i tijicñʌyel la' pusic'al.

Lucas 24:38

Jesús tsi' subeyob: ¿Chucoch woli la' mel la' pusic'al? ¿Chucoch woli ti t'an la' pusic'al?

Hechos 27:24

Tsi' yʌlʌ: “Mach ma' cha'len bʌq'uen Pablo. Wersa mi caj a wa'tʌl ti' tojlel César. Awilan, Dios tsa'ix i yʌq'ueyet pejtelel woliyo' bʌ ti xʌmbal a wic'ot che' bajche' tsa' c'ajtibe”, che'en.

Apocalipsis 1:17

Che' bʌ tsaj q'uele, tsa' yajliyon ti' yoc che' bajche' chʌmen bʌ. Tsi' yʌc'ʌ ñoj bʌ i c'ʌb tic jol. Tsi' subeyon: Mach a cha'len bʌq'uen. Añon ti ñaxan, añon ti' yujtibal.