Apocalipsis 7:3 - Chol: I T’an Dios

³ Tsi' yʌlʌ: Mach mi la' tic'lan jini lum mi colem ñajb mi te', jinto mi la cʌc' i sellojlel Dios ti' pam i winicob Dios, che'en.

Jiñi Tsiji' bʌ Wen T'añ cha'añ Estudio

³ tsi' yʌlʌ: Mach mi la' tic'lan jiñi lum, jiñi mar, mi jiñic te'el, jinto mi la cʌc' i sellojlel Dios ti' pam i wiñicob Dios, che'en.

Chol de Tumbalá Bible

³ Tsi' yʌlʌ: Mach mi la' tic'lan jini lum mi colem ñajb mi te', jinto mi la cʌc' i sellojlel Dios ti' pam i winicob Dios, che'en.

Jiñi Tsiji' bʌ Wen T'añ cha'añ Estudio

³ tsi' yʌlʌ: Mach mi la' tic'lan jiñi lum, jiñi mar, jiñic te'el, jinto mi la cʌc' i sellojlel Dios ti' pam i wiñicob Dios.

Chol Tila

³ Ti' subeyob: Ma' mi la' tyʌc'lan jini mulawil, mi colem ja'ic mi tye'ic jintyo mi lac ñaxan cotsʌben i sello Dios ti' pam jini ajtroñelob i cha'an lac Dios. Che' ti yʌlʌ jini ajtroñel i cha'an Dios ch'oyol bʌ ti panchan.

Apocalipsis 7:3 Iomraidhean Croise

Exodo 12:13

An i c'ʌjñibal jini ch'ich' cha'an mi' tsictesan la' wotot tac ba' chumuletla. Che' mij q'uel jini ch'ich' mi caj c ñumel. Ma'anic chuqui mi caj c tumbeñetla mi ts'ita'ic che' mic jats' jini egiptojob.

Exodo 12:23

Come lac Yum mi caj i ñumel cha'an mi' tsʌnsan jini egiptojob. Che' mi' q'uel jini ch'ich' am bʌ ti chumte' yic'ot ti ts'omte' mi caj i ñusan la' wotot. Ma'anic mi caj i yʌc' ti ochel ti la' wotot jini Angel mu' bʌ ti jisaya.

Isaias 54:17

Pero woli cʌq'ueñet c t'an, ma'anic mi junchajpic e'tijibʌl cha'an guerra mu' bʌ mejlel i jisañet. Mi caj a tsictesʌbeñob i mul jini mu' bʌ i cha'leñob jop't'an ti a contra. Jiñʌch i chobejtʌbal mu' bʌ caj i yʌq'uentelob i winicob Dios. Jiñʌch a wenlel mu' bʌ cʌq'ueñet, che'en lac Yum.

Isaias 6:13

Mi tsa' cʌle junmojt loq'uem bʌ ti lujunmojt, muc'ʌch i sejq'uel jubel ja'el che' bajche' c'olol te'. Pero che' bajche' mi' cha' colel i xujc'unte'lel che' sec'bilix, che'ʌch ja'el jini ch'ujul bʌ tejclum, che'en.

Isaias 65:8

Lac Yum woli' yʌl: Ma'anic mi caj c laj jisañob, come mach junlajalobic. Mi caj c yajcañob che' bajche' mi la' yajcan ts'usub ya' ti ts'usubil ba' xʌbʌl uts'at bʌ ts'usub yic'ot mach bʌ uts'atic. Mi' la' wʌl: “Mach ma' wʌc' ti sajtel jini wen bʌ, come añʌch i c'ʌjñibal lac cha'an”, che'etla. Che'ʌch mi caj c mel ti' tojlel israelob. Ma'anic mi caj c lu' jisañob come c'ux mi cubin c winicob.

Ezequiel 9:4

Tsi' sube: Yom ma' ñumel ti' yojlil Jerusalén cha'an ma' wʌq'ueñob i marcajlel ya' ti' pam jini winicob mu' bʌ i cha'leñob uq'uel yic'ot tsic pusic'al cha'an i jontolil i pi'ʌlob, che'en.

Ezequiel 9:6

Laj tsʌnsanla jini xñoxob yic'ot ch'itoñob yic'ot xch'ocob yic'ot alobob yic'ot x'ixicob. Tsʌnsanla ti pejtelelob jinto mi' laj jilelob. Pejtelel jini año' bʌ i marcajlel ti' pam, mach yomic mi la' tic'lan. Techela ya' ti Templo, che'en. Jini cha'an ñaxan tsi' tsʌnsayob jini lujuntiquil i chʌnc'al (70) xñoxob año' bʌ ti Templo.

Daniel 3:17

Wen ñuc c Dios lojon mu' bʌ j c'uxbin lojon. Mi mejlel i coltañon lojon cha'an ma'anic mic chʌmel lojon ti c'ajc. Che'ʌch mi caj i mel. Mi caj i loc'sañon lojon ti a p'ʌtʌlel.

Daniel 3:26

Jini cha'an jini rey Nabucodonosor tsi' lʌc'tesa i bʌ ba'an i ti' i yajñib c'ajc woli bʌ ti lejmel. Tsi' yota jini año' bʌ ti mal c'ajc: Sadrac, Mesac, Abednego, i winiquet bʌ la jini Dios am bʌ ti Chan, loq'uenla ya'i. La' la ilayi, che'en. Ti' yuxticlelob tsa' loq'uiyob ti' yojlil c'ajc.

Daniel 6:16

Jini cha'an jini rey tsi' yʌc'ʌ i t'an cha'an mi' yotsañob Daniel ti' ch'eñal bajlum. Jini rey tsi' sube Daniel: La' i coltañet a Dios mu' bʌ a ch'ujutesan, come xuc'ulet ti' tojlel, che'en.

Sofonias 2:3

C'ajtiben la' coltʌntel pejtel utso' bʌ la' pusic'al tsa' bʌ la' ñopbe i t'an. Yom mi la' sajcan la' toj'esʌntel yic'ot i yutslel la' pusic'al. Tic'ʌl che' jini mi caj i ñusañet lac Yum che' mi' choc tilel i mich'ajel ti jini bʌc'ñʌbil bʌ q'uin.

Malaquias 3:18

Che' jini mi caj la' ña'tan mach lajalic mi' yujtel jini toj bʌ yic'ot jini mach bʌ tojic ti' yorajlel meloñel. Mi caj la' q'uel majqui wen chumul, jini mu' bʌ i melben i ye'tel Dios o mi jini mach bʌ anic mi' mel, che'en.

Mateo 24:22

Machic tsi' wʌn ña'ta i com'esan i yorajlel wocol, ma'anic majqui mi' coltʌntel mi juntiquilic. Pero cha'an i coltʌntel jini yajcʌbilo' bʌ mi caj i com'esʌntel i yorajlel wocol.

Mateo 24:31

Mi caj i choc tilel i yángelob yic'ot c'am bʌ i t'an trompeta. Mi caj i tempañob tilel ti chʌnwejlel pañimil jini yajcʌbilo' bʌ i cha'an ti junwejl panchan c'ʌlʌl ti yambʌ junwejl.

Juan 12:26

Majqui jach yom i cha'libeñon que'tel, la' i tsajcañon. Ya' ba' añon mi caj i yajñel c winic ja'el. Mi an majch mi' cha'libeñon que'tel, ñuc mi caj i q'uejlel cha'an c Tat.

Juan 3:33

Jini mu' bʌ i ñopben i t'an mi' sub isujmʌch Dios.

Romanos 6:22

Wʌle loc'sʌbiletixla ti' p'ʌtʌlel mulil. I winiquetixla Dios. Woli la' taj la' sʌq'uesʌntel yic'ot la' cuxtilel mach bʌ anic mi' jilel.

Apocalipsis 13:16

Tsi' yʌc'ʌ i t'an cha'an mi' ts'ijbubentel i marcajlel pejtelel winicob x'ixicob ti ñoj bʌ i c'ʌb o ti' pam. Jini ñuco' bʌ yic'ot ch'o'ch'oco' bʌ, jini wen chumulo' bʌ yic'ot jini mach bʌ añobic i chubʌ'an, jini librejo' bʌ yic'ot año' bʌ ti' yum, tsa' laj ts'ijbubentiyob.

Apocalipsis 13:17

Ma'anic majch tsa' mejli i cha'len choñoñel mʌñoñel che' ma'anic i marcajlel. I marcajlel jiñʌch i c'aba' jini jontol bʌ bʌte'el o mi i númerojlel i c'aba'.

Apocalipsis 14:1

Tsaj q'uele awilan ya'an jini Tiñʌme' ti' pam wits i c'aba' Sion yic'ot waxʌclujumpic (144,000) winicob x'ixicob. Ya' ti' pamob ts'ijbubil i c'aba' jini Tiñʌme' yic'ot i c'aba' i Tat.

Apocalipsis 14:9

Yambʌ ángel, i yuxticlel bʌ, tsi' tsajca tilel. Tsi' yʌlʌ ti c'am bʌ t'an: Mi an majqui mi' ch'ujutesan jini jontol bʌ bʌte'el yic'ot i yejtal, mi an majqui mi' ch'ʌmben i ts'ijbal ti' pam mi ti' c'ʌb,

Apocalipsis 19:2

Come mi' cha'len meloñel ti isujm yic'ot ti toj. Come tsa'ix i mele jini ñuc bʌ xmoja tsa' bʌ i yoc'mesa pañimil ti' ts'i'lel. Dios tsi' q'uextʌbe i jontolil jini xmoja cha'an tsi' bec'be i ch'ich'el i winicob Dios, che'ob.

Apocalipsis 20:4

Tsaj q'uele cabʌl buchlibʌl. Jini tsa' bʌ buchleyob ya'i, tsa' aq'uentiyob i ye'tel ti meloñel. Tsaj q'uele i ch'ujlel winicob x'ixicob tsa' bʌ set' t'ojbentiyob loq'uel i bic' cha'an i sujmlel Jesús yic'ot cha'an i t'an Dios. Ma'anic tsi' ch'ujutesayob jini jontol bʌ bʌte'el yic'ot i yejtal. Ma'anic tsi' ch'ʌmbeyob i ts'ijbal ti' pam mi ti' c'ʌb. Tsa' cha' cuxtiyiyob. Tsi' cha'leyob yumʌl yic'ot Cristo lujunc'al i yuxbajc' jab.

Apocalipsis 22:4

Mi caj i q'uelbeñob i wut. Mi caj i ts'ijbubentelob i c'aba' Dios ti' pam.

Apocalipsis 6:6

Tsa cubi t'an loq'uem bʌ ti' yojlil jini chʌntiquil querubiñob. Tsi' yʌlʌ: Jump'ejl kilo trigo jiñʌch i tojol jump'ejl q'uin e'tel. Uxp'ejl kilo cebada, jiñʌch i tojol jump'ejl q'uin e'tel. Mach ma' jisan mi ts'usubil mi olivojil, che'en.

Apocalipsis 7:1

Ti wi'il tsaj q'uele chʌntiquil ángelob wa'alo' bʌ ti chʌmp'ejl i xujc pañimil. Woli' tic'ob chʌnchajp ic' am bʌ ti pañimil ame ñumic ti pañimil yic'ot ti colem ñajb yic'ot ti te'el.

Apocalipsis 7:2

Tsaj q'uele ja'el yambʌ ángel woli' letsel tilel ti' pasibal q'uin, chucul i cha'an i sellojlel jini cuxul bʌ Dios. Ti c'am bʌ t'an tsi' pejca jini chʌntiquil ángelob tsa' bʌ aq'uentiyob i p'ʌtʌlel cha'an mi' tic'lañob pañimil yic'ot colem ñajb.

Apocalipsis 9:4

Tsa' subenti sajc' cha'an ma'anic mi' c'ux jam mi pimel mi te'. Cojach mi' c'uxob jini winicob mach bʌ añobic i sellojlel Dios ti' pam.