Apocalipsis 7:17 - Chol: I T’an Dios

¹⁷ Jini Tiñʌme' am bʌ ti' tojel i buchlib Dios mi caj i cʌntañob. Mi caj i pʌsbeñob majlel cuxul bʌ ja'. Dios mi caj i sujcubeñob pejtelel i ya'lel i wut, che'en.

Jiñi Tsiji' bʌ Wen T'añ cha'añ Estudio

¹⁷ come jiñi Tʌñʌme' am bʌ ti' tojel i buchlib Dios mi caj i cʌntañob. Mi caj i pʌsbeñob majlel cuxul tac bʌ ja'. Dios mi caj i sujcubeñob pejtelel i ya'lel i wut”, che'en.

Chol de Tumbalá Bible

¹⁷ Jini Tiñʌme' am bʌ ti' tojel i buchlib Dios mi caj i cʌntañob. Mi caj i pʌsbeñob majlel cuxul bʌ ja'. Dios mi caj i sujcubeñob pejtelel i ya'lel i wut, che'en.

Jiñi Tsiji' bʌ Wen T'añ cha'añ Estudio

¹⁷ come jiñi Tʌñʌme' am bʌ ti' tojel i buchlib Dios mi caj i cʌntañob. Mi caj i pʌsbeñob majlel cuxul tac bʌ ja'. Dios mi caj i sujcubeñob pejtelel i ya'lel i wut.”

Chol Tila

¹⁷ Como jini mu' bʌ i pejcʌntyel ti i Tiñʌme' Dios ya' ti' tyojel buchlibʌl mi quejel i cʌñʌtyañob che' bajche' juntiquil ajcʌñʌtya oveja. Mi quejel i pʌyob majlel ya' ba'an cuxul bʌ ja' cha'an ma'an ba' bʌ ora mi quejel i yubin tyʌquin ti'. Chʌ'ʌch je'el quixtyañujob i cha'an bʌ lac Yum mi quejel i yʌq'uentyel i tijicñiyel. Dios mi quejel i sujcubeñob i ya'lel i wut. Che' ti' subeyon jini anciano.

Apocalipsis 7:17 Iomraidhean Croise

Salmos 22:26

Jini mu' bʌ i yubiñob wocol mi' cajelob ti we'el. Mi caj i ñaj'añob, Jini mu' bʌ i sajcañob lac Yum, mi caj i ch'ujutesañob. La' ajnicob ti pejtelel ora jini mu' bʌ i sajcañob.

Salmos 23:5

Ma' chajpʌbeñon i bʌl c ñʌc' ti' wut j contrajob. Ma' mulbeñon c jol ti aceite woli bʌ ti ñumel loq'uel tic taza.

Salmos 28:9

Coltan a cha'año' bʌ. Aq'ueñob i tijicñʌyel a p'olbal. We'sañob ja'el. Meq'ueyob majlel ti pejtelel ora.

Isaias 12:3

Jini cha'an tijicña mi caj lac jac' la caj Coltaya cha'an mi lac taj lac wenlel ti' tojlel, che' bajche' mi lac luch ja' ti' loq'uib ja' che' tiquin lac ti'.

Isaias 25:6

I Yum Panchan yic'ot Pañimil mi caj i chajpan q'uiñijel wʌ' ti Jerusalén ti Sion wits. Mi caj i pʌy tilel jini ñajt bʌ ch'oyolob cha'an mi' c'uxob sumuc bʌ i bʌl i ñʌc' yic'ot yajcʌbil bʌ we'elʌl, cha'an mi' japob vino am bʌ i jabilel.

Isaias 25:8

Lac Yum mi caj i junyajlel jisan jini p'ʌtʌl bʌ mu' bʌ i yʌc'onla ti chʌmel. Che' jini ma'anix majqui mi caj i chʌmel ti pejtelel ora. Lac Yum Dios mi caj i sujcubeñonla i ya'lel lac wut. Ma'anix mi caj i ts'a'lentelob i cha'año' bʌ. Mi caj i yʌc'ob ti ñuc ti' tojlel pejtelel winicob ti pejtelel pañimil. Lac Yum tsa'ix i yʌc'ʌ i t'an.

Isaias 30:19

Winicob x'ixicob c cha'año' bʌ ti Jerusalén, ma'anix mi caj la' chʌn cha'len uq'uel. Mi caj i pʌsbeñetla i yutslel che' mi' yubin la' wuq'uel. Mi caj i jac'beñetla.

Isaias 30:25

Dios mi caj i tsʌnsan la' contrajob ti jim bʌ q'uin che' mi' yajlel jini chan bʌ tsa'jc. Mi caj i yʌq'ueñetla cuxul bʌ ja' ti jujump'ejl wits yic'ot ti jujump'ejl bujtʌl.

Isaias 35:10

Wen tijicñayob i pusic'al mi caj i sujtelob jini mʌmbilo' bʌ i cha'an lac Yum. Cha' talob ti jini bij cha'an mi' majlelob ti Sion. Ti pejtelel ora tijicña mi caj i yubiñob. Mi' cajelob ti c'ay. Mi caj i lajmel wocol yic'ot c'amʌjel.

Isaias 40:11

Mi caj i cʌntan i cha'año' bʌ che' bajche' xcʌnta tiñʌme'. Mi caj i tempan tilel jini alʌ to bʌ. Mi caj i mec' majlel ti' tajn. Wen tsajil mi caj i pʌy majlel jini tiñʌme' cʌntʌbilob to bʌ i yal.

Isaias 49:9

Mi caj a subeñob jini ñup'ulo' bʌ año' bʌ ti ic'ch'ipan bʌ pañimil: “Loq'uenla ti libre”, che' yom ma' subeñob. Mi caj i yajñelob che' bajche' tiñʌme' c cha'an. Ya' ba' tiquin pañimil mi caj i c'uxob jam. Jasʌl mi' cajelob ti buc'bal.

Isaias 51:11

Che' mi' sujtelob jini coltʌbilobix bʌ i cha'an lac Yum mi' cajelob ti c'ay. Jini mu' bʌ i sujtelob ti Jerusalén mi caj i yʌq'uentelob i tijicñʌyel i pusic'al mach bʌ yujilic jilel. Junyajlel tijicñayob. Mi caj i lajmel pejtel wocol. Ma'anix ch'ijiyem bʌ.

Isaias 60:20

Ya' ba' añetla ma'anix mi caj i chʌn bʌjlel q'uin, mi jinic uw. Come la' Yum i wentajʌch c'ajc la' cha'an mach bʌ yujilic yajpel ti pejtelel ora. Mach chʌn talix i ch'ijyemlel la' pusic'al. Tsa'ix ñumi la' wocol.

Isaias 65:19

Joñon ja'el tijicña mi caj j q'uel Jerusalén. Tijicña mi caj j q'uel jini ya' bʌ chumulob. Ma'anix mi caj i chʌn ubintel uq'uel yic'ot oñel.

Jeremias 2:13

Come cha'chajp i mul c winicob x'ixicob. Tsi' cʌyʌyoñob, anquese joñon Cuxul bʌ Ja'on. Tsi' wersa t'oboyob xajlel cha'an mi' yajñel i ya'al. Tsi' sajcayob ja' ba' bajñel yomob i pusic'al. Mu' jach i jilel i ya'al cha'an tocolix i yajñib.

Jeremias 31:9

Che' talob jini woliyo' bʌ ti uq'uel, mi caj c toj'esañob tilel ti wen bʌ bij ame i jats'ob i yoc. Mi caj c pʌyob tilel ba'an cuxul bʌ ja', come i taton Israel. Jiñʌch yʌx alʌl bʌ calobil Efraín.

Ezequiel 34:23

Mi caj cʌc'ob ti' wenta juntiquil Xcʌntaya mu' bʌ caj i cʌntan c tejclum. Jiñʌch jini c Winic David. Mi caj i cʌntañob che' bajche' Xcʌnta tiñʌme'.

Miqueas 5:4

Che' jini mi caj i yochel ti xcʌnta tiñʌme' mu' bʌ caj i cʌntañob ti' c'aba' i Yum Dios, ti cabʌl i p'ʌtʌlel yic'ot i ñuclel. Tijicña mi caj i yajñelob jini mu' bʌ i yumañob, come mi caj i q'uejlel ti ñuc ti pejtelel pañimil.

Miqueas 7:14

La' c Yum. Cʌntan jini winicob x'ixicob a cha'año' bʌ, come jiñobʌch a wʌlac'. Yom tijicña mi' yajñelob ti potrero tac ya' ti Basán yic'ot ti Galaad che' bajche' ti yambʌ ora.

Mateo 2:6

“Jixcu jatetla añet bʌ la ti Belén ya' ti' lumal Judá, mach yoque ch'o'ch'o'queticla ti' tojlel i yumob Judá. Come ti la' tojlel mi' caj ti loq'uel juntiquil yumʌl mu' bʌ caj i cʌntan israelob c cha'año' bʌ”.

Mateo 5:4

Tijicñayob jini woliyo' bʌ ti uq'uel, come muq'uix i ñuq'uesʌbentelob i pusic'al.

Juan 10:11

Joñon jini wen bʌ Xcʌnta tiñʌme'on. Jini wen bʌ Xcʌnta tiñʌme' mi' yʌc' i bʌ ti chʌmel cha'an i tiñʌme'.

Juan 10:14

Joñon jini wen bʌ Xcʌnta tiñʌme'on. Mij cʌn c tiñʌme'. C tiñʌme' mi' cʌñon.

Juan 4:10

Jesús tsi' jac'be: Tsa'ic a cʌñʌ a majtan ch'oyol bʌ ti Dios, tsa'ic a cʌñʌ jini woli' bʌ i c'ajtibeñet ja', tsa'ix a c'ajtibeyon ja' cha'an mi cʌq'ueñet cuxul bʌ ja', che'en.

Juan 4:11

Jini x'ixic tsi' sube: Maestro, ma'anic a lucho' ja'. Tam i ch'eñal ja'. ¿Baqui ma' taj jini cuxul bʌ ja'? che'en.

Juan 4:14

Majqui jach mi' jap ja' mu' bʌ cʌq'uen, ma'anix mi caj i chʌn tiquin i ti', come jini ja' mu' bʌ cʌq'uen mi' caj ti ajñel ti' pusic'al che' bajche' bulux ja' cha'an mi' yʌq'uen i cuxtʌlel mach bʌ anic mi' jilel. Che' tsi' yʌlʌ Jesús.

Hechos 20:28

Chʌcʌ q'uele la' bʌ che' jini. Cʌntanla pejtelel jini tiñʌme', come jini Ch'ujul bʌ Espíritu tsi' yʌq'ueyetla la' we'tel ti xcʌntaya cha'an mi la' we'san jini xñopt'añob i cha'año' bʌ Dios tsa' bʌ i mʌñʌ ti' bajñel ch'ich'el.

1 Pedro 5:2

Cʌntanla i tiñʌme' Dios año' bʌ ti la' wenta. Mach cha'anic xic'bebiletla, pero ti pejtelel la' pusic'al che' bajche' yom Dios. Mach cha'anic ganar, pero cha'an che' yom la' pusic'al.

Apocalipsis 14:4

Jiñobʌch sʌco' bʌ mach bʌ anic tsi' pʌyʌyob i yijñam. Mi' tsajcañob jini Tiñʌme' baqui jach mi' majlel. Tsa' mʌjñiyob loq'uel ti' tojlel i pi'ʌlob. Jiñobʌch jini ñaxan pac' ti' tojlel Dios yic'ot jini Tiñʌme'.

Apocalipsis 21:22

Ma'anic tsaj q'uele templo ti ili tejclum come lac Yum Dios, jini Mach bʌ Anic i P'isol i P'ʌtʌlel, yic'ot jini Tiñʌme' i templojʌch.

Apocalipsis 21:23

Ma'anic i c'ʌjñibal q'uin ti ili tejclum. Ma'anic i c'ʌjñibal uw, come i ñuclel Dios mi' yʌq'uen i sʌclel. Jini Tiñʌme' i lámparajʌch jini tejclum.

Apocalipsis 21:4

Dios mi caj i sujcubeñob i ya'lel i wut. Ma'anix majch mi' caj ti chʌmel. Ma'anix uc'taya mi uq'uel mi wocol ti pejtelel ora. Come tsa'ix ñumi jini ñaxan tac bʌ, che'en.

Apocalipsis 21:6

Tsi' subeyon: Ts'ʌctiyemix ti pejtelel. Joñon tsa' cʌq'ue i tejchibal pejtelel chuqui tac an. Mi cʌq'uen i jilibal. Añon ti' tejchibal. Añon ti' jilibal. Jini am bʌ i tiquin ti', ti' majtan jach mi caj cʌq'uen ja' loq'uem bʌ ti' loq'uib ja' i yejtal bʌ i cuxtʌlel.

Apocalipsis 22:1

Ti wi'il tsi' pʌsbeyon sʌc bʌ colem ja', i yejtal bʌ laj cuxtʌlel. Wen sʌsʌc bajche' espejo. Woli' loq'uel ja' ti' buchlib Dios yic'ot ti' buchlib Tiñʌme'.

Apocalipsis 4:11

Uts'at c Yum lojon. Yom mi' sujbel a ñuclel yic'ot a c'uxbintel yic'ot a p'ʌtʌlel, come jatet tsa' mele pejtelel chuqui tac an. Ti pejtelel tsa' mejli cha'an che'ʌch a wom. Tsa' laj aq'ue i cuxtʌlel, che'ob.

Apocalipsis 5:6

Tsaj q'uele ya'an jini Tiñʌme' ti' tojel i buchlib Dios, joyol ti chʌntiquil querubiñob yic'ot ancianojob. Tsiquil tsa' tsʌnsʌnti jini Tiñʌme' pero cha' cuxul. An wucts'ijt i xulub i yejtal i p'ʌtʌlel yic'ot wucp'ejl i wut. Jiñʌch wuctiquil espíritu i cha'an Dios chocbilo' bʌ tilel ti pejtelel pañimil.