Cantares 1:3 - Chol: I T’an Dios

³ Xojocña a wujts'il ti a bojñil. Uts'atax a c'aba' che' bajche' perfume woli bʌ jejbel. Jini cha'an jini xch'ocob mi' c'uxbiñetob.

Chol de Tumbalá Bible

³ Xojocña a wujts'il ti a bojñil. Uts'atax a c'aba' che' bajche' perfume woli bʌ jejbel. Jini cha'an jini xch'ocob mi' c'uxbiñetob.

Cantares 1:3 Iomraidhean Croise

Salmos 133:2

Lajalʌch bajche' fino bʌ aceite am bʌ ti' jol Aarón, Ts'ujlaw bʌ mi' jubel ti' tsucti' C'ʌlʌl ti' yebal i bujc.

Salmos 45:14

Mi caj i pʌjyel majlel ba'an jini rey lʌpʌl i cha'an joch'bil bʌ i bujc. Jini xch'oc bʌ i pi'ʌlob mu' bʌ i pi'leñob majlel Mi caj i pʌjyelob majlel ya' ba' añet.

Exodo 33:12

Moisés tsi' sube lac Yum: Awilan jatet ma' subeñon: “Pʌyʌ majlel ili winicob x'ixicob”, che'et. Pero maxto anic tsa' subeyon majqui mi' majlel quic'ot. Jatet ma' wʌl: “Jatet cʌmbilet c cha'an. Wolix j q'uelet ti' yutslel c pusic'al”, che'et.

Exodo 33:19

Lac Yum tsi' jac'ʌ: Pejtelel cutslel mi caj i tsictiyel ti a wut. Mi caj c tsictesan j C'aba' ti a tojlel, Joñoñʌch a Yumon. Mi caj c p'untan majqui com c p'untan. Uts mi caj j q'uel jini com bʌ j q'uel ti uts'at.

Proverbios 27:9

Jini aceite yic'ot perfume mi' ñuq'uesʌbeñonla lac pusic'al. Che'ʌch ja'el laj cʌñʌ bʌ mu' bʌ i toj'esañonla ti uts bʌ t'an.

Eclesiastes 7:1

Che' mi lac sujbel ti uts'at, ñumen tijicña yubil bajche' xojocña bʌ perfume letsem bʌ i tojol. Jini q'uin che' mi lac chʌmel ñumen tijicñayʌch bajche' jini q'uin che' mi laj q'uel pañimil.

Cantares 3:6

¿Majqui jini woli bʌ ti tilel ti jochol lum che' bajche' buts' tomtoña bʌ am bʌ xojocña bʌ i yujts'il mirra yic'ot pom yic'ot pejtel yan tac bʌ xojocña bʌ?

Cantares 4:10

Tsajatax yubil a c'uxbiya, quijñam c pi'ʌlet bʌ. Ñumen sumuc bajche' vino. Ñumen xojocña a perfume bajche' pejtel jini xojocña bʌ letsem bʌ i tojol.

Cantares 5:13

Lajal i ni' i wut bajche' xojocña bʌ pimel mu' bʌ i colel ti pʌc'ʌb. Lajal i pʌchʌlel i yej che' bajche' lirio am bʌ i perfume. Lajal i yiq'uilel i yej che' bajche' mirra.

Cantares 5:5

Tsa' bʌc' ch'ojyiyon cha'an mic jamben. Tsa' p'ajti ti lum jini perfume am bʌ tij c'ʌb yic'ot xojocña bʌ mirra che' bʌ tsac loc'sa cadena tac ti' ti'.

Cantares 6:8

An yambʌ uxc'al quijñam, laj x'ixico' bʌ rey, yic'ot chʌnc'al x'ixicob ti cotot, yic'ot cabʌl xch'ocob mach bʌ tsicbilic mu' bʌ mejlel c pʌy.

Isaias 61:3

Mi caj j coltan jini woli bʌ i tsicob i pusic'al ti Sion. Mi caj cʌq'ueñob i ch'ʌjlil i jol i wenta tʌñil c'ajc. Mi caj cʌq'ueñob i tijicñʌyel i pusic'al i wenta uq'uel. Mi caj c lajmesʌbeñob i wocol cha'an mi' cajelob ti c'ay cha'an ñucon. Toj mi caj i q'uejlelob. P'ʌtʌl mi caj i yajñelob che' bajche' c'olol wen chucul bʌ i wi'. Tsac pʌc'ʌyob cha'an mi' tsictesañob c ñuclel.

Mateo 25:1

I yumʌntel jini am bʌ ti panchan mi caj i lajintel che' bajche' lujuntiquil xch'oc tsa' bʌ i ch'ʌmʌyob majlel candil. Tsa' majli i tajob xñujpuñijel.

Juan 12:3

María tsi' ch'ʌmʌ ojlil kilo perfume i c'aba' nardo wen letsem bʌ i tojol. Tsi' bombe i yoc Jesús. Tsi' sujcube i yoc ti' tsutsel i jol. Tsa' wen pujqui i yujts'il perfume ti pejtelel i mal otot.

2 Corintios 11:2

Com mi la' taj la' wenlel che' bajche' yom Dios. Come tsa'ix c sijiyetla cha'an mi la' taj juntiquil jach la' ñoxi'al. Com cʌq'uetla ti' wenta Cristo che' bajche' tsiji' bʌ xch'oc.

Filipenses 4:18

Tsa'ix la' wʌq'ueyon pejtelel chuqui yom. An i ñumel. Jasʌlix. Epafrodito tsi' ch'ʌmbeyon tilel ti pejtelel. La' wofrenda, xojocña i yujts'il yilal, lajal bajche' pulbil bʌ i majtan Dios mu' bʌ i mulan, uts'at bʌ mi' q'uel.

Apocalipsis 14:4

Jiñobʌch sʌco' bʌ mach bʌ anic tsi' pʌyʌyob i yijñam. Mi' tsajcañob jini Tiñʌme' baqui jach mi' majlel. Tsa' mʌjñiyob loq'uel ti' tojlel i pi'ʌlob. Jiñobʌch jini ñaxan pac' ti' tojlel Dios yic'ot jini Tiñʌme'.