Apocalipsis 8:5 - Chol: I T’an Dios

⁵ Jini ángel tsi' ch'ʌmʌ i yajñib pom. Tsi' but'u ti' nich c'ajc loq'uem bʌ ti pulʌntib. Tsi' choco jubel ti pañimil. Tsa' tili i t'an chajc, yic'ot cabʌl t'an tac, yic'ot chajc yic'ot yujquel lum.

Jiñi Tsiji' bʌ Wen T'añ cha'añ Estudio

⁵ Jiñi ángel tsi' ch'ʌmʌ i yajñib pom, tsi' but'u ti' ñich c'ajc loq'uem bʌ ti' pulʌntib, tsi' choco ju'bel ti pañimil, tsa' tili i t'añ chajc, yic'ot ca'bʌl t'añ tac, yic'ot i xu'il chajc yic'ot i yujquel lum.

Chol de Tumbalá Bible

⁵ Jini ángel tsi' ch'ʌmʌ i yajñib pom. Tsi' but'u ti' nich c'ajc loq'uem bʌ ti pulʌntib. Tsi' choco jubel ti pañimil. Tsa' tili i t'an chajc, yic'ot cabʌl t'an tac, yic'ot chajc yic'ot yujquel lum.

Jiñi Tsiji' bʌ Wen T'añ cha'añ Estudio

⁵ Jiñi ángel tsi' ch'ʌmʌ i yajñib pom, tsi' but'u ti' ñich c'ajc loq'uem bʌ ti' pulʌntib, tsi' choco ju'bel ti pañimil, tsa' tili i t'añ chajc, yic'ot ca'bʌl t'añ tac, yic'ot i xu'il chajc yic'ot i yujquel lum.

Chol Tila

⁵ Ti' quilʌ che' bajche' tic ñajal jini ajtroñel i cha'an Dios ch'oyol bʌ ti panchan ti' cha' ch'ʌmʌ i pulo' pom. Ti' but'u ti nich' c'ajc loq'uem bʌ ti i yajnib ba' mi' pule' i majtyan Dios. Che' jini, ti' choco jubel ti mulawil. Ti tyʌli i t'an chajc yic'ot c'am bʌ t'an tyac yic'ot ti lejmi chajc yic'ot ti ñumi yujquel lum.

Apocalipsis 8:5 Iomraidhean Croise

1 Reyob 19:11

Lac Yum tsi' jac'ʌ: Loq'uen ti pam lum. Wa'i' ti jini wits ti' tojel c wut, che'en. Awilan tsa' ñumi lac Yum ya'i. Jump'ejl tsʌts bʌ ic' tsi' jawʌ jini wits. Ti' p'ʌtʌlel Dios tsa' tojp'i xajlel, pero mach ya'ic an lac Yum ya' ti jini ic'. Tsa' tili i yujquel lum, pero mach ya'ic an lac Yum ti jini yujquel.

Salmos 18:13

Lac Yum tsi' yʌq'ue i t'an chajc ya' ti panchan, Jini C'ax Ñuc Bʌ tsi' yʌc'ʌ i t'an. Tsa' yajli tuñija' yic'ot abʌc woli bʌ ti lejmel.

Exodo 19:16

Che' ti sʌc'ajel ti' yuxp'ejlel q'uin tsa' caji ti tojmel tac chajc. An i xu'il tac chajc yic'ot i'ic' bʌ tocal ya' ti wits, yic'ot c'am bʌ i t'an trompeta. Tsiltsilñayob ti bʌq'uen pejtelel winicob x'ixicob ya' ti xchumtʌl.

Isaias 29:6

Joñon i Yumon Panchan yic'ot Pañimil, mi caj c tilel ti' tojlelob yic'ot i t'an chajc, yic'ot i yujquel lum, yic'ot sutujt ic', yic'ot c'ajc.

Isaias 30:30

Lac Yum mi caj i pʌs i bʌ ti ñuc bʌ yumʌl. Mi caj i yʌc' ti ubintel i t'an am bʌ i ñuclel. Ti' mich'ajel mi caj i jats' i contrajob ti cabʌl i p'ʌtʌlel. Mi caj i jisañob ti c'ajc yic'ot p'ʌtʌl bʌ ic' yic'ot colem bʌ tuñija'.

Isaias 66:6

¿Chucoch ju'ucñayob ti t'an ya' ti tejclum? Ubinla t'an ya' ti Templo. Jiñʌch i t'an lac Yum. Woli' yʌq'ueñob i toj i mul i contrajob.

Jeremias 51:11

Jujchinla i te'el jalʌjb. Lʌpʌla la' pislel cha'an guerra. Lac Yum tsi' xic'beyob i pusic'al jini reyob ti Media cha'an mi' tilelob i jisan Babilonia che' bajche' tsi' wʌn ña'ta, come woli' yʌq'ueñob i toj i mul cha'an tsi' jisʌbeyob i Templo lac Yum.

Levitico 16:12

Yom mi' ch'ʌm tilel i yajñib pom yic'ot i nich c'ajc tsa' bʌ i loc'sa ti pulʌntib ya' tic tojlel, yic'ot cha'mujch' xojocña bʌ ts'ac wen juch'bil bʌ cha'an mi' ch'ʌm majlel ya' ti' junwejlel tsalʌl bʌ pisil.

Zacarias 14:5

Mi caj la' puts'el ya' ti joctʌl ti' ñʌc' jini wits, come jini joctʌl mi caj i c'ʌlʌl c'otel ti' ti' Jerusalén. Mi caj la' puts'el che' bajche' tsa' puts'iyob la' tatob che' ti' yorajlel yujquel lum che' woli ti yumʌntel Uzías ya' ti Judá. Ti jim bʌ ora mi caj i tilel lac Yum Dios yic'ot pejtel i cha'año' bʌ.

Mateo 24:7

Come jini año' bʌ ti jumpejt lum mi caj i techob guerra ti' contra año' bʌ ti yambʌ lum. Jini año' bʌ ti' wenta juntiquil yumʌl mi caj i techob guerra ti' contra jini año' bʌ ti' wenta yambʌ yumʌl. Tal wocol yic'ot cabʌl wi'ñal yic'ot i yujquel lum ti cabʌl lum.

Lucas 12:49

Tsa' tiliyon cha'an mic choc tilel c'ajc ti pañimil. Tijicñayon tsa'ic tsujq'ui.

Hechos 16:26

Ti ora tsa' ñumi i yujquel lum. I c'ʌclib jini mʌjquibʌl tsi' ñijca i bʌ. Ti ora tsa' lu' jajmi i ti' tac mʌjquibʌl. Tsa' jijti i cʌjchil pejtel jini xñujp'elob.

Hechos 4:31

Che' bʌ tsa' ujti i pejcañob Dios, tsa' ñijcʌnti jini otot ba' tsi' tempayob i bʌ. Ti pejtelelob but'ulob ti Ch'ujul bʌ Espíritu. Tsi' subuyob i t'an Dios ti' ch'ejlel i pusic'al.

Apocalipsis 11:13

Ti jim bʌ ora tsa' tili colem yujquel. Tsa' t'oxle yilal tejclum ti lujumpejt. Jumpejt tsa' jili. Tsa' chʌmiyob ojlil i waxʌclujumbajc' (7,000) winicob cha'an jini yujquel. Jini cuxulob to bʌ tsa' wen cajiyob ti bʌq'uen. Tsi' subuyob ñuc Dios am bʌ ti panchan.

Apocalipsis 11:19

Tsa' jajmi i templo Dios ya' ti panchan. I caxajlel jini trato bʌ i t'an Dios tsa' q'uejli ti' mal templo. Tsa' caji ti tsictiyel i xu'il chajc tac, yic'ot c'am bʌ t'an tac, yic'ot i t'an tac chajc, yic'ot yujquel lum, yic'ot colem tuñija'.

Apocalipsis 4:5

Tsa' loq'ui chajc yic'ot cabʌl t'an yic'ot i t'an chajc ti' buchlib Dios. Woli ti lejmel wucp'ejl lámpara ya' ti' tojel ili buchlibʌl. Jiñʌch i yejtal jini wuctiquil espíritu i cha'an Dios.

Apocalipsis 6:12

Tsaj q'uele che' bʌ tsi' jamʌ i wʌcp'ejlel sello. Tsa' tili colem yujquel. Tsa' ic'a q'uin. Tsa' sujti che' bajche' pisil melbil bʌ ti' tsutsel chivo. Tsa' sujti jini uw che' bajche' ch'ich'.

Apocalipsis 8:3

Tsa' tili yambʌ ángel. Tsa' wa'le ti' tojel i pulʌntib i majtan Dios, chucul i cha'an i yajñib pom melbil bʌ ti oro. Tsa' aq'uenti cabʌl pom cha'an mi' xʌb yic'ot i yoración pejtelel i cha'año' bʌ Dios. Tsi' yʌc'ʌ ti pulel ti pam pulʌntib melbil bʌ ti oro ya' ti' tojel i buchlib Dios.