Cantares 4:3 - Chol: I T’an Dios

³ Lajal bajche' chʌchʌc puy i pʌchʌlel a wej. Uts'atax a wej. I pi'ʌlob i bʌ a choj che' bajche' cha'wejl manzana tsa' bʌ t'oxle ti ojlil. Lajal i tsutsel a jol che' bajche' seda. Mi' mos a wut.

Chol de Tumbalá Bible

³ Lajal bajche' chʌchʌc puy i pʌchʌlel a wej. Uts'atax a wej. I pi'ʌlob i bʌ a choj che' bajche' cha'wejl manzana tsa' bʌ t'oxle ti ojlil. Lajal i tsutsel a jol che' bajche' seda. Mi' mos a wut.

Cantares 4:3 Iomraidhean Croise

Genesis 32:10

Anquese mach uts'atonic ti a tojlel cha'an mic taj pejtel i yutslel yic'ot i xuc'tilel a pusic'al tsa' bʌ a pʌsbeyon, pero a winicon. Che' bʌ tsa' c'axiyon ti ili Jordán ja' cojach an c cha'an ili te'. Wʌle cha'mojton lojon cha'an tsa' wen p'ojlesayon lojon.

Esdras 9:6

Tsac sube ti oración: C Dios, ch'ijiyem c pusic'al. Quisintic jax woli cubin, come tsa'ix wen p'ojli c mul lojon. Tsa'ix c'ʌlʌ c'oti ti panchan yubil i yonlel c sajtemal lojon.

Salmos 119:13

A cha'añʌch jini quej cha'an mic laj sub chubʌ tsa' wʌlʌ.

Salmos 37:30

Tsiquil i ña'tibal jini toj bʌ che' mi' cha'len t'an. Tojʌch i t'an.

Salmos 45:2

Ñumen a t'ojol jax bajche' pejtel winicob. Awujil uts bʌ t'an. Jini cha'an Dios tsa'ix i yʌq'ueyet i yutslel i t'an ti pejtelel ora.

Proverbios 10:13

Yujil cʌntesa jini mu' bʌ i ch'ʌmben isujm, pero jini mach bʌ wenic i pusic'al ma'anic mi' ñop t'an jinto mi' bajbentel ti asiyal.

Proverbios 31:26

Tsiquil an cabʌl i pusic'al che' mu' ti t'an. Tsiquil i yutslel i pusic'al che' mi' cha'len cʌntesa.

Cantares 1:5

Xch'ocob wʌ' bʌ chumuletla ti Jerusalén, q'ueleyonla. I'ic'on, pero c t'ojol jax. Tsa' ic'ayon ti q'uin che' bajche' manta bʌ otot i cha'an Cedar. (Jini rey Salomón:) Pero yulucña a pʌchilel che' bajche' seda bʌ pisil welel bʌ mu' bʌ i lich'ob ti' chañelal i jol Salomón. (Jini xch'oc:)

Cantares 4:11

Che' ma' cha'len t'an, tsaj yubil che' bajche' i ta'il chab. Che'ʌch yilal a t'an bajche' chab yic'ot lech. Xojocña a pislel che' bajche' jini ch'ujte' ti Líbano.

Cantares 5:13

Lajal i ni' i wut bajche' xojocña bʌ pimel mu' bʌ i colel ti pʌc'ʌb. Lajal i pʌchʌlel i yej che' bajche' lirio am bʌ i perfume. Lajal i yiq'uilel i yej che' bajche' mirra.

Cantares 5:16

Ña'tanla, x'ixicob, chumulet bʌ la ti Jerusalén, uts'atax i yej, tsaj i t'an, uts'atax i pusic'al. Che'ʌch yilal jini c'uxbibil bʌ c cha'an, che'en.

Cantares 6:7

I t'ojol jax a choj che' bajche' cha'jajp manzana ya' mosol ti' pislel a wut.

Cantares 7:9

Che' ma' ts'ujts'ubeñon c wut, ma' q'uixñesan c pusic'al che' bajche' tsaj bʌ vino mu' bʌ i yʌc'ob ti t'an jini wʌyʌlo' bʌ. (Jini xch'oc:)

Ezequiel 16:63

Che' ma' ña'tañon mi caj i toj sajtel a pusic'al. Ma'anix chuqui mi caj a wʌl come cabʌl mi caj a wubin quisin che' mic subeñet pejtelel a mul”. Che' yom ma' subeñob, che'en lac Yum Dios.

Levitico 14:4

jini motomaj mi caj i choc ti pʌyol cha'cojt sʌc bʌ mut. Yom mi' ch'ʌm ts'ita' ch'ujte' yic'ot chʌchʌc bʌ chij yic'ot hisopo cha'an mi' sʌq'uesʌntel jini winic tsa' bʌ lajmi.

Levitico 14:6

La' i ch'ʌm jini i cha'cojtlel mut cuxul to bʌ. La' i ts'aj ti' ch'ich'el temel yic'ot jini ch'ujte' yic'ot jini chʌchʌc bʌ chij yic'ot jini hisopo.

Numeros 19:6

Jini motomaj muq'uix i ch'ʌm jini ch'ujte' yic'ot hisopo, yic'ot jini chʌchʌc bʌ chij cha'an mi' yotsan ya' ti' mal jini c'ajc ba' woli ti pulel jini wacax.

Numeros 4:8

Che' jini mi caj i mosob ti chʌchʌc bʌ pisil. Wi'il mi' cha' mosob jini pisil ti' pʌchʌlel chivo. Che' mi' yujtel mi caj i yotsʌbeñob i te'el cha'an mi' q'uechob majlel.

Mateo 12:35

Jini uts'at bʌ winic mi' loc'san uts'at tac bʌ ti uts'at bʌ i pusic'al. Jini jontol bʌ winic mi' loc'san jontol tac bʌ ti jontol bʌ i pusic'al.

Lucas 4:22

Ti pejtelelob uts'at tsi' tajayob ti t'an Jesús. Tsa' toj sajtiyob i pusic'al cha'an uts'at i t'an Jesús. Tsi' yʌlʌyob: ¿Mach ba jinic i yalobil José? che'ob.

Efesios 4:29

Mach yomic mi la' c'ʌn la' wej ti jontol bʌ t'an. Yom jach mi la' sub chuqui uts'at cha'an mi la' p'ʌtesan jini mu' bʌ i yubiñob, cha'an mi la' wʌq'ueñob i yutslel i pusic'al.

Colosenses 4:6

Ti pejtelel ora cha'lenla uts bʌ t'an am bʌ i yʌts'mil yubil. Ña'tanla bajche' yom mi la' jac'ben i t'an jujuntiquil.

Hebreos 9:19

Moisés che' bʌ tsa' ujti i subeñob pejtelel winicob pejtelel i mandar Dios tsi' ch'ʌmʌ i ch'ich'el alʌ wacax yic'ot i ch'ich'el chivo yic'ot ja', yic'ot chʌchʌc bʌ i tsutsel tiñʌme', yic'ot pimel cha'an mi' tsijcan i juñilel mandar yic'ot pejtelel winicob x'ixicob.

Josue 2:18

Awilan, che' mi cochel lojon ti ili lum, yom ma' cʌch jini lazo ya' ti ventana ba' tsa' ju'sayon lojon. Yom ma' tempan ti a wotot a tat yic'ot a ña' yic'ot a werañob yic'ot pejtelel i pi'ʌlob a tat.