Apocalipsis 7:10 - Chol: I T’an Dios

¹⁰ Tsi' cha'leyob c'am bʌ t'an. Tsi' yʌlʌyob: Yujil coltaya lac Dios buchul bʌ ti' ye'tel yic'ot jini Tiñʌme', che'ob.

Jiñi Tsiji' bʌ Wen T'añ cha'añ Estudio

¹⁰ Tsi' cha'leyob c'am bʌ t'añ, tsi' yʌlʌyob: “Yujil coltaya lac Dios buchul bʌ ti' ye'tel yic'ot jiñi Tʌñʌme'”.

Chol de Tumbalá Bible

¹⁰ Tsi' cha'leyob c'am bʌ t'an. Tsi' yʌlʌyob: Yujil coltaya lac Dios buchul bʌ ti' ye'tel yic'ot jini Tiñʌme', che'ob.

Jiñi Tsiji' bʌ Wen T'añ cha'añ Estudio

¹⁰ Tsi' cha'leyob c'am bʌ t'añ, tsi' yʌlʌyob: “Yujil coltaya lac Dios buchul bʌ ti' ye'tel yic'ot jiñi Tʌñʌme'.”

Chol Tila

¹⁰ Ti lu' alʌyob ti c'am bʌ t'an: Tyʌlem laj cotyʌntyel ti Dios ya' bʌ buchul ti' buchlib yic'ot ti Jesucristo jini mu' bʌ i pejcʌntyel ti i Tiñʌme' Dios. Che' ti yʌlʌyob.

Apocalipsis 7:10 Iomraidhean Croise

Salmos 115:1

Tsictesan i ñuclel a c'aba', c Yum, Mach cha'anic mij q'uejlel lojon ti ñuc, pero cha'an ma' q'uejlel ti ñuc. Cha'an cabʌl a c'uxbiya, wen xuc'ulet.

Salmos 3:8

Ch'oyol laj coltʌntel ti lac Yum. La' aq'uenticob i wenlel i cha'año' bʌ.

Salmos 37:39

Ch'oyol ti lac Yum i coltʌntel jini tojo' bʌ. Jiñʌch i p'ʌtʌlel ti' yorajlel wocol.

Isaias 43:11

Joñon jach Yumʌlon. Ma'anic yambʌ xColtaya.

Isaias 45:15

Isujm ma' mujcun a bʌ Dios, i Dioset bʌ Israel. Ma'anic mij q'uel bajche' ma' mel a we'tel, caj Coltaya.

Isaias 45:21

Mi tsi' coltayetla dioste' subula. Teme la' t'an. Tsictesanla i sujmlel. ¿Majqui tsi' wʌn subu jini woli bʌ i yujtel? ¿Mach ba' anic tsac subu ti wajali? Ma'anic yambʌ Dios. Joñon jach Dioson. Tojon, Xcoltayajon. Ma'anic yambʌ. Joñon jach.

Jeremias 3:23

Mach chʌn comix lojon c cha'len ch'ujutesaya ti bujtʌl tac che' bajche' tsac mele lojon che' lotibil lojon c pusic'al. Lolom jach pejtel chuqui tsac mele lojon ti wits tac. Ya' jach ti lac Yum Dios mi caj i taj i coltʌntel Israel.

Oseas 13:4

Joñon jach a Dioson, a Yumon, c'ʌlʌl che' bʌ tsac pʌyʌyet loq'uel ti Egipto. Ma'anic yambʌ Dios. Ma'anic yambʌ xColtaya, joñon jach.

Jonas 2:9

Joñon mi caj c subeñet wocolix a wʌlʌ. Mi caj c tsʌnsʌbeñet a majtan. Chuqui tac tsac subeyet mi caj c melbeñet. Ch'oyol ti lac Yum laj coltʌntel. Che' tsi' yʌlʌ Jonás.

Zacarias 4:7

Ma'anic wits mu' bʌ mejlel i mʌctan Zorobabel, come mi caj i sujtel ti joctʌl bʌ lum ti' tojel i wut. Zorobabel mi caj i yujtesan i mel jini Templo ti' tijicñʌyel i pusic'al, come mi caj i ña'tan tsa'ix mejli cha'an jach i yutslel i pusic'al Dios. Ti c'am bʌ t'an mi caj i subeñob Dios wocolix i yʌlʌ, che'en jini ángel.

Zacarias 9:9

Tijicñesan la' pusic'al c tejclumob añet bʌ la ti Sion. C'am yom mi la' cha'len c'ay, añet bʌ la ti Jerusalén, come tal la' Rey, jini Toj bʌ mu' bʌ caj i mʌjlel i cha'an. Pec' mi' mel i bʌ, c'ʌchʌl ti burro, juncojt i yal burro maxto bʌ c'ʌchtʌbilic.

Lucas 3:6

Pejtelel winicob x'ixicob mi caj i yubiñob bajche' mi' coltʌntelob ti Dios”. Che'ʌch ts'ijbubil ti' juñilel Isaías.

Juan 1:29

Ti yijc'ʌlal Juan tsi' q'uele wolix i tilel Jesús. Tsi' yʌlʌ: Awilan, jiñʌch i Tiñʌme Dios mu' bʌ i ch'ʌm majlel i mul pejtel pañimil.

Juan 1:36

Juan tsi' q'uele Jesús woli bʌ ti xʌmbal ñumel ti lʌc'ʌl. Tsi' yʌlʌ: Q'uelela i Tiñʌme' Dios, che'en.

Juan 4:22

Jatetla mach la' wujilic chuqui mi la' ch'ujutesan. Joñon lojon cujil chuqui mic ch'ujutesan lojon, come ch'oyol i coltʌntel winicob x'ixicob ti judíojob.

Efesios 2:8

Come coltʌbiletla ti' yutslel i pusic'al Dios cha'an tsa' la' ñopo. Ma'anic tsa' la' bajñel colta la' bʌ. La' majtan jach tilem bʌ ti Dios.

Apocalipsis 12:10

Tsa cubi c'am bʌ t'an ti panchan. Tsi' yʌlʌ: Tsa'ix tili i coltʌntel winicob x'ixicob yic'ot i p'ʌtʌlel yic'ot i yumʌntel lac Dios yic'ot i p'ʌtʌlel Cristo. Come tsa'ix chojqui jubel jini mu' bʌ i sub i mul la quermanojob. Mi' sub lac mul ti' tojlel Dios ti q'uiñil ti ac'ʌlel.

Apocalipsis 19:1

Che' bʌ tsa' ujti ti t'an tsa cubibe i t'an bajc'ʌl winicob x'ixicob ti panchan. C'am tsi' yʌlʌyob: ¡Aleluya! Tilem ti lac Yum Dios laj coltʌntel. La' sujbic i ñuclel yic'ot i c'uxbintel yic'ot i p'ʌtʌlel.

Apocalipsis 21:5

Jini buchul bʌ ti' yumʌntel tsi' yʌlʌ: Awilan, mic mel ti tsijib pejtelel chuqui tac an, che'en. Tsi' subeyon ja'el: Ts'ijban, come xuc'ul jini t'an, isujm ja'el, che'en.

Apocalipsis 22:3

Ma'anix p'ajoñel. Ya'an i buchlib Dios yic'ot i buchlib jini Tiñʌme'. I winicob mi caj i ch'ujutesañob.

Apocalipsis 4:6

Ti' tojel i buchlib Dios an colem ñajb yilal, am bʌ i sʌclel che' bajche' espejo. Ti' joytʌlel jini buchlibʌl ti' chʌnwejlel, an chʌntiquil querubín. An cabʌl i wut ti' wut yic'ot ti' pat.

Apocalipsis 5:7

Tsa' tili jini Tiñʌme'. Tsi' ch'ʌmʌ jini jun am bʌ ti ñoj bʌ i c'ʌb Dios ya' ba' buchul ti' yumʌntel.