Cantares 5:2 - Chol: I T’an Dios

² Che' wʌyʌlon ti ac'ʌlel, tsa' caji ti ch'ojyel c pusic'al ti ñajal. Tsa cubibe i t'an jini c'uxbibil bʌ c cha'an. Wa'al ti' ti' c wʌyib, woli' c'ajtin ochel ba' añon. Jambeñon abi c'uxbibilet bʌ c cha'an, quijñam, x'ujcuts a t'ojol jax bʌ, come tsac ñusa ac'ʌlel ti jumpat. Ach'onix cha'an ye'eb, che'en.

Chol de Tumbalá Bible

² Che' wʌyʌlon ti ac'ʌlel, tsa' caji ti ch'ojyel c pusic'al ti ñajal. Tsa cubibe i t'an jini c'uxbibil bʌ c cha'an. Wa'al ti' ti' c wʌyib, woli' c'ajtin ochel ba' añon. Jambeñon abi c'uxbibilet bʌ c cha'an, quijñam, x'ujcuts a t'ojol jax bʌ, come tsac ñusa ac'ʌlel ti jumpat. Ach'onix cha'an ye'eb, che'en.

Cantares 5:2 Iomraidhean Croise

Genesis 29:20

Jacob tsi' cha'le e'tel wucp'ejl jab cha'an mi' pʌy Raquel. Lajalʌch tsi' yubi jini wucp'ejl jab bajche' wucp'ejl q'uin, come cabʌl tsi' c'uxbi Raquel.

Salmos 119:1

Tijicñayob jini tojo' bʌ mu' bʌ i cha'leñob xʌmbal che' bajche' ts'ijbubil ti' cʌntesʌbal lac Yum.

Salmos 81:10

Joñon a Yumon, a Dioson, Tsa' bʌ c pʌyʌyet loq'uel ti' lumal Egipto. Yom ma' wen c'ajtibeñon chuqui tac a wom. Mi caj cʌq'ueñet, cho'on.

Proverbios 23:26

Calobil, ch'ujbibeñon c t'an. Yom yʌxʌl a wo cha'an ma' q'uel bajche' mic mel.

Cantares 1:16

Uts'at lac tots'lib wʌ' ti pepech jam.

Cantares 2:10

Jini c'uxbibilon bʌ c cha'an tsi' subeyon: Ch'ojyen, c'uxbibilet bʌ c cha'an. Conla.

Cantares 2:14

C cha'añet, xch'oc. Lajalet bajche' x'ujcuts. Mi' muc i bʌ ti' pat xajlel ya' ba lech'el. Pejcañon. La' cubin a t'an, com q'uel a wut. A t'ojol jax.

Cantares 2:8

¿Chuqui jini woli bʌ cubin? Jiñʌch c'uxbibil bʌ c cha'an. Wʌ'ix tilel. Wolix i tijp'el tilel che' bajche' alʌme' ti wits. Mi' tijp'el c'axel ba' japal. Untsa' ti' pat ts'ajc. Wolix i q'uelon ti alʌ puerta.

Cantares 3:1

(Jini xch'oc:) Ti ac'ʌlel che' ñololon tic wʌyib, tsac sʌcla jini mu' bʌ i c'uxbiñon, pero ma'anic tsac taja. Tsac pʌyʌ, pero ma'anic tsi' jac'ʌ.

Cantares 4:7

Uts'atet c'uxbibilet bʌ c cha'an. Ma'anic mi ts'ita'ic a p'ajomal. Wen tijicñayon quic'otet.

Cantares 4:9

Tsa'ix a but'esa c pusic'al ti c'uxbiya, quijñam c pi'ʌlet bʌ. Tsa'ix a but'esa c pusic'al ti c'uxbiya, cha'an tsa' poj pʌsbeyon a wut, cha'an tsa' wʌq'ueyon junxojt' bʌ a wuj.

Cantares 5:11

Lajal bajche' oro i jol. I'ic' i tsutsel i jol.

Cantares 5:6

Tsac jambe, pero ma'anix tsiquil jini c'uxbibil bʌ c cha'an. Tsa' toj sajti c pusic'al. Tsac sʌcla, pero ma'anic tsac taja. Tsac pʌyʌ, pero ma'anic tsi' jac'ʌ.

Cantares 6:9

Pero jatet jach, x'ujcuts c cha'an, ma'anic a p'ajomal. Mij q'uelet ti uts'at. Ma'anic mij c'uxbin yambʌ bajche' jatet. Jini x'ixicob ti Jerusalén uts'atax tsi' q'ueleyet. Jini x'ixico' bʌ rey yic'ot yaño' bʌ año' bʌ ti cotot mi' subob a ñuclel.

Cantares 7:9

Che' ma' ts'ujts'ubeñon c wut, ma' q'uixñesan c pusic'al che' bajche' tsaj bʌ vino mu' bʌ i yʌc'ob ti t'an jini wʌyʌlo' bʌ. (Jini xch'oc:)

Cantares 8:7

Mach yajpic i c'ʌc'al laj c'uxbiya ti tam bʌ ja'. Mi tsa' tili but'ja', mach mejlic i jisan. Mi an majqui yom i taj, mach jasʌlic pejtelel i chubʌ'an cha'an mi' mʌn. (Jini xch'oc:)

Isaias 50:6

Tsa cʌc'ʌ c pat ti jajts'el ti pʌchi. Tsa cʌc'ʌ c choj cha'an mi' bocbeñoñob c tsucti'. Ma'anic tsac mʌyʌ c wut che' bʌ tsi' ts'a'leyoñob. Tsi' p'ajayoñob che' bʌ tsi' tujbayoñob.

Isaias 52:14

Tsa' toj sajtiyob i pusic'al cabʌlob che' bʌ tsi' q'ueleyob. Wen lojwen i wut c'ʌlʌl mach chʌn cʌñʌlix mi winic. Ñumen lojwen i bʌc'tal bajche' yaño' bʌ winicob.

Daniel 8:18

Tsa' c'uñ'ayon. Tsa' ñol yajliyon ti lum. Pero tsi' ñijcayon ch'ojyel. Tsi' coltayon cha'an mic wa'tʌl.

Zacarias 4:1

Che' jini tsa' cha' tili i ñijcañon ch'ojyel jini ángel woli bʌ i pejcañon. Wʌyʌlon yilal cha'an muts'ul c wut.

Mateo 7:8

Come majqui jach mi' c'ajtin mi caj i yʌq'uentel. Jini mu' bʌ i sajcan mi' taj. Jini mu' bʌ i pejcan i yum otot mi caj i jambentel.

Mateo 8:17

Che'ʌch tsa' ujti cha'an mi' ts'ʌctiyel i t'an jini x'alt'an Isaías tsa' bʌ i yʌlʌ: “Jini tsi' ch'ʌmʌ lac chʌmel. Tsi' cuchu laj c'amʌjel”, che'en.

Marcos 1:35

Che' bʌ ñumenix ojlil ac'ʌlel che' jal to mi' sʌc'an, tsa' ch'ojiyi Jesús. Tsa' loq'ui majlel ti jochol bʌ lum. Ya'i tsi' cha'le oración.

Lucas 22:44

Che' bʌ woli ti wocol Jesús, ñumen wersa tsa' caji i pejcan Dios. Tsa' caji ti bu'lich. Lajal bajche' ch'ich' tsa' chʌc' p'ajti ti lum.

Lucas 6:12

Ti ili q'uin tac tsa' letsi majlel Jesús ti wits cha'an mi' mel oración. Ti pejtelel ac'ʌlel tsi' pejca Dios.

Lucas 9:32

Suts'atax i wut Pedro yic'ot i pi'ʌlob cha'an yomob wʌyel. Che' cañal i wut tsi' q'ueleyob i ñuclel Jesús yic'ot jini cha'tiquil winicob ya' bʌ añob.

Juan 10:4

Che' mi' yujtel i pʌy loq'uel mi' majlel ti ñaxan. Jini tiñʌme' mi' tsajcan jini xcʌnta tiñʌme' come mi' cʌmben i t'an.

Gálatas 2:20

Isujm tsa' ch'ijleyon ti cruz yic'ot Cristo. Mach chʌn cuxulonix joñon, pero cuxul Cristo tic pusic'al. Wʌle che' cuxulon tic bʌc'tal ti pañimil, wolic taj j cuxtʌlel ti' ñopol i Yalobil Dios tsa' bʌ i c'uxbiyon, tsa' bʌ i yʌc'ʌ i bʌ ti chʌmel cha'añon.

Efesios 5:14

Jini cha'an albilix: “Caña a wut woliyet bʌ ti wʌyel. Ch'ojyen loq'uel ti ic'ch'ipan bʌ pañimil ba'an chʌmeño' bʌ. Cristo mi caj i yʌq'uet ti ajñel ti' sʌclel pañimil”.

Apocalipsis 14:4

Jiñobʌch sʌco' bʌ mach bʌ anic tsi' pʌyʌyob i yijñam. Mi' tsajcañob jini Tiñʌme' baqui jach mi' majlel. Tsa' mʌjñiyob loq'uel ti' tojlel i pi'ʌlob. Jiñobʌch jini ñaxan pac' ti' tojlel Dios yic'ot jini Tiñʌme'.

Apocalipsis 3:20

Awilan, wa'alon, wolic jats'ben i ti' otot. Mi an majch mi' yubibeñon c t'an mu' bʌ i jambeñon i ti' otot, mi caj cochel ba'an, mi caj c cha'len we'el yic'ot. Mux caj i cha'len we'el quic'ot ja'el.

Apocalipsis 3:4

An hermanojob ti Sardis mach bʌ anic tsi' bib'esayob i pislel. Mi caj i cha'leñob xʌmbal quic'ot, lʌpʌl i cha'añob sʌsʌc bʌ i pislel. Che'ʌch yom come uts'at i melbal.