Daniel 1:2 - Chol: I T’an Dios

² Lac Yum tsi' yʌc'ʌ jini rey Joacim ti' c'ʌb Nabucodonosor yic'ot cabʌl latu yic'ot poc' am bʌ ti' yotot Dios. Nabucodonosor tsi' pʌyʌ majlel pejtel jini xcʌjchelob ti Babilonia yic'ot i cuch tsa' bʌ i loc'sa ti' yotot Dios ti Jerusalén. Tsi' laj otsa ti' yotot i dios ba' lotol pejtelel i yonlel i chubʌ'an ti' tojlel i dios.

Chol de Tumbalá Bible

² Lac Yum tsi' yʌc'ʌ jini rey Joacim ti' c'ʌb Nabucodonosor yic'ot cabʌl latu yic'ot poc' am bʌ ti' yotot Dios. Nabucodonosor tsi' pʌyʌ majlel pejtel jini xcʌjchelob ti Babilonia yic'ot i cuch tsa' bʌ i loc'sa ti' yotot Dios ti Jerusalén. Tsi' laj otsa ti' yotot i dios ba' lotol pejtelel i yonlel i chubʌ'an ti' tojlel i dios.

Daniel 1:2 Iomraidhean Croise

Genesis 10:10

I cajibal i yumʌntel Nimrod jiñʌch Babel yic'ot Erec yic'ot Acad yic'ot Calme am bʌ ti lum i c'aba' Sinar.

Genesis 11:2

Che' bʌ tsa' cajiyob ti majlel winicob ba' mi' pasel q'uin, tsi' tajayob joctʌl i c'aba' Sinar. Ya' tsa' chumleyob ya'i.

2 Reyob 24:1

Che' woli ti yumʌl Joacim tsa' tili ti guerra Nabucodonosor rey bʌ ti Babilonia. Joacim tsa' ochi ti' wenta. Pero che' ñumenix uxp'ejl jab, tsa' caji i tʌts' i bʌ ti' contra Nabucodonosor.

2 Cronicas 36:5

An jo'p'ejl i cha'c'al (25) i jabilel Joacim che' bʌ tsa' caji ti yumʌntel. Junlujump'ejl jab tsi' cha'le yumʌl ti Jerusalén. Tsi' mele chuqui jontol ti' wut lac Yum Dios.

2 Cronicas 36:7

Nabucodonosor tsi' ch'ʌmʌ majlel lamital jini uch'ijibʌl melbil bʌ ti oro am bʌ ti' yotot lac Yum. Tsa' c'oti i yotsan ti' templo ya' ti Babilonia.

Esdras 1:7

Jini rey Ciro tsi' cha' ac'ʌyob ti' wenta israelob jini taza tac melbil bʌ ti oro tsa' bʌ i loc'sa Nabucodonosor ti' yotot lac Yum am bʌ ti Jerusalén, lotol bʌ ti' yotlel i dios tac ya' ti Babilonia.

Isaias 11:11

Ti jim bʌ ora lac Yum mi caj i cha' sʌts' i c'ʌb cha'an mi' pʌy tilel i cha'año' bʌ tsa' bʌ cʌleyob ti Asiria, yic'ot ti Egipto, yic'ot ti Patros, yic'ot ti Etiopía, yic'ot ti Elam, yic'ot ti Sinar, yic'ot ti Hamat, yic'ot ti lum tac joyol bʌ ti colem ja' ti' ñajtilel pañimil.

Isaias 42:24

¿Majqui tsi' yʌc'ʌ Jacob ti' c'ʌb xujch'ob? ¿Majqui tsi' yʌc'ʌ Israel ti tic'lʌntel? ¿Mach ba jinic lac Yum? Come tsi' cha'leyob mulil ti' contra lac Yum. Ma'anic tsi' ñopbeyob i t'an. Ma'anic tsi' ñich'tʌbeyob i mandar.

Jeremias 25:1

Jiñʌch i t'an lac Yum tsa' bʌ tili ba'an Jeremías. Che' chʌmp'ejlix jab woli ti rey Joacim (i yalobil Josías), Nabucodonosor rey bʌ ti Babilonia tsi' teche i ye'tel.

Jeremias 27:16

Tsac subeyob ja'el jini motomajob yic'ot yaño' bʌ: Lac Yum woli' yʌl: “Mach yomic mi la' ñich'tʌbeñob i t'an jini x'alt'añob la' cha'an mu' bʌ i yʌlob: La' wila to jini ch'oyolo' bʌ ti Babilonia, mi caj i cha' sutq'uiñob jini latu tac tsa' bʌ i ch'ʌmʌyob loq'uel ti' yotot lac Yum, che'ob. I lot jach.

Jeremias 28:3

Che' maxto ñumenic cha'p'ejl jab mi caj c cha' sutq'uin ti ili otot pejtel jini latu tac tsa' bʌ i cuchuyob majlel ti Babilonia.

Jeremias 35:11

Cojach tsac ña'ta lojon tilel ti Jerusalén che' bʌ tsa' tili i contrajin lac lum jini rey Nabucodonosor loq'uem bʌ ti Babilonia. “Conla ti Jerusalén come bʌbʌq'uen mic jilel lojon cha'an jini soldadojob caldeojob yic'ot siriajob”, cho'on lojon. Jini cha'an wʌ' chumulon lojon ti Jerusalén. Che' tsi' yʌlʌyob i yalobilob Recab.

Jeremias 50:2

Subu ti pejtelel pañimil. Techela bandera ba' mi' wen q'uelob winicob. Mach mi la' muc. Alʌ: “Jisʌbilix Babilonia. Jembilix i yejtal tac i dios. Woliyob ti quisin jini tsa' bʌ i ch'ujutesayob Bel yic'ot Merodac. Woli' toj sajtelob i pusic'al cha'an ma'anic i coltʌntel ti' dios tac melbil bʌ ti ts'ajc”.

Jeremias 51:44

Mi caj cʌq'ueñob i toj i mul pejtel mu' bʌ i ch'ujutesañob Bel, i dios Babilonia. Mi caj c chilbeñob pejtel chuqui tac tsi' chilbeyob yaño' bʌ. Ma'anix majqui mi caj i chʌn pejcan Bel. Isujm, tsa'ix yajli i ts'ajquil Babilonia, che'en lac Yum.

Daniel 5:13

Jini cha'an jini rey tsi' pʌyʌ tilel. Tsi' c'ajtibe: ¿Jatet ba jini Daniel tsa' bʌ i pʌyʌ tilel c tatuch yic'ot xcʌjchelob ch'oyolo' bʌ ti Judá?

Daniel 5:18

Jini Dios am bʌ ti Chan tsi' yʌq'ue i yumʌntel yic'ot i ñuclel yic'ot i p'ʌtʌlel a tatuch Nabucodonosor.

Habacuc 1:16

Mi' ch'ujutesañob i chimo'chʌy. Mi' lon alob jiñʌch i dios. Mi' pulbeñob pom come ya' tilem cabʌl i chubʌ'an.

Zacarias 5:11

Tsi' jac'beyon: Woli' ch'uyob majlel ti cʌjchel ya' ti Babilonia come ya' tilem. Ya' yom mi' cʌytʌl, che'en.

Deuteronomio 32:30

Juntiquil jach i contra mi caj i yajñesan jump'ejl mil israelob. Cha'tiquil jach mi caj i puts'tesan lujump'ejl mil, Come jini Xajlel i cha'an israelob tsi' cʌyʌyob. Lac Yum tsi' yʌc'ʌyob ti jisʌntel.

Juezob 2:14

Tsa' tili i mich'ajel lac Yum ti' contra Israel. Tsi' yʌc'ʌyob ti' c'ʌb xujch'ob tsa' bʌ i chilbeyob i chubʌ'an. Tsi' choñoyob ti' c'ʌb i contrajob año' bʌ ti' joytilel. Ma'anic tsa' mejliyob ti leto yic'otob i contra.

Juezob 3:8

Jini cha'an lac Yum tsi' wen mich'leyob. Tsi' yʌc'ʌyob ti' c'ʌb jini rey Cusan Risataim, am bʌ ti Mesopotamia. Waxʌcp'ejl jab jini israelob tsa' ajniyob ti' wenta Cusan Risataim.

Juezob 4:2

Jini cha'an lac Yum tsi' yʌc'ʌyob ti' wenta Jabín jini rey ti Canaán tsa' bʌ i mele i ye'tel ya' ti Hazor. I yum soldadojob ti Canaán jiñʌch Sísara tsa' bʌ chumle ti Harosetgoim.

1 Samuel 5:2

Tsi' yotsayob jini Arca i cha'an bʌ Dios ti' templo Dagón, i dios filisteojob. Tsi' cotchocoyob ya' ti' t'ejl.