Apocalipsis 7:12 - Chol: I T’an Dios

¹² Tsi' yʌlʌyob: Amén. La' lac suben i c'uxbintel yic'ot i ñuclel yic'ot i ña'tʌbal lac Dios. La' lac suben wocolix i yʌlʌ cha'an i ñuclel yic'ot i p'ʌtʌlel yic'ot i wersa ti pejtelel ora. Amén, che'ob.

Jiñi Tsiji' bʌ Wen T'añ cha'añ Estudio

¹² Tsi' yʌlʌyob: ¡Amén! La' lac su'b i c'uxbiya yic'ot i ñuclel yic'ot i ña'tʌbal lac Dios. La' lac su'ben wocolix i yʌlʌ cha'añ i ñuclel yic'ot i p'ʌtʌlel yic'ot i coltaya ti pejtelel ora. ¡Amén!

Chol de Tumbalá Bible

¹² Tsi' yʌlʌyob: Amén. La' lac suben i c'uxbintel yic'ot i ñuclel yic'ot i ña'tʌbal lac Dios. La' lac suben wocolix i yʌlʌ cha'an i ñuclel yic'ot i p'ʌtʌlel yic'ot i wersa ti pejtelel ora. Amén, che'ob.

Jiñi Tsiji' bʌ Wen T'añ cha'añ Estudio

¹² Tsi' yʌlʌyob: ¡Amén! La' lac su'b i c'uxbiya yic'ot i ñuclel yic'ot i ña'tʌbal lac Dios. La' lac su'ben wocolix i yʌlʌ cha'añ i ñuclel yic'ot i p'ʌtʌlel yic'ot i coltaya ti pejtelel ora. ¡Amén!

Chol Tila

¹² Ti yʌlʌyob: Chʌ'ʌch yom. La' sujbic i yutslel yic'ot i ñuclel lac Dios ti bele' ora. La' tsictiyic i ña'tyʌbal, la' subentic wocox i yʌlʌ, la' q'uejlic ti ñuc, la' tsictiyic i p'ʌtyʌlel cha'an ti pejtyel q'uin. Amén. Che' ti yʌlʌyob.

Apocalipsis 7:12 Iomraidhean Croise

Nehemias 12:46

Come che' cuxulob David yic'ot Asaf che' ti wajali an i yum xc'ayob. An ja'el c'ay cha'an mi' c'ʌyiñob i ñuclel Dios yic'ot wocolix i yʌlʌ.

Nehemias 12:8

Jiñobʌch levíjob: Jesúa, Binúi, Cadmiel, Serebías, Judá, Matanías, yic'ot i pi'ʌlob Matanías año' bʌ ti' wenta cha'an mi' subeñob Dios wocolix i yʌlʌ ti c'ay.

Salmos 100:4

Ochenla ti' ti' tac i yotot lac Yum. Subenla wocolix i yʌlʌ. Subenla i ñuclel che' mi la' c'otel ti' pam i yotot. Subenla wocolix i yʌlʌ. Ch'ujutesanla i c'aba'.

Salmos 106:48

La' ch'ujutesʌntic lac Yum ti pejtelel ora. I Dioset israelob, mach bʌ anic a cajibal mi a jilibal. La' i yʌlob Amén pejtel winicob x'ixicob. ¡Aleluya!

Salmos 107:22

La' la cʌq'uen Dios wocolix i yʌlʌ yic'ot tsʌnsʌbil bʌ i majtan. La' lac sub i melbal ti' tijicñʌyel lac pusic'al.

Salmos 116:17

Mi caj c subeñet wocolix a wʌlʌ che' mi cʌq'ueñet tsʌnsʌbil bʌ a majtan. Mi caj c pejcañet ti a c'aba'.

Salmos 147:7

C'ʌyinla lac Yum. Aq'uenla wocolix i yʌlʌ. Ñijcanla arpa cha'an mi' yubin Dios.

Salmos 41:13

La' sujbic i ñuclel lac Yum, i Dios Israel, mach bʌ anic i cajibal mach bʌ anic i jilibal. Che'ʌch yom. Amén.

Salmos 50:14

Yom ma' subeñon wocolix cʌlʌ. Jiñʌch tsʌnsʌbil bʌ c majtan, yubil. Yom ma' ts'ʌctesan a t'an che' bajche' tsa' wʌn ña'ta a mel.

Salmos 72:19

Ch'ujutesan i c'aba' am bʌ i ñuclel ti pejtelel ora. La' bujt'ic pejtel pañimil yic'ot i ñuclel. Che'ʌch yom, che'ʌch yom.

Salmos 89:52

La' ch'ujutesʌntic lac Yum ti pejtelel ora. Amén.

Salmos 95:2

La' ochiconla ti' tojlel cha'an mi lac suben wocolix i yʌlʌ. Yom tijicña lac pusic'al mi laj c'ʌyin lac Yum ti salmo.

Isaias 51:3

Isujm mi caj c cha' aq'ueñob i tijicñʌyel i pusic'al jini israelob. Mi caj c cha' mel ti uts'at pejtel jini jejmenix bʌ ti' tojlel. Mi caj c sutq'uin jini tiquin bʌ lum ti wen bʌ lum cha'an uts'at mi' yʌc' i wut che' bajche' Edén i pʌc'ʌb la' Yum. Tijicñayob jini ya' bʌ añob. Mi caj i subeñoñob wocolix cʌlʌ. Cabʌl mi caj i cha'leñob c'ay.

Jeremias 33:11

i t'an jini tijicñayo' bʌ woliyo' bʌ ti tse'ñal. Mi caj i cha' ubintel i t'an jini xñujpuñijel yic'ot jini c'ajtibil bʌ i cha'an. Wʌ' ti ili tejclum mi caj i cha' ch'ujutesañoñob yic'ot c'ay. Mi caj i yʌlob: “Subenla lac Yum wocolix i yʌlʌ come i Yumʌch Panchan yic'ot Pañimil. Mi' pʌsbeñonla i yutslel i pusic'al ti pejtelel ora”. Che'ʌch mi' cajelob ti c'ay. Mi caj i cha' ch'ʌmbeñoñob tilel c majtan tac wʌ' tic Templo, come mi caj c cha' mel ti ñuc ili lum che' bajche' ti oñiyi, che'en lac Yum.

Jeremias 33:9

Ili tejclum Jerusalén mi caj i tsictesan c ñuclel. Tijicña mi caj j q'uel. Pejtel tejclum ti yan tac bʌ lum mi caj i q'ueloñob ti ñuc che' tijicña ili tejclum cha'an pejtelel i yutslel c pusic'al mu' bʌ c pʌsben. Mi caj i toj sajtelob i pusic'al che' mi' ña'tañob cha' anix i ñʌch'tʌlel i pusic'al cha'an cabʌl tsaj colta.

Jonas 2:9

Joñon mi caj c subeñet wocolix a wʌlʌ. Mi caj c tsʌnsʌbeñet a majtan. Chuqui tac tsac subeyet mi caj c melbeñet. Ch'oyol ti lac Yum laj coltʌntel. Che' tsi' yʌlʌ Jonás.

Mateo 6:13

Mach ma' wʌc'on lojon ba' mic pʌjyel lojon ti mulil. Cʌntañon lojon ame yajlicon lojon ti jontolil. Come a cha'añʌch a yumʌntel yic'ot a p'ʌtʌlel yic'ot a ñuclel ti pejtelel ora. Amén. Che' yom mi la' mel oración.

Romanos 11:36

Come ch'oyol ti Dios pejtelel chuqui tac an. Ti pejtelel cʌntʌbil i cha'an Dios. I cha'añʌch Dios ti pejtelel. La' sujbic i ñuclel Dios ti pejtelel ora. Amén.

1 Corintios 14:16

Come mi ti a ch'ujlel jach ma' ch'ujutesan Dios ti' tojlel jini mu' bʌ i tilel i ñich'tan, ¿bajche' mi caj i yʌl amén che' ma' suben Dios wocolix i yʌlʌ, mi ma'anic mi' ch'ʌmben isujm chuqui wola' wʌl?

2 Corintios 4:15

Come mi cubin lojon pejtelel ili wocol cha'an mi la' taj la' wenlel. Che' mi' tajbeñob i yutslel i pusic'al Dios cabʌlob mi caj i subeñob Dios wocolix i yʌlʌ cha'an mi' yutsi tsictiyel i ñuclel Dios.

Colosenses 2:7

Yom an la' wi' ti Cristo, come wa'chocobiletla i cha'an. Yom chʌn xuc'uletla ti jini tsa' bʌ la' ñopo che' bajche' tsa' cʌntesʌntiyetla. Chʌn subenla Dios wocolix i yʌlʌ.

Colosenses 3:17

Pejtel chuqui mi la' mel, mi t'an, mi e'tel, melela ti' c'aba' lac Yum Jesús. Subenla wocolix i yʌlʌ Dios lac Tat ti Jesús.

Judas 1:25

Jini cojach bʌ Dios am bʌ i ña'tʌbal, la caj Coltaya, la' tsictiyic i ñuclel yic'ot i yumʌntel yic'ot i p'ʌtʌlel ti' tojlel lac Yum Jesucristo wʌle yic'ot ti pejtelel ora. Amén.

Apocalipsis 1:18

Joñoñʌch jini cuxul bʌ. Tsa' chʌmiyon. Awilan, cha' cuxulon ti pejtelel ora. Amén. An tic p'ʌtʌlel jini chʌmeño' bʌ yic'ot i yajñib chʌmeño' bʌ.

Apocalipsis 19:4

Tsi' pʌcchocoyob i bʌ ti lum jini chʌntiquil i cha'c'al (24) ancianojob yic'ot chʌntiquil querubín. Tsi' ch'ujutesayob Dios, buchul bʌ ti' yumʌntel. Tsi' yʌlʌyob: Amén. Aleluya, che'ob.