Daniel 10:1 - Chol: I T’an Dios

¹ Ti' yuxp'ejlel jab che' woli ti yumʌntel Ciro ch'oyol bʌ ti Persia, an chuqui tsa' cha' pʌsbenti Daniel. Isujm chuqui tsi' q'uele. Tsi' q'uele tal cabʌl wocol ti pañimil, yic'ot guerra, yic'ot ch'ijiyem bʌ pusic'al. Tsi' wen ch'ʌmʌ ti wenta chuqui tsi' q'uele. Dios tsi' yʌq'ue i ch'ʌmben isujm.

Chol de Tumbalá Bible

¹ Ti' yuxp'ejlel jab che' woli ti yumʌntel Ciro ch'oyol bʌ ti Persia, an chuqui tsa' cha' pʌsbenti Daniel. Isujm chuqui tsi' q'uele. Tsi' q'uele tal cabʌl wocol ti pañimil, yic'ot guerra, yic'ot ch'ijiyem bʌ pusic'al. Tsi' wen ch'ʌmʌ ti wenta chuqui tsi' q'uele. Dios tsi' yʌq'ue i ch'ʌmben isujm.

Daniel 10:1 Iomraidhean Croise

Genesis 41:32

Cha'yajl tsi' cha'le ñajal Faraón, come wʌn chajpʌbilix ti Dios. Mux caj i bʌc' mel Dios.

2 Cronicas 36:22

Tsa' wersa ts'ʌctiyi i t'an lac Yum tsa' bʌ subenti Jeremías. Che' ti ñaxan bʌ jab i ye'tel jini Ciro, rey bʌ ti Persia, lac Yum tsi' ñijcʌbe i pusic'al Ciro rey bʌ ti Persia. Tsi' yʌc'ʌ ti pam pujquel i t'an yic'ot i ts'ijbujel ti pejtelel lum ba' tsi' cha'le yumʌl.

Esdras 3:7

Tsi' pʌyʌyob ti e'tel jini xjuc' te'ob yic'ot jini xmel ts'ajcob. Tsi' mʌñʌyob ch'ujte' am bʌ ti Líbano. Tsi' tojoyob yic'ot i bʌl ñʌc'ʌl yic'ot aceite yic'ot vino cha'an mi' ch'ʌmob tilel jini sidoñojob yic'ot tirojob. Tsi' ñijcayob tilel jini te' ti' ti' colem ñajb c'ʌlʌl tsa' c'otiyob ti Jope am bʌ ti' ti' ñajb. Tsa' lu' mejli che' bajche' tsi' yʌc'ʌ mandar Ciro yumʌl bʌ ti Persia.

Esdras 4:3

Pero ma'anic tsi' jac'ʌyob Zorobabel yic'ot Jesúa yic'ot jini xñoxob ti Israel. Tsi' yʌlʌyob: Mach mejlic c pʌyet lojon cha'an mi laj comol cha'len e'tel. Jasʌlon lojon. Mu' to c bajñel mel lojon i Templo c Yum lojon, i Dios Israel, che' bajche' tsi' subeyon lojon Ciro yumʌl bʌ ti Persia. Che' tsi' yʌlʌyob.

Esdras 6:14

Che' jini, jini judíojob año' bʌ i ye'tel tsi' chʌn cha'leyob e'tel ti Templo. Tsi' cha'leyob subt'an jini x'alt'añob Hageo yic'ot Zacarías (i yalobil Iddo). Che' jini tsi' wen coltayob. Jini cha'an tsa' mejli i yujtesañob jini Templo cha'an ti' mandar i Dios israelob, yic'ot i mandar tac jini reyob ti Persia, Ciro yic'ot Darío yic'ot Artajerjes.

Esdras 6:3

Che' ti' tejchibal i yumʌntel jini rey Ciro tsi' yʌc'ʌ mandar cha'an mi' cha' melbentel i Templo Dios ya' ti Jerusalén: Ya' yom mi' pulbentel i majtan Dios. Xuc'ul yom mi' cha' mejlel i c'ʌclib i Templo. Yom wucp'ejl i cha'c'al (27) metro i tamlel. Che'ʌch yom i p'isol i xujc ja'el.

Isaias 44:28

Joñon mi cʌq'uen i ye'tel Ciro. Mic sub: “Jiñʌch xcʌnta tiñʌme' c cha'an. Mi caj i mel pejtelel chuqui mi cʌl. Mi caj i yʌc' ti cha' melol Jerusalén. Mi caj cʌc' ti cha' wejlel i c'ʌclib jini Templo”. Tsa'ix cʌc'ʌ c t'an, che'en lac Yum.

Daniel 1:17

Dios tsi' yʌq'ueyob i ña'tʌbal ili chʌntiquilob cha'an mi' ch'ʌmbeñob isujm chuqui tac ts'ijbubil ti jun yic'ot pejtel yan tac bʌ i cʌntesʌntel. Daniel tsi' taja i c'ʌjñibal cha'an mi' ña'tan i sujmlel jini ñajal tac.

Daniel 1:21

Daniel tsa' chʌn ajni ti' yotot rey c'ʌlʌl ti' tejchibal i yumʌntel Ciro.

Daniel 1:7

Pero jini yumʌl am bʌ ti' wenta cha'an mi' q'uel jini ch'itoñob tsi' q'uextʌbeyob i c'aba'. Daniel tsa' otsʌbenti i c'aba' Beltsasar. Ananías tsa' otsʌbenti i c'aba' Sadrac. Misael tsa' otsʌbenti i c'aba' Mesac. Azarías tsa' otsʌbenti i c'aba' Abednego.

Daniel 10:14

Tsa' tili c tsictesʌbeñet chuqui mi caj i yujtel ti' tojlel a pi'ʌlob ti wi'il bʌ ora. Jini mu' bʌ caj c pʌsbeñet mi caj i yujtel ti yanto bʌ ora, che'en.

Daniel 11:2

Wʌle mi caj c subeñet chuqui mi' caj ti ujtel ti tal to bʌ ora. Yambʌ uxtiquil yumʌlob mi caj i cha'leñob yumʌl ti Persia. Pero tal i chʌnticlel bʌ wen cabʌl bʌ i chubʌ'an, ñumen ñuc bajche' jini yaño' bʌ. Che' mi' p'ʌtan cha'an cabʌl i chubʌ'an, mi caj i tech guerra ti' contra jini yumʌl ti Grecia.

Daniel 12:4

Pero jatet Daniel, mach yomic ma' tsictesan ili t'an. Yom ma' wotsʌben i sellojlel jini jun c'ʌlʌl ti jini cojix bʌ ora. Winicob mi' cajelob ti cabʌl xʌmbal. Mi caj i p'ojlel i ña'tʌbal winicob ti pañimil. Tsa' ujti ti t'an Gabriel.

Daniel 12:9

Jini tsi' jac'beyon: Cojix jini, Daniel. Cucux, come mucul to mi caj i cʌytʌl ili t'an jinto mi' c'otel i yorajlel che' mi' cajel ti ujtel.

Daniel 2:21

An ti' wenta Dios pejtel chuqui mi' yujtel ti' tojlel winicob. Mi' choc loq'uel rey, mi' wa'chocon rey. Mi' yʌq'uen i ña'tʌbal jini año' bʌ i ña'tʌbal. Mi' yʌq'uen i p'ip'lel i pusic'al jini p'ip'o' bʌ.

Daniel 4:8

Ti wi'il tsa' tili jini Daniel tsa' bʌ cotsʌbe i c'aba' Beltsasar cha'an mi' q'uejlel ti ñuc c dios. But'ul Daniel ti' yEspíritu jini Ch'ujul bʌ Dios. Tsac tsictesʌbe c ñajal.

Daniel 5:12

Come Daniel tsa' bʌ q'uextʌbenti i c'aba' ti Beltsasar an i cha'an wen ñuc bʌ espíritu yic'ot cabʌl i ña'tʌbal yic'ot i p'ip'lel, cha'an mi' tsictesan i sujmlel ñajal. Mi' ch'ʌmben isujm jini ts'ijbubil tac bʌ wocol bʌ ti ña'tʌntel yic'ot jini wen mucul tac bʌ. Jini cha'an pʌyʌ tilel Daniel cha'an mi' tsictesʌbeñet i sujmlel jini t'an ts'ijbubil bʌ ya' ti' ts'ajc, che'en i ña' Belsasar.

Daniel 5:17

Daniel tsi' jac'be: Mach comic c majtan. Loto mi a wom, o aq'uen yambʌ. Joñon mi caj j q'uelbeñet jini ts'ijbubil bʌ. Mi caj c tsictesʌbeñet i sujmlel.

Daniel 6:28

Che' jini añʌch i ñuclel Daniel ti' yumʌntel Darío yic'ot ti' yumʌntel Ciro ch'oyol bʌ ti Persia.

Daniel 8:16

Tsa cubibe i t'an tilem bʌ ya' ti ñoja' i c'aba' Ulai. Tsi yʌlʌ: Gabriel, tsictesʌben i sujmlel jini ujtel to bʌ i q'uel ili winic, che'en.

Daniel 8:26

Jini tsa' bʌ a q'uele isujmʌch. Mi' caj ti ujtel ti jo'bajc' yic'ot jo'lujunc'al (2,300) q'uin che' bajche' tsac tsictesʌbeyet. Mach yomic ma' tsictesan chuqui tsa' q'uele, come jal to mi caj i yujtel, che'en Gabriel.

Lucas 1:20

Awilan, mi caj a wochel ti uma'. Ma'anic mi caj a mejlel ti t'an c'ʌlʌl ti jini q'uin che' mi' yujtel jini tsa' bʌ c subeyet. Come ma'anic tsa' ñopo c t'an cha'an jini mu' bʌ caj ti ujtel che' ti' yorajlel, che'en jini ángel.

Apocalipsis 19:9

Jini ángel tsi' subeyon: Ts'ijban ti jun: “Tijicñayob jini mu' bʌ i pʌjyelob ti c'ux waj che' mi' cha'len ñujpuñel jini Tiñʌme'”, che'en. Jini ángel tsi' subeyon: Jiñʌch i t'an Dios. Isujm jini t'an, che'en.