Apocalipsis 7:11 - Chol: I T’an Dios

¹¹ Pejtelel ángelob tsa' wa'leyob ti' joytʌlel i buchlib, ti' joytʌlel ancianojob yic'ot jini chʌntiquil querubiñob. Tsi' pʌcchocoyob i bʌ ti' tojel i buchlib Dios. Tsi' ch'ujutesayob Dios.

Jiñi Tsiji' bʌ Wen T'añ cha'añ Estudio

¹¹ Pejtelel ángelob tsa' wa'leyob ti' joytʌlel i buchlib, ti' joytʌlel ancianojob yic'ot jiñi chʌntiquil querubiñob, tsi' pʌc chocoyob i bʌ ti' tojel i buchlib Dios, tsi' ch'ujutesayob Dios.

Chol de Tumbalá Bible

¹¹ Pejtelel ángelob tsa' wa'leyob ti' joytʌlel i buchlib, ti' joytʌlel ancianojob yic'ot jini chʌntiquil querubiñob. Tsi' pʌcchocoyob i bʌ ti' tojel i buchlib Dios. Tsi' ch'ujutesayob Dios.

Jiñi Tsiji' bʌ Wen T'añ cha'añ Estudio

¹¹ Pejtelel ángelob tsa' wa'leyob ti' joytʌlel i buchlib, ti' joytʌlel ancianojob yic'ot jiñi chʌntiquil querubiñob, tsi' pʌc chocoyob i bʌ ti' tojel i buchlib Dios, tsi' ch'ujutesayob Dios.

Chol Tila

¹¹ Ti quilʌ ti pejtyelel jini ajtroñelob i cha'añob Dios am bʌ ti panchan ya' wa'alob ya' ti suttyʌlel jini buchlibʌl yic'ot ti suttyʌlel jini ancianojob, yic'ot jini chʌntiquil cuxul bʌ chʌ bʌ yes. Ti ñocleyob ya' ti' t'ejl i buchlib Dios. Ti' ch'ujutisʌyob Dios.

Apocalipsis 7:11 Iomraidhean Croise

Salmos 45:11

Mi caj i c'uxbiñet jini rey come a t'ojol mi' q'uelet. Jiñʌch a Yum, yom ma' c'uxbin.

Salmos 97:7

Mi' cajelob ti quisin pejtel mu' bʌ i ch'ujutesañob dioste' tac, Mu' bʌ i lon chañ'esañob i bʌ cha'an dioste' tac mach bʌ anic i c'ʌjñibal. La' i pʌcchocoñob i bʌ ti' tojel i yoc Dios pejtel diosob.

Mateo 4:10

Jesús tsi' sube: Cucu, Satanás, come ts'ijbubil: “Yom ma' ch'ujutesan a Yum Dios. Cojach jini yom ma' yuman”, che'en.

Juan 5:23

cha'an mi' q'uelob ti ñuc i Yalobil Dios pejtel winicob x'ixicob che' bajche' mi' q'uelob ti ñuc c Tat. Jini mach bʌ anic mi' q'uel ti ñuc i Yalobil Dios mach ñuquic mi' q'uel c Tat tsa' bʌ i chocoyon tilel.

Hebreos 1:6

Che' bʌ tsi' choco tilel ti pañimil yʌx alʌl bʌ i Yalobil, Dios tsi' yʌlʌ: “La' i ch'ujutesañob Calobil pejtelel ángelob”, che'en.

Apocalipsis 11:16

Jini chʌntiquil i cha'c'al (24) ancianojob buchulo' bʌ ti' ye'tel ti' tojel Dios tsi' pʌcchocoyob i bʌ. Tsi' ch'ujutesayob Dios.

Apocalipsis 15:4

C Yum, ¿am ba winic mach bʌ anic mi caj i bʌc'ñʌbeñet a c'aba', mach bʌ anic mi caj i ñuq'uesʌbeñet a c'aba'? Come jatet jach ch'ujulet. Jini cha'an pejtel año' bʌ ti pañimil mi caj i tilelob i ch'ujutesañet, come tsa' tsictiyi toj bʌ a meloñel. Che' tsi' c'ʌyiyob.

Apocalipsis 22:9

Tsi' subeyon: Q'uele mach che'ic yom ma' cha'len, come i winicon Dios lajal bajche'et yic'ot a wermanojob jini x'alt'añob, yic'ot jini mu' bʌ i jac'beñob i t'an jini jun. Ch'ujutesan Dios, che'en.

Apocalipsis 4:10

jini chʌntiquil i cha'c'al ancianojob mi' pʌcchocoñob i bʌ ti' tojel jini buchul bʌ ti' yumʌntel. Mi' ch'ujutesañob jini cuxul bʌ Dios ti pejtelel ora. Mi' yʌc'ob i corona ti' tojel i buchlib. Mi' yʌlob:

Apocalipsis 4:4

Ti' joytʌlel i buchlib an chʌmp'ejl i cha'c'al buchlibʌl. Ya' buchulob ti' ye'tel tsaj q'uele chʌntiquil i cha'c'al (24) ancianojob lʌpʌl i cha'añob sʌsʌc bʌ i pislel. An i corona tac melbil bʌ ti oro c'ʌcʌl ti' jol.

Apocalipsis 4:6

Ti' tojel i buchlib Dios an colem ñajb yilal, am bʌ i sʌclel che' bajche' espejo. Ti' joytʌlel jini buchlibʌl ti' chʌnwejlel, an chʌntiquil querubín. An cabʌl i wut ti' wut yic'ot ti' pat.

Apocalipsis 4:8

Ti jujuntiquil an wʌwʌq'uejl i wich'. An cabʌl i wut tac ti' joytʌlel i cuctal yic'ot ti' mal. Ti pejtelel q'uin yic'ot ti pejtelel ac'ʌlel ma'anic mi' cʌyob i yʌl: Ch'ujul, ch'ujul, ch'ujul lac Yum Dios jini Mach bʌ Anic i P'isol i P'ʌtʌlel, jini am bʌ ti wajali, jini am bʌ wʌle, jini tal to bʌ. Che' mi' yʌlob.