Daniel 1:1 - Chol: I T’an Dios

¹ Che' ti' yuxp'ejlel jab che' woli ti yumʌntel Joacim rey bʌ ti Judá, tsa' c'oti jini rey Nabucodonosor loq'uem bʌ ti Babilonia yic'ot i soldadojob. Tsi' joy mʌctayob Jerusalén.

Chol de Tumbalá Bible

¹ Che' ti' yuxp'ejlel jab che' woli ti yumʌntel Joacim rey bʌ ti Judá, tsa' c'oti jini rey Nabucodonosor loq'uem bʌ ti Babilonia yic'ot i soldadojob. Tsi' joy mʌctayob Jerusalén.

Daniel 1:1 Iomraidhean Croise

2 Reyob 23:36

An jo'p'ejl i cha'c'al (25) i jabilel Joacim che' bʌ tsa' caji ti yumʌntel ti Judá. Junlujump'ejl jab tsi' cha'le yumʌl ti Jerusalén. I ña' jiñʌch Zebuda i yalobil Pedaías ch'oyol bʌ ti Ruma. Joacim tsi' mele jontolil ti' wut lac Yum che' bajche' tsi' meleyob i ñojte'elob.

2 Reyob 24:13

Tsi' loc'sa pejtel letsem tac bʌ i tojol am bʌ ti' yotot lac Yum, yic'ot jini taq'uin am bʌ ti' yotot rey. Tsi' laj bic'ti xut'u jini oro am bʌ ti' yotot lac Yum tsa' bʌ i mele Salomón i rey israelob.

Isaias 39:7

A walobilob ja'el mu' bʌ caj i yilañob pañimil, mi caj i pʌjyelob majlel. Mi caj i sujtelob ti x'e'telob i cha'an jini rey ti Babilonia”. Che' tsi' yʌlʌ lac Yum, che'en Isaías.

Jeremias 25:1

Jiñʌch i t'an lac Yum tsa' bʌ tili ba'an Jeremías. Che' chʌmp'ejlix jab woli ti rey Joacim (i yalobil Josías), Nabucodonosor rey bʌ ti Babilonia tsi' teche i ye'tel.

Jeremias 35:1

Tsa' tili i t'an lac Yum ba'an Jeremías che' woli ti yumʌl Joacim (i yalobil Josías) rey bʌ ti Judá.

Jeremias 35:11

Cojach tsac ña'ta lojon tilel ti Jerusalén che' bʌ tsa' tili i contrajin lac lum jini rey Nabucodonosor loq'uem bʌ ti Babilonia. “Conla ti Jerusalén come bʌbʌq'uen mic jilel lojon cha'an jini soldadojob caldeojob yic'ot siriajob”, cho'on lojon. Jini cha'an wʌ' chumulon lojon ti Jerusalén. Che' tsi' yʌlʌyob i yalobilob Recab.

Jeremias 36:1

Ti' chʌmp'ejlel jab che' woli ti yumʌl Joacim (i yalobil Josías) jini rey ti Judá, tsa' tili i t'an lac Yum ba'an Jeremías:

Jeremias 45:1

Jini x'alt'an Jeremías tsi' sube ili t'an Baruc (i yalobil Nerías). Baruc tsi' laj ts'ijbu che' bajche' tsi' sube Jeremías che' chʌmp'ejlix jab i yumʌntel Josías, rey bʌ ti Judá:

Jeremias 50:1

Tsa' tili i t'an lac Yum ti' contra Babilonia i lumal jini caldeojob. Tsi' sube Jeremías:

Jeremias 52:12

Che' ti' jo'p'ejlel tsic ti lujump'ejlel uw tsa' ochi ti Jerusalén jini capitán Nabuzaradán am bʌ i ye'tel ti' wenta Nabucodonosor rey bʌ ti Babilonia.

Jeremias 52:28

Nabucodonosor tsi' pʌyʌ majlel ti' lumal 3,023 judíojob che' ti' wucp'ejlel jab, yambʌ 832 che' ti' waxʌclujump'ejlel jab, yambʌ 745 judíojob pʌybilo' bʌ majlel cha'an jini capitán Nabuzaradán che' uxp'ejl i cha'c'alix jab i yumʌntel Nabucodonosor. Añob ojlil i lajchʌmbajc' winicob (4,600) ti pejtelelob.

Daniel 5:13

Jini cha'an jini rey tsi' pʌyʌ tilel. Tsi' c'ajtibe: ¿Jatet ba jini Daniel tsa' bʌ i pʌyʌ tilel c tatuch yic'ot xcʌjchelob ch'oyolo' bʌ ti Judá?