Cantares 7:4 - Chol: I T’an Dios

⁴ Chan a bic' che' bajche' i t'ojol jax bʌ q'ueloñib melbil bʌ ti marfil. Lajal a wut che' bajche' sʌc ja' ti Hesbón, am bʌ ti' ti' jini tejclum Batrabim. Che'ʌch a ni' bajche' Líbano am bʌ ti' tojel Damasco.

Chol de Tumbalá Bible

⁴ Chan a bic' che' bajche' i t'ojol jax bʌ q'ueloñib melbil bʌ ti marfil. Lajal a wut che' bajche' sʌc ja' ti Hesbón, am bʌ ti' ti' jini tejclum Batrabim. Che'ʌch a ni' bajche' Líbano am bʌ ti' tojel Damasco.

Cantares 7:4 Iomraidhean Croise

Genesis 15:2

Abram tsi' yʌlʌ: C Yum Dios, ¿chuqui mi mejlel a wʌq'ueñon? come c'ʌlʌl wʌle ma'anic calobil. Jini mu' bʌ caj i ch'ʌm pejtel c chubʌ'an jiñʌch Eliezer ch'oyol bʌ ti Damasco. Awilan, ma'anic tsa' wʌq'ueyon c p'olbal. Mi caj i ch'ʌm c chubʌ'an juntiquil x'e'tel tsa' bʌ i yila pañimil ti cotot, che'en Abram.

2 Samuel 8:6

Che' jini David tsi' wa'choco xcʌntayajob ya' ti Damasco ti' tojlel jini siriajob cha'an mi' yotsañob ti' winic David, cha'an mi' yʌq'ueñob i tojoñel. Awilan lac Yum tsi' wen colta David baqui jach tsa' ñumi.

1 Reyob 10:18

Tsi' mele ti marfil i buchlib cha'an i ye'tel. Tsi' tep'e ti oro.

1 Reyob 10:22

Cabʌlʌch i barco Salomón yic'ot Hiram. Tsi' coltayob i bʌ ti' ye'tel ti colem ñajb. U'uxp'ejl jab tsa' c'oti cabʌl colem barco. Tsi' cuchu tilel cabʌl oro, yic'ot plata, yic'ot marfil, yic'ot colem bats', yic'ot chʌc mut.

1 Reyob 22:39

Jini yan tac bʌ i melbal Acab, yic'ot pejtel tsa' bʌ ujti, yic'ot jini otot melbil bʌ ti marfil tsa' bʌ i wa'choco, yic'ot pejtel jini tejclum tac tsa' bʌ i wa'choco, laj ts'ijbubilix ti' juñilel i reyob israelob.

1 Reyob 7:2

Jump'ejl i mal otot i c'aba' Líbano. I tamlel jini tsalʌl jiñʌch lujump'ejl i yuxc'al (50) metro. I xujc jiñʌch jo'p'ejl i cha'c'al (25) metro. Jo'lujump'ejl (15) metro i chanlel. An chʌntsolom i chunte'lel tac ba' tsa' ajni i cucujlel ch'ujte' tac bʌ.

1 Reyob 9:19

Tsi' mele ja'el cabʌl tejclum ba' mi' lojtel trigo yic'ot carreta tac cha'an guerra. Tsi' mele tejclum tac ba' mi' yajñelob soldadojob mu' bʌ i c'ʌchtañob caballo, yic'ot xñijca carretajob. Tsi' mele cabʌl otot ja'el ya' ti Jerusalén yic'ot ti Líbano yic'ot ti pejtelel i lumal.

2 Cronicas 8:6

Che' ja'el tsi' mele Baalat yic'ot yan tac bʌ tejclum ba' lotol i bʌl ñʌc'ʌl yic'ot carreta tac yic'ot caballo yic'ot e'tijibʌl. Ts'ʌcʌl tsi' laj mele pejtelel chuqui tsi' ña'ta i mel Salomón ya' ti Jerusalén, yic'ot ti Líbano, yic'ot ti yan tac bʌ lum am bʌ ti' wenta.

Salmos 144:12

Che' añet tic tojlel lojon c Yum, Lajalob ch'iton bʌ calobilob lojon che' bajche' pʌc'ʌbʌl uts'at bʌ mi' colel. Lajalob jini xch'oc bʌ calobilob che' bajche' i t'ojol jax bʌ i yoyel i yotot rey.

Salmos 45:8

An i yujts'il a pislel bajche' xojocña bʌ mirra yic'ot áloe yic'ot casia. Tijicña a pusic'al ya' ti colem otot melbil bʌ ti marfil ba' woli ti t'an música.

Cantares 1:10

Uts'atax a wut ch'ʌlʌl bʌ ti' tsutsel a jol lijlaw tac bʌ ti a quejlab. Uts'atax a bic' ch'ʌlbil bʌ ti pʌl bʌ i yuj.

Cantares 4:1

(Jini rey Salomón:) A t'ojol jax quijñam mu' bʌ j c'uxbin, a t'ojol jax. Lajal a wut mʌcʌl bʌ ti pisil bajche' x'ujcuts. Liquil i tsutsel a jol mi' wejluyel che' bajche' alʌc'ʌl mu' bʌ ti tijp'el tac ti wits.

Cantares 4:4

Lajal a bic' bajche' jini chan bʌ q'ueloñib tsa' bʌ i wa'choco David. I t'ojol jax bajche' chan bʌ ts'ajc ch'ʌlbil bʌ ti' mʌctijib soldadojob.

Cantares 4:5

Lajal a chu' bajche' cha'cojt alʌme' loj bʌ, woliyo' bʌ ti buc'bal ba'an sʌsʌc nichim.

Cantares 6:5

Mʌyʌ a wut, come wola' pʌyon. Lijlaw i tsutsel a jol mi' mos a quejlab. Che'ʌch yilal bajche' alʌc'ʌl mu' bʌ i jubel tac ti' wits Galaad.

Isaias 54:4

Mach a cha'len bʌq'uen, come ma'anic mi caj a wʌjq'uel ti quisin. Ma'anic mi caj i p'ajetob. Mi caj i ñajʌyel a cha'an a quisin tsa' bʌ a wubi che' xch'oquet to. Ma'anix mi caj i chʌn c'ajtiyel a cha'an a wʌ'lentel cha'an meba'et.

Hebreos 5:14

Pero mi laj c'ux waj che' tsa'ix lac taja laj colel, che' cʌñʌlix lac cha'an chuqui wen yic'ot chuqui mach wenic.