Daniel 1:7 - Chol: I T’an Dios

⁷ Pero jini yumʌl am bʌ ti' wenta cha'an mi' q'uel jini ch'itoñob tsi' q'uextʌbeyob i c'aba'. Daniel tsa' otsʌbenti i c'aba' Beltsasar. Ananías tsa' otsʌbenti i c'aba' Sadrac. Misael tsa' otsʌbenti i c'aba' Mesac. Azarías tsa' otsʌbenti i c'aba' Abednego.

Chol de Tumbalá Bible

⁷ Pero jini yumʌl am bʌ ti' wenta cha'an mi' q'uel jini ch'itoñob tsi' q'uextʌbeyob i c'aba'. Daniel tsa' otsʌbenti i c'aba' Beltsasar. Ananías tsa' otsʌbenti i c'aba' Sadrac. Misael tsa' otsʌbenti i c'aba' Mesac. Azarías tsa' otsʌbenti i c'aba' Abednego.

Daniel 1:7 Iomraidhean Croise

Genesis 41:45

Faraón tsi' yotsʌbe yambʌ i c'aba' José am bʌ i sujmlel, “an i p'ʌtʌlel cha'an mi' yʌq'ueñonla laj cuxtʌlel”. Tsi' yʌq'ue i yijñam José, i c'aba' Asenat. Asenat i yalobilʌch Potifera. Potifera jiñʌch motomaj ya' ti On. Tsa' caji ti ñumel José ti pejtelel i lumal egiptojob.

2 Reyob 23:34

Necao jini rey ti Egipto, tsi' yotsa ti rey ti Jerusalén jini Eliaquim (i yalobil Josías). Tsi' q'uextʌbe i c'aba' ti Joacim. Joacaz jini ascuñʌl bʌ tsa' pʌjyi majlel ti Egipto ba' tsa' chʌmi.

2 Reyob 24:17

Tsi' wa'choco ti rey yambʌ i yalobil Josías i c'aba' Matanías ti' q'uexol Joaquín. Tsi' q'uextʌbe i c'aba' ti Sedequías. Sedequías i yumijelʌch Joaquín.

Daniel 1:3

Jini rey tsi' sube Aspenaz am bʌ ñuc bʌ i ye'tel ti' tojlel i winicob rey cha'an mi' yajcan ch'iton winicob ti' tojlel israelob tsa' bʌ pʌjyiyob tilel: Yom c'oc'o' bʌ mach bʌ asiyemic i bʌc'tal, i p'olbalob rey, ch'itoñob año' bʌ i ña'tʌbal, yujilo' bʌ jun. Yom ch'itoñob i t'ojol jax bʌ ti q'uelol, chajpʌbilo' bʌ cha'an mi' colelob ti' yotot jini rey, cha'an mi' ñopob i t'an yic'ot i jun tac caldeojob, che'en.

Daniel 10:1

Ti' yuxp'ejlel jab che' woli ti yumʌntel Ciro ch'oyol bʌ ti Persia, an chuqui tsa' cha' pʌsbenti Daniel. Isujm chuqui tsi' q'uele. Tsi' q'uele tal cabʌl wocol ti pañimil, yic'ot guerra, yic'ot ch'ijiyem bʌ pusic'al. Tsi' wen ch'ʌmʌ ti wenta chuqui tsi' q'uele. Dios tsi' yʌq'ue i ch'ʌmben isujm.

Daniel 2:26

Jini rey tsi' c'ajtibe Daniel: ¿Mu' ba mejlel a c'ajtesʌbeñon c ñajal? ¿Mejl ba a subeñon i sujmlel? che'en.

Daniel 2:49

Daniel tsi' c'ajtibe jini rey cha'an mi' wa'chocon Sadrac, Mesac, yic'ot Abednego ti ñuc tac bʌ i ye'tel ti Babilonia. Che' jini Daniel tsa' aq'uenti ñuc bʌ i ye'tel ti' yumʌntel jini rey.

Daniel 4:8

Ti wi'il tsa' tili jini Daniel tsa' bʌ cotsʌbe i c'aba' Beltsasar cha'an mi' q'uejlel ti ñuc c dios. But'ul Daniel ti' yEspíritu jini Ch'ujul bʌ Dios. Tsac tsictesʌbe c ñajal.

Daniel 5:12

Come Daniel tsa' bʌ q'uextʌbenti i c'aba' ti Beltsasar an i cha'an wen ñuc bʌ espíritu yic'ot cabʌl i ña'tʌbal yic'ot i p'ip'lel, cha'an mi' tsictesan i sujmlel ñajal. Mi' ch'ʌmben isujm jini ts'ijbubil tac bʌ wocol bʌ ti ña'tʌntel yic'ot jini wen mucul tac bʌ. Jini cha'an pʌyʌ tilel Daniel cha'an mi' tsictesʌbeñet i sujmlel jini t'an ts'ijbubil bʌ ya' ti' ts'ajc, che'en i ña' Belsasar.