Cantares 3:8 - Chol: I T’an Dios

⁸ Wen yujilob guerra ti espada. Chajpʌbilob cha'an mi' coltañob i yum. Ti jujuntiquil lʌpʌl i cha'an i yespada cha'an mi' coltan i yum mi tsa' tili bʌbʌq'uen bʌ ti ac'ʌlel.

Chol de Tumbalá Bible

⁸ Wen yujilob guerra ti espada. Chajpʌbilob cha'an mi' coltañob i yum. Ti jujuntiquil lʌpʌl i cha'an i yespada cha'an mi' coltan i yum mi tsa' tili bʌbʌq'uen bʌ ti ac'ʌlel.

Cantares 3:8 Iomraidhean Croise

Nehemias 4:16

Ti ili ora tsa' caji' jelob i bʌ ti e'tel c winicob. Ojlil tsi' meleyob ts'ajc. Ojlil tsi' chucuyob lanza tac yic'ot mʌctijibʌl tac melbil bʌ ti tsucul taq'uin. Jini yumʌlob tsi' laj coltayob i pi'ʌlob chumulo' bʌ ti Judá

Nehemias 4:17

woli bʌ i cha' melob ts'ajc. Jini tsa' bʌ i cha'leyob cuchijel tsi' cha'leyob e'tel ti junts'ijt i c'ʌb che' chucul i cha'an espada ti yambʌ i c'ʌb ti jujuntiquil.

Salmos 45:3

Cʌchʌ ti a ñʌc' a wespada. C'ax p'ʌtʌlet, pʌsʌ i ñuclel a yumʌntel.

Salmos 91:5

Ma'anic mi caj a bʌc'ñan jini bʌbʌq'uen tac bʌ ti ac'ʌlel, Mi jinic jalʌjb mu' bʌ i julet che' ti q'uiñil.

Cantares 3:7

Q'uelela i buchlib Salomón joyol bʌ ti uxc'al soldadojob yajcʌbilo' bʌ i cha'an.

Cantares 3:9

Jini rey Salomón tsi' yʌc'ʌ ti melol i buchlib. Tsi' c'ʌñʌ te' ch'oyol bʌ ti Líbano.

Jeremias 50:9

Woli' temob i t'an cabʌl tejclum tac ti norte. Joñon wolic xic'ob cha'an mi' tilelob ti contra Babilonia. Woli' chajpañob i bʌ. Mi caj i mʌjlel i cha'añob. Wen yujilob julbʌl. Ma'anic mi' to'ol sajtel i te'el i jalʌjb. Ma'anic mi' wis ts'ej i bʌ.

Juezob 3:16

Aod tsi' mele jump'ejl alʌ machit cha'wejl bʌ i yej. I tamlel jiñʌch junxujc'ubʌyel. Tsi' cʌchʌ ti mal i pislel ti ñoj bʌ i ya'.