Apocalipsis 7:2 - Chol: I T’an Dios

² Tsaj q'uele ja'el yambʌ ángel woli' letsel tilel ti' pasibal q'uin, chucul i cha'an i sellojlel jini cuxul bʌ Dios. Ti c'am bʌ t'an tsi' pejca jini chʌntiquil ángelob tsa' bʌ aq'uentiyob i p'ʌtʌlel cha'an mi' tic'lañob pañimil yic'ot colem ñajb.

Jiñi Tsiji' bʌ Wen T'añ cha'añ Estudio

² Tsa' j q'uele ja'el yam bʌ ángel woli' letsel tilel ti' pasibal q'uiñ, chucul i cha'añ i sellojlel jiñi cuxul bʌ Dios. Ti c'am bʌ t'añ tsi' pejca jiñi chʌntiquil ángelob tsa' bʌ aq'uentiyob i p'ʌtʌlel cha'añ mi' tic'lañob pañimil yic'ot mar,

Chol de Tumbalá Bible

² Tsaj q'uele ja'el yambʌ ángel woli' letsel tilel ti' pasibal q'uin, chucul i cha'an i sellojlel jini cuxul bʌ Dios. Ti c'am bʌ t'an tsi' pejca jini chʌntiquil ángelob tsa' bʌ aq'uentiyob i p'ʌtʌlel cha'an mi' tic'lañob pañimil yic'ot colem ñajb.

Jiñi Tsiji' bʌ Wen T'añ cha'añ Estudio

² Tsa' j q'uele ja'el yam bʌ ángel woli' letsel tilel ti' pasibal q'uiñ, chucul i cha'añ i sellojlel jiñi cuxul bʌ Dios. Ti c'am bʌ t'añ tsi' pejca jiñi chʌntiquil ángelob tsa' bʌ aq'uentiyob i p'ʌtʌlel cha'añ mi' tic'lañob pañimil yic'ot mar,

Chol Tila

² Ti quilʌ yambʌ ajtroñel i cha'an Dios ch'oyol bʌ ti panchan. Chʌncol i loq'uel tyʌlel ya' ba' mi' pasel q'uin. Chucul i cha'an ti' c'ʌb i sello i cha'an bʌ jini cuxul bʌ Dios. Ti c'am bʌ t'an ti' pejcʌyob jini chʌntiquil ajtroñelob i cha'an Dios ch'oyol bʌ ti panchan tsa' bʌ aq'uentiyob i p'ʌtyʌlel cha'an i tyʌc'lan jini mulawil yic'ot colem ja'.

Apocalipsis 7:2 Iomraidhean Croise

2 Reyob 19:4

Mi tsi' yubi a Yum Dios, tic'ʌl mi caj i jac'ben i t'an jini winic chocbil bʌ tilel cha'an i rey Asiria tsa' bʌ i p'aja jini cuxul bʌ Dios. Awocolic c'ajtiben a Yum ti oración cha'an mi' coltan jini winicob x'ixicob cuxulob to bʌ”. Che'ʌch yom ma' suben, che'en Ezequías. Che' tsi' yʌlʌyob jini suboñelob che' bʌ tsa' c'otiyob ba'an Isaías.

Cantares 8:6

Pʌyʌyon ti junyajlel ti ñujpuñel. Otsañon ti a pusic'al cha'an mach loq'uicon ti pejtelel ora. Come mach jilic laj c'uxbiya che' cuxulontola. Mach yajpic che' mi lac chʌmel. Wen bʌbʌq'uen jax jini tsʌytsʌyña bʌ i pusic'al. Jini cʌlejem bʌ wen ch'ijiyem mi' cʌytʌl. Mi' lejmel i pusic'al che' bajche' c'ajc wen ticʌw bʌ tilem bʌ ti lac Yum.

Isaias 41:2

¿Majqui tsi' ñijca tilel Ciro, jini ñuc bʌ yumʌl ya' ti' pasibal q'uin mu' bʌ i mʌjlel i cha'an baqui jach mi' majlel? Joñon tsa cʌq'ue i ye'tel ti' tojlel pejtel tejclum cha'an mi' yumañob reyob. Ciro mi' puts'tesan soldadojob. Mi' tsʌnsañob ti espada. Mi' julob ti' te'el jalʌjb.

Ezequiel 9:4

Tsi' sube: Yom ma' ñumel ti' yojlil Jerusalén cha'an ma' wʌq'ueñob i marcajlel ya' ti' pam jini winicob mu' bʌ i cha'leñob uq'uel yic'ot tsic pusic'al cha'an i jontolil i pi'ʌlob, che'en.

Malaquias 3:1

Woli' yʌl lac Yum: Ubinla, mi caj c choc tilel suboñel ti' tojel c wut cha'an mi' chajpʌbeñon c bijlel. Tal la' Yum woli bʌ la' pijtan. Ora mi caj i tilel ti' Templo. Mi caj la' q'uel. Mi caj i tijicñesañetla che' bajche' ts'ijbubil tic Trato. Isujm, talon, che'en i Yum Panchan yic'ot Pañimil.

Malaquias 4:2

Pero mach che'ic jatetla mu' bʌ la' bʌc'ñan j c'aba'. Mi caj i pasel ti la' tojlel jini Q'uin mu' bʌ i yʌq'ueñetla toj bʌ la' pusic'al. Mi caj i lajmesañetla. Libre mi caj la' loq'uel che' bajche' i yal wacax mu' bʌ i colel ba' cʌchʌl. Mi caj la' wubin i tijicñʌyel la' pusic'al.

Mateo 16:16

Simón Pedro tsi' jac'ʌ: Jatet Cristojet, jini yajcʌbil bʌ. I Yalobilet jini cuxul bʌ Dios, che'en.

Mateo 26:63

Ma'anic chuqui tsi' yʌlʌ Jesús. Jini c'ax ñuc bʌ motomaj tsi' sube: Mic subeñet ti' c'aba' jini cuxul bʌ Dios cha'an ma' subeñon lojon mi Cristojet. Subeñon lojon mi i Yalobilet Dios, che'en.

Juan 6:27

Mach mi la' cha'len e'tel cha'an jini we'elʌl mu' bʌ i jilel. Cha'lenla e'tel cha'an jini we'elʌl mu' bʌ i jalijel cha'an mi la' taj la' cuxtʌlel mach bʌ anic mi' jilel. I Yalobil Winic mi caj i yʌq'ueñetla jini we'elʌl, come Dios c Tat tsa'ix i yʌq'ueyon c p'ʌtʌlel cha'an ili e'tel. Che' tsi' yʌlʌ Jesús.

2 Corintios 1:22

Tsi' yotsʌbeyonla i sello. Tsi' yʌq'ueyonla jini Espíritu ti lac pusic'al, i tejchibal jach i ye'tel.

Efesios 1:13

Jatetla ja'el che' bʌ tsa' la' wubi jini wen t'an, jini isujm bʌ, cha'an mi la' coltʌntel, tsa' la' ñopo Cristo. Tsa' otsʌbentiyetla jini Ch'ujul bʌ Espíritu, jiñʌch la' sellojlel yilal tsa' bʌ tili che' bajche' wʌn albil.

Efesios 4:30

Mach la' wʌq'uen i ch'ijiyemlel i pusic'al jini Ch'ujul bʌ Espíritu tsa' bʌ la' taja ti Dios, come jiñʌch la' sellojlel ti jini tal to bʌ q'uin che' mi caj i tsictiyel majqui i cha'añetla.

Deuteronomio 5:26

¿Baqui an winic mu' bʌ mejlel i yubiben i t'an Dios ti' yojlil jini c'ajc? ¿Mach ba muq'uic i chʌmel? Jini cha'an yom ma' bajñel majlel a ñich'tʌben i t'an lac Yum cha'an ma' cha' subeñon lojon. Che' jini mi caj c jac' lojon, che'etla.

1 Tesalonicenses 1:9

Come woli' subob bajche' tsa' la' pʌyʌyon lojon ochel ba' añetla yic'ot bajche' tsa' la' cʌyʌ dios tac cha'an mi la' ñop jini mero Dios, cha'an mi la' cha'liben i ye'tel jini cuxul bʌ Dios,

2 Timoteo 2:19

Pero tsʌts chuculonla mu' bʌ lac ñop Dios. Tsi' yʌq'ueyonla lac marcajlel ba' ts'ijbubil: “Lac Yum mi' cʌn i cha'año' bʌ”. Jini cha'an la' i cʌy i jontolil jujuntiquil mu' bʌ i pejcʌben i c'aba' Cristo.

Hebreos 12:22

Pero jatetla tsa'ix c'otiyetla ti wits i c'aba' Sion, i tejclum jini cuxul bʌ Dios, jini Jerusalén am bʌ ti panchan ba' tempʌbilob bajc'ʌl ángelob.

Apocalipsis 1:3

Tijicña jini mu' bʌ i q'uel yic'ot jini mu' bʌ i yubiñob jini t'an ts'ijbubil bʌ ti ili jun, yic'ot jini mu' bʌ i jac'ob chuqui tac ts'ijbubil ilayi, come lʌc'ʌlix i yorajlel.

Apocalipsis 10:1

Tsaj q'uele tsa' loq'ui ti panchan yambʌ p'ʌtʌl bʌ ángel. Tsa' jubi tilel. An tocal ti' joytʌlel. An t'ox ja' ti' chañelal i jol. Che' yilal i wut bajche' q'uin. Che'ʌch i yoc bajche' wa'al bʌ c'ajc.

Apocalipsis 10:4

Che' wucyajl tsa' ujti ti t'an chajc tsa' cʌlʌ cajel ti ts'ijb. Tsa cubi t'an loq'uem bʌ ti panchan. Tsi' subeyon: Ñup'u ti sello chuqui tsi' subu che' wucyajl tsi' cha'le t'an chajc. Mach a ts'ijban, che'en.

Apocalipsis 16:12

I wʌcticlel ángel tsi' beq'ue i bʌl taza ti jini ñuc bʌ colem ja' i c'aba' Eufrates. Tsa' tiqui i ya'lel cha'an mi' chajpʌbentelob i bijlel reyob ch'oyolo' bʌ ba' mi' pasel q'uin.

Apocalipsis 5:2

Tsaj q'uele p'ʌtʌl bʌ ángel. Wen c'am tsi' cha'le t'an: ¿Majqui uts'at? La' i jam jini jun. La' i loc'sʌben i sellojlel tac jini jun, che'en.

Apocalipsis 8:3

Tsa' tili yambʌ ángel. Tsa' wa'le ti' tojel i pulʌntib i majtan Dios, chucul i cha'an i yajñib pom melbil bʌ ti oro. Tsa' aq'uenti cabʌl pom cha'an mi' xʌb yic'ot i yoración pejtelel i cha'año' bʌ Dios. Tsi' yʌc'ʌ ti pulel ti pam pulʌntib melbil bʌ ti oro ya' ti' tojel i buchlib Dios.

Apocalipsis 9:14

I wʌcticlel ángel, jini chucul bʌ i cha'an trompeta tsa' subenti: Jiti jini chʌntiquil ángelob cʌchʌlo' bʌ ti colem ja' i c'aba' Eufrates. Che' tsa' subenti.

Apocalipsis 9:4

Tsa' subenti sajc' cha'an ma'anic mi' c'ux jam mi pimel mi te'. Cojach mi' c'uxob jini winicob mach bʌ añobic i sellojlel Dios ti' pam.

1 Samuel 17:26

David tsa' caji' c'ajtiben jini ya' bʌ añob: ¿Chuqui mi caj i yʌq'uentel jini winic mu' bʌ i mʌjlel i cha'an ti' tojlel jini sajtem bʌ filisteo? ¿Yom ba mi lac bʌc'ñan ili winic woli bʌ i tic'lan Israel? ¿Chuqui i ye'tel ti' tojlel jini soldadojob i cha'an bʌ lac Yum? che'en.

1 Samuel 17:36

Tsa'ix c tsʌnsa bajlum tac yic'ot bʌte'el tac. Lajal mi caj c tsʌnsan jini winic filisteo mach bʌ anic mi' ñop Dios. Come tsa'ix i lon bʌc'tesa jini soldadojob i cha'an jini cuxul bʌ Dios.