Daniel 10:11 - Chol: I T’an Dios

¹¹ Tsi' subeyon: Daniel, c'uxbibilet i cha'an Dios, ch'ojyen. Ubin chuqui mi caj c subeñet, come Dios tsi' chocoyon tilel ba' añet, che'en. Che' bʌ tsi' pejcajon, tsiltsilñayon tsa' wa'leyon.

Chol de Tumbalá Bible

¹¹ Tsi' subeyon: Daniel, c'uxbibilet i cha'an Dios, ch'ojyen. Ubin chuqui mi caj c subeñet, come Dios tsi' chocoyon tilel ba' añet, che'en. Che' bʌ tsi' pejcajon, tsiltsilñayon tsa' wa'leyon.

Daniel 10:11 Iomraidhean Croise

Job 37:1

Tsiltsilña c pusic'al mi cubin, tʌp'tʌp'ña ti bʌq'uen.

Salmos 45:11

Mi caj i c'uxbiñet jini rey come a t'ojol mi' q'uelet. Jiñʌch a Yum, yom ma' c'uxbin.

Cantares 7:10

I cha'añoñʌch. Jini c'uxbibil bʌ c cha'an mi' c'uxbiñon.

Ezequiel 14:14

Wʌ'ic chumulob Noé yic'ot Daniel yic'ot Job ti' tojlelob, ma'anic i p'ʌtʌlel cha'an mi' coltañob. I bajñelob jach mi' colelob jini tojo' bʌ cha'an ti wen bʌ i melbalob, che'en lac Yum Dios.

Ezequiel 2:1

Tsi' subeyon: I yalobil winic, ts'ubeñet jach. Yom ma' wa'tʌl cha'an com c pejcañet, che'en.

Daniel 10:19

Tsi' subeyon: Dios mi' wen c'uxbiñet. Mach a cha'len bʌq'uen, mach a mel a pusic'al. P'ʌtesan a bʌ. La' ch'ejl'ac a pusic'al, che'en. Che' woli to i pejcañon, tsa' p'ʌtayon. Tsac sube: Cha' pejcañon, c Yum, come tsa'ix a p'ʌtesayon, cho'on.

Daniel 10:3

Ma'anic tsaj c'uxu we'elʌl, ma'anic tsac japʌ vino. Mach sumuquic i bʌl c ñʌc'. Uxp'ejl semana ma'anic tsac boño c jol.

Marcos 16:8

Jini x'ixicob tsa' loq'uiyob majlel ti ajñel ba'an i yotlel ch'ujlelʌl come tsiltsilñayob ti bʌq'uen. Ma'anic chuqui tsi' subeyob yaño' bʌ come woliyob ti bʌq'uen.

Juan 13:23

Jesús c'uxatax tsi' yubi juntiquil xcʌnt'an i cha'an ya' bʌ buchul, lʌc'ʌl ti' t'ejl.

Juan 21:20

Tsi' sutq'ui i bʌ Pedro. Tsi' q'uele jini xcʌnt'an woli bʌ i tsajcañob, jini c'uxbibil bʌ i cha'an Jesús tsa' bʌ buchle ti' t'ejl Jesús che' bʌ tsi' c'uxuyob waj. Jiñʌch tsa' bʌ i sube: “C Yum, ¿majqui mi caj i yʌq'uet ti' c'ʌb a contra?” che'en.

Hechos 26:16

Ch'ojyen, wa'i', come tsa' tsictiyiyon ti a wut cha'an mic wa'chocoñet cha'an ma' melbeñon que'tel. Mi caj a wʌc' ti cʌjñel jini tsa' bʌ a q'uele yic'ot jini mu' bʌ caj a q'uel che' mic tsictiyel ti a wut.

Hechos 9:6

Saulo, tsiltsilña ti bʌq'uen, tsi' sube: C Yum, ¿chuqui a wom mic cha'len? che'en. Lac Yum tsi' sube: Ch'ojyen. Ochen ti tejclum. Mi caj a subentel chuqui yom ma' cha'len, che'en.