Cantares 4:9 - Chol: I T’an Dios

⁹ Tsa'ix a but'esa c pusic'al ti c'uxbiya, quijñam c pi'ʌlet bʌ. Tsa'ix a but'esa c pusic'al ti c'uxbiya, cha'an tsa' poj pʌsbeyon a wut, cha'an tsa' wʌq'ueyon junxojt' bʌ a wuj.

Chol de Tumbalá Bible

⁹ Tsa'ix a but'esa c pusic'al ti c'uxbiya, quijñam c pi'ʌlet bʌ. Tsa'ix a but'esa c pusic'al ti c'uxbiya, cha'an tsa' poj pʌsbeyon a wut, cha'an tsa' wʌq'ueyon junxojt' bʌ a wuj.

Cantares 4:9 Iomraidhean Croise

Genesis 20:12

Jiñʌch mero quijti'an, come i yalobil c tat pero mach i yalobilic c ña'. Tsac pʌyʌ cha'an quijñam.

Genesis 41:42

Faraón tsi' loc'sa i mʌtc'ʌb. Tsi' yotsʌbe ti' c'ʌb José. Tsi' yʌq'ue i lʌp i bujc José melbil bʌ ti fino bʌ pisil. Tsi' yʌc'ʌ ti' bic' ujʌl melbil bʌ ti oro.

Salmos 45:9

Ya' añob xch'oc bʌ i yalobilob reyob ti' tojlel jini x'ixicob año' bʌ i ñuclel. Ya'ʌch wa'al jini x'ixic bʌ rey ti a ts'ejtʌl. Lʌpʌl i cha'an i bujc joch'bil bʌ ti oro ch'oyol bʌ ti Ofir.

Proverbios 1:9

Come a t'ojlʌwib yilal mi tsa' jac'beyob, come jiñʌch i ch'ʌjlil a jol yic'ot a wuj yilal.

Proverbios 6:25

Mach a mulan che' i t'ojol jax ma' q'uele'. Mʌyʌ a wut ame a jac' a pʌyol ti mulil che' mi' q'uelet ti' wut.

Cantares 1:10

Uts'atax a wut ch'ʌlʌl bʌ ti' tsutsel a jol lijlaw tac bʌ ti a quejlab. Uts'atax a bic' ch'ʌlbil bʌ ti pʌl bʌ i yuj.

Cantares 1:15

C'uxbibilet bʌ c cha'an, a t'ojol jax. I t'ojol jax a wut, lajal bajche' x'ujcuts.

Cantares 3:11

Cucula. La' majlicob pejtel x'ixicob chumulo' bʌ ti Jerusalén. Q'uelela jini rey Salomón. Q'uelela i ch'ʌjlib i jol tsa' bʌ i c'ʌcchocobe i ña' che' ti' yorajlel i ñujpuñel, ti jini q'uin che' cabʌl i tijicñʌyel i pusic'al.

Cantares 4:10

Tsajatax yubil a c'uxbiya, quijñam c pi'ʌlet bʌ. Ñumen sumuc bajche' vino. Ñumen xojocña a perfume bajche' pejtel jini xojocña bʌ letsem bʌ i tojol.

Cantares 4:12

Lajalet quijñam c pi'ʌlet bʌ bajche' pʌc'ʌbʌl joyol bʌ ti ts'ajc, che' bajche' loq'uib ja' wen ñup'ul bʌ.

Cantares 6:12

Tsa' caji c ña'tan c pi'ʌlob ya' ba' ch'oyolon. Cabʌl tsac mele c pusic'al cha'an ñajt an c pi'ʌlob. Tsa cʌlʌ tic pusic'al comix cujchel majlel ti buchlibʌl ya' ba' añob. (Jini x'ixicob ti Jerusalén:)

Cantares 6:5

Mʌyʌ a wut, come wola' pʌyon. Lijlaw i tsutsel a jol mi' mos a quejlab. Che'ʌch yilal bajche' alʌc'ʌl mu' bʌ i jubel tac ti' wits Galaad.

Cantares 7:10

I cha'añoñʌch. Jini c'uxbibil bʌ c cha'an mi' c'uxbiñon.

Isaias 54:5

Come lac Yum mi caj i pʌyet cha'an i yijñam. Jiñʌch i Yum Panchan yic'ot Pañimil. Che'ʌch i c'aba'. Jini Xcoltaya a cha'an jiñʌch Ch'ujul Bʌ i cha'an Israel. I Diosʌch pejtel pañimil.

Isaias 62:5

A walobilob mi caj i c'uxbiñet, Jerusalén. Wen tijicñayob i pusic'al che' bajche' xñujpuñijel mu' bʌ i pʌy xch'oc cha'an i yijñam. Che' ja'el tijicña i pusic'al a Dios ti a tojlel.

Ezequiel 16:11

Tsaj cʌchbeyet a ch'ʌjlil cadena melbil bʌ ti oro ti a bic' yic'ot ti a c'ʌb, yic'ot a wuj.

Ezequiel 16:8

Che' bʌ tsa' cha' ñumiyon ti a t'ejl, tsaj q'uele x'ixiquetix cajel. Che' jini tsac pʌyʌyet. Tsac bʌc'ʌyet tic pislel. Tsa cʌq'ueyet a pislel cha'an ma' lʌp. Tsac pejcayet, tsa' ochiyonla ti trato. Che' jini tsa' ochiyet tic cha'an.

Daniel 5:7

Jini rey tsa' caji ti oñel. Tsi' pʌyʌ tilel jini winicob año' bʌ cabʌl i ña'tʌbal, jini xtic'layajob yic'ot jini xq'uel ec'ob. Jini rey tsi' subeyob: ¿Majqui mi' cʌn jini ts'ijbubil bʌ? Mi tsi' tsictesʌbeyon i sujmlel, mi caj cʌq'uen i lʌp wen i t'ojol bʌ i pislel yic'ot ujʌl melbil bʌ ti oro. Che' ja'el mi caj cʌq'uen i ye'tel lʌc'ʌl tic t'ejl, che'en.

Sofonias 3:17

Come lac Yum an a wic'ot. Jini P'ʌtʌl Bʌ mi caj i coltañet. Tijicña mi caj i yubin yic'otet. Mi caj i yʌq'ueñet a c'aj a wo. Mi caj i c'uxbiñet. Mi caj i cha'len c'ay come tijicña mi' q'uelet.

Mateo 12:50

Come majqui jach mi' cha'len chuqui yom c Tat am bʌ ti panchan jiñʌch quijts'in, quijti'an yic'ot c ña', che'en Jesús.

Juan 3:29

Jini mu' bʌ i pʌy i yijñam, jiñʌch xñujpuñijel. Wen tijicña i pusic'al i cʌñʌ bʌ che' an ti' t'ejl jini xñujpuñijel che' mi' yubiben i t'an. Che' jini woli' ts'ʌctiyel i tijicñʌyel c pusic'al ti' tojlel Cristo.

1 Corintios 9:5

Che' an quijñam lojon, ¿mach ba mejlic c pʌy lojon majlel quic'ot che' bajche' mi' melob yaño' bʌ apóstolob yic'ot i yijts'iñob lac Yum yic'ot Pedro?

2 Corintios 11:2

Com mi la' taj la' wenlel che' bajche' yom Dios. Come tsa'ix c sijiyetla cha'an mi la' taj juntiquil jach la' ñoxi'al. Com cʌq'uetla ti' wenta Cristo che' bajche' tsiji' bʌ xch'oc.

Apocalipsis 21:2

Joñon, Juan, tsaj q'uele jini Ch'ujul bʌ Tejclum, jini tsiji' bʌ Jerusalén. Woli' jubel tilel ti panchan ch'oyol bʌ ti Dios, ch'ʌlbil bajche' xch'oc mu' bʌ i taj i ñoxi'al.