Apocalipsis 3:4 - Chol: I T’an Dios

⁴ An hermanojob ti Sardis mach bʌ anic tsi' bib'esayob i pislel. Mi caj i cha'leñob xʌmbal quic'ot, lʌpʌl i cha'añob sʌsʌc bʌ i pislel. Che'ʌch yom come uts'at i melbal.

Jiñi Tsiji' bʌ Wen T'añ cha'añ Estudio

⁴ Añ hermañujob ti Sardis mach bʌ añic tsi' bi'b-esayob i pislel. Mi caj i cha'leñob xʌmbal quic'ot, lʌpʌl i cha'añob sʌsʌc bʌ i pislel. Che'ʌch yom come uts'at i melbal.

Chol de Tumbalá Bible

⁴ An hermanojob ti Sardis mach bʌ anic tsi' bib'esayob i pislel. Mi caj i cha'leñob xʌmbal quic'ot, lʌpʌl i cha'añob sʌsʌc bʌ i pislel. Che'ʌch yom come uts'at i melbal.

Jiñi Tsiji' bʌ Wen T'añ cha'añ Estudio

⁴ Añ hermañujob ti Sardis mach bʌ añic tsi' bi'b-esayob i pislel. Mi caj i cha'leñob xʌmbal quic'ot, lʌpʌl i cha'añob sʌsʌc bʌ i pislel. Che'ʌch yom come uts'at i melbal.

Chol Tila

⁴ Ya'an cha'tiquil uxtiquil ya' ti Sardis mach'ʌ ba'an ti' bibi'tisʌ i pislel yubil como mach'an ti' cha'leyob mach'ʌ wen bʌ i cha'libal. Jiñob mi quejel i yajñel quic'ot ti sʌc bʌ i pislel cha'an tsiquil tyoj añob. Chʌ'ʌch yom cha'an wen ti' cha'leyob.

Apocalipsis 3:4 Iomraidhean Croise

1 Reyob 19:18

Pero joñon mi caj j cʌntan jini wucp'ejl mil israelob mach bʌ anic tsi' ñocchocoyob i bʌ ti' tojlel Baal, mach bʌ anic tsi' ts'ujts'uyob, che'en.

Ester 8:15

Tsa' loq'ui Mardoqueo ti' tojlel rey che' woliyob ti c'am bʌ t'an jini chumulo' bʌ ti Susa cha'an tijicñayob i pusic'al. Lʌpbil i cha'an Mardoqueo i pislel jini rey, jini sʌsʌc bʌ yic'ot jini yʌjyʌx bʌ. C'ʌcʌl ti' jol jini corona melbil bʌ ti oro. An i mosil i jol melbil bʌ ti lino, ts'ajbil ti chʌccolan bʌ.

Salmos 68:14

Jini Mach bʌ Anic i P'isol i P'ʌtʌlel tsi' pucu majlel reyob che' bajche' i ña'al tsʌñal am bʌ ti wits i c'aba' Salmón.

Eclesiastes 9:8

Lʌpʌ jini wen bʌ a bujc. Xiban a jol.

Isaias 1:9

Ts'ita jax tsa' cʌleyonla, mach oñonixla. Machic tsi' coltayonla i Yum Panchan yic'ot Pañimil, tsa' jisʌntiyonla che' bajche' Sodoma yic'ot Gomorra.

Isaias 52:1

Ch'ojyen, ch'oyenla añet bʌ la ti Jerusalén. Wen p'ump'un tsa' ajniyetla. P'ʌtesan la' bʌ. Lʌpʌx la' pislel, jini c'ax uts'at bʌ, cha'an mi la' wajñel ti ch'ujul. Mach chʌn talobix jini xmulilob mach bʌ i cʌñʌyobic Dios.

Isaias 59:6

Mi la' cha'len xujch'. Mi la' chilbeñob i chubʌ'an la' pi'ʌlob. Pero ma'anic mi' coltañetla come jontol la' melbal. Mi la' p'ol wocol ti pejtelel la' melbal. Mi la' c'ʌn la' c'ʌb cha'an jontolil. Bʌxetla ti jontolil.

Isaias 61:10

Cabʌl mi' ñuc'an c pusic'al cha'an lac Yum. C'ax tijicña jax mi cubin cha'an c Dios, come tsi' coltayon. Tsi' yʌq'ueyon toj bʌ c pusic'al. Tsi' yʌq'ueyon c lʌp wen uts'atax bʌ pisil yubil, che' bajche' xñujpuñijel mu' bʌ i ch'ʌl i bʌ, che' bajche' xch'oc mu' bʌ caj ti ñujpuñijel mi' ch'ʌl i bʌ ti wen letsem tac bʌ i tojol.

Isaias 61:3

Mi caj j coltan jini woli bʌ i tsicob i pusic'al ti Sion. Mi caj cʌq'ueñob i ch'ʌjlil i jol i wenta tʌñil c'ajc. Mi caj cʌq'ueñob i tijicñʌyel i pusic'al i wenta uq'uel. Mi caj c lajmesʌbeñob i wocol cha'an mi' cajelob ti c'ay cha'an ñucon. Toj mi caj i q'uejlelob. P'ʌtʌl mi caj i yajñelob che' bajche' c'olol wen chucul bʌ i wi'. Tsac pʌc'ʌyob cha'an mi' tsictesañob c ñuclel.

Isaias 64:6

Tic pejtelel lojon bibi'on lojon ti a wut cha'an lojon c mul. Ma'anic ma' q'uel ti uts'at wen bʌ c melbal lojon. Che' yilalob ti a wut bajche' tuwix bʌ pisil. Lajal mi' jilel laj c'ʌjñibal che' bajche' mi' tiquin i yopol te'. Cha'an c mul lojon mic pʌjyel lojon majlel.

Mateo 10:11

Baqui jach mi la' wochel mi ti tejclum, mi ti xchumtʌl, yom mi la' c'ajtibeñob mi an uts'at bʌ i pusic'al. Ya' yom mi la' jijlel jinto mi la' loq'uel majlel ti jini tejclum.

Marcos 16:5

Che' bʌ tsa' ochiyob ti' yotlel ch'ujlelʌl, tsi' q'ueleyob ch'iton winic buchul ti' ñoj, lʌpʌl i cha'an tam bʌ i pislel wen sʌsʌc bʌ. Tsa' toj sajtiyob i pusic'al.

Lucas 20:35

Pero jini mu' bʌ i q'uejlelob ti uts'at cha'an mi' tajob i cuxtʌlel ti jini yambʌ ora yic'ot cha'an mi' cha' ch'ojyelob ba'an chʌmeño' bʌ ma'anic mi' pʌyob i pi'ʌl. Ma'anic mi' sijintelob.

Lucas 21:36

Yom yʌxʌl la' wo che' jini. Chʌn cha'lenla oración ti pejtelel ora, cha'an mi la' q'uejlel ti uts'at, cha'an ma'anic mi' tajetla ili wocol mu' bʌ caj ti ujtel, cha'an uts'at mi la' wa'tʌl ti' tojel i Yalobil Winic, che'en Jesús.

Hechos 1:15

Ti jim bʌ ora Pedro tsa' wa'le ti ojlil ba'an hermanojob. (Tic'ʌl mi wʌcc'alob ya' añob.) Pedro tsi' subu:

2 Tesalonicenses 1:5

Che' mi la' cuch wocol ti uts'at, woli la' tsictesan toj bʌ i meloñel Dios, come mi caj la' q'uejlel ti uts'at che' mi' tilel i yumʌntel Dios. Jini cha'an woli la' cuch cabʌl wocol.

Judas 1:23

Coltanla yaño' bʌ. Chucuyob loq'uel ti c'ajc. P'untanla yaño' bʌ yic'ot bʌq'uen ame bib'aquetla. Ts'a'lenla i pislel bib'esʌbil bʌ ti mulil.

Apocalipsis 1:11

Tsi' yʌlʌ: Joñon tsac teche pejtelel chuqui tac an. Mi cʌq'uen i jilibal. Añon ti ñaxan. Añon ti' yujtibal. Ts'ijban ti jun chuqui tac ma' q'uel. Chocbeñob majlel jun jini wucmojt xñopt'añob mu' bʌ i tempañob i bʌ ya' ti Asia, jini año' bʌ ti Efeso, yic'ot ti Esmirna, yic'ot ti Pérgamo, yic'ot ti Tiatira, yic'ot ti Sardis, yic'ot ti Filadelfia, yic'ot ti Laodicea, che'en.

Apocalipsis 11:13

Ti jim bʌ ora tsa' tili colem yujquel. Tsa' t'oxle yilal tejclum ti lujumpejt. Jumpejt tsa' jili. Tsa' chʌmiyob ojlil i waxʌclujumbajc' (7,000) winicob cha'an jini yujquel. Jini cuxulob to bʌ tsa' wen cajiyob ti bʌq'uen. Tsi' subuyob ñuc Dios am bʌ ti panchan.

Apocalipsis 14:4

Jiñobʌch sʌco' bʌ mach bʌ anic tsi' pʌyʌyob i yijñam. Mi' tsajcañob jini Tiñʌme' baqui jach mi' majlel. Tsa' mʌjñiyob loq'uel ti' tojlel i pi'ʌlob. Jiñobʌch jini ñaxan pac' ti' tojlel Dios yic'ot jini Tiñʌme'.

Apocalipsis 19:14

Jini xguerrajob año' bʌ ti panchan tsi' tsajcayob, c'ʌchʌlob ti sʌsʌc caballo. Lʌpʌlob i cha'an wen bʌ i pislel i c'aba' lino. Wen sʌc jini lino, sʌsʌc jax.

Apocalipsis 19:8

Tsa'ix aq'uenti i lʌp wen uts'at bʌ sʌsʌc pisil i c'aba' lino. Sʌsʌc jax, come jini wen uts'at bʌ pisil jiñʌch i yejtal toj bʌ i melbal i cha'año' bʌ Dios, che'en.

Apocalipsis 3:18

Mic subeñetla cha'an mi la' mʌn oro tic tojlel sʌq'uesʌbil bʌ ti c'ajc, cha'an wen chumul mi la' wajñel. Mʌñʌla wen sʌsʌc bʌ la' pislel cha'an mi la' lʌp, ame quisintiquic mi la' wubin che' pits'il mi la' q'uejlel. Boño la' wut yic'ot i ts'ʌcal cha'an mi' c'otel la' wut.

Apocalipsis 3:5

Jini mu' bʌ i mʌjlel i cha'an mi caj i yʌq'uentel i lʌp sʌsʌc bʌ i pislel. Ma'anic mi caj c yʌpben i c'aba' ti jun ba' otsʌbilob i c'aba' año' bʌ i cuxtʌlel. Mi caj c sub ti' tojel c Tat yic'ot ti' tojel i yángelob.

Apocalipsis 4:4

Ti' joytʌlel i buchlib an chʌmp'ejl i cha'c'al buchlibʌl. Ya' buchulob ti' ye'tel tsaj q'uele chʌntiquil i cha'c'al (24) ancianojob lʌpʌl i cha'añob sʌsʌc bʌ i pislel. An i corona tac melbil bʌ ti oro c'ʌcʌl ti' jol.

Apocalipsis 6:11

Ti jujuntiquil tsa' aq'uentiyob sʌsʌc bʌ i bujc wen pʌl bʌ. Tsa' subentiyob yom to mi' c'ajob i yo jinto mi' laj julelob i pi'ʌlob ti e'tel yic'ot i yermanojob mu' bʌ caj i tsʌnsʌntelob ja'el.

Apocalipsis 7:9

Awilan, ti wi'il tsaj q'uele motocñayob winicob x'ixicob. Ma'anic majqui tsa' mejli i tsicob. Ch'oyolob ti pejtelel tejclum tac, ti jujunmojt winicob, ti pejtelel lum yic'ot ti pejtelel t'an tac. Wa'alob ti' tojel i buchlib Dios, ti' tojlel jini Tiñʌme', lʌpʌl i cha'añob pʌl bʌ i bujc sʌsʌc bʌ. An i yopol xan ti' c'ʌb.