Daniel 1:8 - Chol: I T’an Dios

⁸ Daniel tsi' ña'ta ti' pusic'al ma'anic mi caj i c'ux we'elʌl mu' bʌ i c'ux jini rey. Ma'anic mi caj i japben i vino. Tsi' c'ajtibe ti wocol t'an jini yumʌl cha'an mach yomic i c'ux i jap.

Chol de Tumbalá Bible

⁸ Daniel tsi' ña'ta ti' pusic'al ma'anic mi caj i c'ux we'elʌl mu' bʌ i c'ux jini rey. Ma'anic mi caj i japben i vino. Tsi' c'ajtibe ti wocol t'an jini yumʌl cha'an mach yomic i c'ux i jap.

Daniel 1:8 Iomraidhean Croise

1 Reyob 5:5

Jini cha'an joñon mi caj c wa'chocoben i yotot lac Yum Dios che' bajche' tsa' subenti c tat David: “Jini a walobil mu' bʌ caj i cha'len yumʌntel ti a q'uexol mi caj i wa'chocobeñon cotot”. Che' tsi' yʌlʌ c Yum.

Salmos 106:28

Tsi' chʌn cha'leyob mulil. Tsi' tsajcayob jini dioste' i c'aba' Baal ya' ti Peor. Tsi' c'uxuyob tsʌnsʌbil bʌ i majtan tac jini dioste' mach bʌ anic i cuxtʌlel.

Salmos 119:106

Tsa'ix cʌc'ʌ c t'an. Mi caj c jac'beñet, come toj ma' cha'len meloñel.

Salmos 119:115

Jatetla mu' bʌ la' mel jontolil, tʌts'ʌ la' bʌ ba' añon Cha'an mi mejlel c jac'ben i mandar c Dios.

Salmos 141:4

Mach a cʌyon ame mi cʌc' c pusic'al ti jontolil. Cʌntañon ame mic mel chuqui jisil yic'ot winicob mu' bʌ i melob jontolil. Come mi' mulañob i xujch' che' bajche' sumuc tac bʌ i bʌl i ñʌc'.

Proverbios 23:3

Mach a mulʌben i caxlan waj. Mach a lon ña'tan la' pi'ʌl la' bʌ cha'an wola' poj cha'len we'el yic'ot.

Daniel 1:5

Jini rey tsi' yʌc'ʌ i t'an cha'an mi' c'uxob we'elʌl lajal bajche' mi' c'ux rey, yic'ot cha'an mi' japob jini jach bʌ vino mu' bʌ i jap jini rey. Uxp'ejl jab mi caj i cʌntesʌntelob. Ti wi'il mi caj i yochelob ti x'e'tel i cha'an rey.

Daniel 5:4

cha'an mi' ch'ujutesañob jini dios tac melbil bʌ ti oro, ti plata, ti tsucu taq'uin, ti te', yicot ti xajlel.

Hechos 11:23

Che' bʌ tsa' c'oti Bernabé ya' ti Antioquía, tijicña i pusic'al come tsi' q'uele añob ti' yutslel i pusic'al Dios. Tsi' xic'beyob ti pejtelelob cha'an mi' chʌn ñopob lac Yum ti' xuc'tilel i pusic'al.

Hechos 15:20

Cojach yom mi la' ts'ijbubeñob ti jun cha'an mi' cʌyob i c'ux chuqui tac aq'uebil dioste', yic'ot chuqui tac milbil yic'ot i ch'ich'el, cha'an mi' cʌyob i ts'i'lel ja'el.

1 Corintios 7:37

Pero jini xuc'ul bʌ i pusic'al mach bʌ yomic i sijin i yalobil, come tsi' ña'ta i cʌntan i yalobil che' mach wersajic mi' sijin, uts'at mi' mel che' ma'anic mi' yʌc' ti ñujpuñel.

2 Corintios 9:7

Ti jujuntiquil la' i yʌc' che' bajche' tsi' ña'ta ti' pusic'al, mach ti' ch'ijiyemlelic, mach cha'anic xic'bebil jach. Dios mi' c'uxbin jini mu' bʌ i yʌc' ti' tijicñʌyel i pusic'al.

Deuteronomio 32:38

¿Bac'an la' dios xajlel? Tsa' la' wʌq'ueyob i majtan tac, lew yic'ot vino. La' i coltañetla, la' i yotsañetla ti' wenta.