Apocalipsis 4:6 - Chol: I T’an Dios

⁶ Ti' tojel i buchlib Dios an colem ñajb yilal, am bʌ i sʌclel che' bajche' espejo. Ti' joytʌlel jini buchlibʌl ti' chʌnwejlel, an chʌntiquil querubín. An cabʌl i wut ti' wut yic'ot ti' pat.

Jiñi Tsiji' bʌ Wen T'añ cha'añ Estudio

⁶ Che' ja'el ti' tojel i buchlib Dios añ mar yilal, am bʌ i sʌclel che' bajche' espejo. Ti' joytʌlel jiñi buchlibʌl ti' chʌnwejlel, añ chʌntiquil querubín, año' bʌ ca'bʌl i wut ti' joytʌlel i bʌc'tal ti c'ajpam yic'ot ti' pat.

Chol de Tumbalá Bible

⁶ Ti' tojel i buchlib Dios an colem ñajb yilal, am bʌ i sʌclel che' bajche' espejo. Ti' joytʌlel jini buchlibʌl ti' chʌnwejlel, an chʌntiquil querubín*. An cabʌl i wut ti' wut yic'ot ti' pat.

Jiñi Tsiji' bʌ Wen T'añ cha'añ Estudio

⁶ Che' ja'el ti' tojel i buchlib Dios añ mar yilal, am bʌ i sʌclel che' bajche' espejo. Ti' joytʌlel jiñi buchlibʌl ti' chʌnwejlel, añ chʌntiquil querubín, año' bʌ ca'bʌl i wut ti' joytʌlel i bʌc'tal ti c'ajpam yic'ot ti' pat.

Chol Tila

⁶ Ya' ti' tyojel i buchlib Dios an che' bʌ bajche' colem ja' melel bʌ ti vidrio yilal. Lemlaw che' bajche' mi' jats'e' q'uin espejo. Ti joytyʌlel jini buchlibʌl ti' chʌnwejlel an chʌntiquil cuxul bʌ chʌ bʌ yes. Cabʌl i wut ti' tyojel i wut yic'ot ti' pat.

Apocalipsis 4:6 Iomraidhean Croise

1 Reyob 7:23

Hiram tsi' xot mele i yajñib ja' ti bronce, ojlil i yuxp'ejl metro i tamlel, jo'p'ejl metro i p'isol i pam, che' joy p'isbil i ti' jiñʌch jo'lujump'ejl metro.

Job 28:17

Ñumen an i c'ʌjñibal bajche' oro yic'ot diamante. Mach q'uextʌbilic cha'an ujʌl letsem bʌ i tojol chucul bʌ ti oro.

Exodo 38:8

Tsi' c'ʌñʌ bronce ti' melol i yajñib ja' yic'ot i buchlib. Tsa' loq'ui jini bronce ti espejo tac tsa' bʌ i yʌc'ʌyob jini x'ixicob tsa' bʌ i tempayob i bʌ ya' ti' ti' jini Tabernáculo, come ti wajali puro bronce i yespejo tac.

Ezequiel 10:12

Ti pejtelel i cuctal, jini i pat, i c'ʌb, i wich', yic'ot jini selel tac bʌ tsa' bʌ i pi'leyob majlel, laj an i wut.

Ezequiel 10:14

Ti jujuntiquil jelchojc tacob i wut jini querubiñob. Jini ñaxan bʌ lajal che' bajche' i wut querubín, i cha'p'ejlel bʌ lajalʌch bajche' i wut winic, i yuxp'ejlel bʌ lajalʌch bajche' i wut bajlum, i chʌmp'ejlel bʌ lajalʌch bajche' i wut xiye'.

Apocalipsis 14:3

Tsi' cha'leyob tsiji' bʌ c'ay ti' tojel i buchlib Dios yic'ot ti' tojel jini chʌntiquil querubín yic'ot ti' tojel jini ancianojob. Ma'anic majch tsa' mejli i cʌn jini c'ay, cojach jini waxʌclujumpic winicob x'ixicob tsa' bʌ mʌjñiyob loq'uel ti' tojlel año' bʌ ti pañimil.

Apocalipsis 15:2

Ya' tsaj q'uele ñajb melbil bʌ ti espejo yilal, xʌbʌl ti c'ajc. Ya' añob winicob tsa' bʌ i mʌlʌyob jontol bʌ bʌte'el yic'ot i yejtal, yic'ot i númerojlel i c'aba'. Wa'alobix ti' pam colem ñajb melbil bʌ ti espejo. An i cha'añob cabʌl arpa aq'uebilo' bʌ i cha'an Dios.

Apocalipsis 15:7

Juntiquil querubín am bʌ i ye'tel yic'ot jini uxtiquil tsi' yʌq'ueyob jini wuctiquil ángelob wucp'ejl taza melbil bʌ ti oro. But'ul jini wucp'ejl taza ti' mich'ajel Dios, jini cuxul bʌ ti pejtelel ora.

Apocalipsis 19:4

Tsi' pʌcchocoyob i bʌ ti lum jini chʌntiquil i cha'c'al (24) ancianojob yic'ot chʌntiquil querubín. Tsi' ch'ujutesayob Dios, buchul bʌ ti' yumʌntel. Tsi' yʌlʌyob: Amén. Aleluya, che'ob.

Apocalipsis 21:11

An i cha'an i ñuclel Dios. Che'ʌch i c'ʌc'al bajche' jump'ejl c'ax uts'at bʌ xajlel, che' bajche' jaspe xajlel, wen sʌsʌc bʌ bajche' espejo.

Apocalipsis 21:18

Melbil jini ts'ajc ti jaspe xajlel. Jini tejclum puro oro, wen sʌctsʌñan bajche' espejo.

Apocalipsis 21:21

Jini lajchʌmp'ejl i ti' jiñʌch lajchʌmp'ejl perla tac. Ti jujump'ejl i ti' melbil i puertajlel ti jujump'ejl perla. Jini bij ti tejclum puro oro, wen sʌctsʌñan bajche' espejo.

Apocalipsis 22:1

Ti wi'il tsi' pʌsbeyon sʌc bʌ colem ja', i yejtal bʌ laj cuxtʌlel. Wen sʌsʌc bajche' espejo. Woli' loq'uel ja' ti' buchlib Dios yic'ot ti' buchlib Tiñʌme'.

Apocalipsis 4:4

Ti' joytʌlel i buchlib an chʌmp'ejl i cha'c'al buchlibʌl. Ya' buchulob ti' ye'tel tsaj q'uele chʌntiquil i cha'c'al (24) ancianojob lʌpʌl i cha'añob sʌsʌc bʌ i pislel. An i corona tac melbil bʌ ti oro c'ʌcʌl ti' jol.

Apocalipsis 5:11

Tsaj q'uele cabʌl ángelob ti' joytʌlel i buchlib Dios. Tsa cubibeyob i t'an yic'ot i t'an jini querubiñob yic'ot i t'an ancianojob ti pic ti pic. Wen bajc'ʌlob.

Apocalipsis 5:14

Jini chʌntiquil querubiñob tsi' yʌlʌyob: Amén, che'ob. Jini chʌntiquil i cha'c'al ancianojob tsi' pʌcchocoyob i bʌ. Tsi' ch'ujutesayob jini cuxul bʌ ti pejtelel ora.

Apocalipsis 5:6

Tsaj q'uele ya'an jini Tiñʌme' ti' tojel i buchlib Dios, joyol ti chʌntiquil querubiñob yic'ot ancianojob. Tsiquil tsa' tsʌnsʌnti jini Tiñʌme' pero cha' cuxul. An wucts'ijt i xulub i yejtal i p'ʌtʌlel yic'ot wucp'ejl i wut. Jiñʌch wuctiquil espíritu i cha'an Dios chocbilo' bʌ tilel ti pejtelel pañimil.

Apocalipsis 5:8

Che' bʌ tsi' ch'ʌmʌ jini jun, jini chʌntiquil querubiñob yic'ot chʌntiquil i cha'c'al ancianojob tsi' pʌcchocoyob i bʌ ti' tojel jini Tiñʌme'. Ti jujuntiquil an i cha'an arpa yic'ot taza melbil bʌ ti oro but'ul bʌ ti pom. Jiñʌch i yejtal i yoración i cha'año' bʌ Dios.

Apocalipsis 6:1

Tsaj q'uele tsi' jamʌ jump'ejl sello jini Tiñʌme'. Tsa cubibe i t'an juntiquil querubín i pi'ʌl jini uxtiquil. Wen c'am tsi' cha'le t'an che' bajche' i t'an chajc. Tsi' yʌlʌ: La' q'uele, che'en.

Apocalipsis 6:6

Tsa cubi t'an loq'uem bʌ ti' yojlil jini chʌntiquil querubiñob. Tsi' yʌlʌ: Jump'ejl kilo trigo jiñʌch i tojol jump'ejl q'uin e'tel. Uxp'ejl kilo cebada, jiñʌch i tojol jump'ejl q'uin e'tel. Mach ma' jisan mi ts'usubil mi olivojil, che'en.

Apocalipsis 7:11

Pejtelel ángelob tsa' wa'leyob ti' joytʌlel i buchlib, ti' joytʌlel ancianojob yic'ot jini chʌntiquil querubiñob. Tsi' pʌcchocoyob i bʌ ti' tojel i buchlib Dios. Tsi' ch'ujutesayob Dios.

Apocalipsis 7:17

Jini Tiñʌme' am bʌ ti' tojel i buchlib Dios mi caj i cʌntañob. Mi caj i pʌsbeñob majlel cuxul bʌ ja'. Dios mi caj i sujcubeñob pejtelel i ya'lel i wut, che'en.