Apocalipsis 3:19 - Chol: I T’an Dios

¹⁹ Jini mu' bʌ j c'uxbin mic tic'. Mic ju'sʌben i pusic'al. Jini cha'an yom bʌxetla. Cʌyʌla la' mul.

Jiñi Tsiji' bʌ Wen T'añ cha'añ Estudio

¹⁹ Jiñi mu' bʌ j c'uxbin mic tic'; mic ju'sʌben i pusic'al. Jiñi cha'añ yom bʌxetla, cʌyʌla la' mul.

Chol de Tumbalá Bible

¹⁹ Jini mu' bʌ j c'uxbin mic tic'. Mic ju'sʌben i pusic'al. Jini cha'an yom bʌxetla. Cʌyʌla la' mul.

Jiñi Tsiji' bʌ Wen T'añ cha'añ Estudio

¹⁹ Jiñi mu' bʌ j c'uxbin mic tic'; mic ju'sʌben i pusic'al. Jiñi cha'añ yom bʌxetla, cʌyʌla la' mul.

Chol Tila

¹⁹ Jini mu' bʌ c p'untyan mic tiq'ue', mic tyoj isan cha'an mij cotyan. Jin cha'an che' mic tiq'uetla ch'ujbin ti pejtyelel la' pusic'al ti ora jach. Q'uextyan la' pensal. Cʌyʌ la' mul.

Apocalipsis 3:19 Iomraidhean Croise

2 Samuel 7:14

Mi caj i tatiñon. Mi caj i yochel ti calobil. Mi tsa' caji i ñusʌbeñon c t'an, mi caj cʌq'uen i tsico' pusic'al yic'ot asiyal che' bajche' mi' melob winicob ti pañimil che' mi' toj'esañob i yalobilob.

Job 5:17

Tijicñayonla che' toj'esʌbilonla cha'an lac Yum. Jini cha'an mach ma' ts'a'len lac Yum che' mi' ju'sʌbeñet a pusic'al ti wocol.

Salmos 39:11

Che' ma' wʌq'ueñon lojon c tsico' pusic'al cha'an lojon c mul, ma' ju'sʌbeñon lojon c pusic'al. Ma' jisʌbeñon lojon c t'ojlʌwel. Lecojon lojon bajche' pisil am bʌ i jo'ch'il. Che'ʌch añon lojon bajche' ic' woli bʌ ti loq'uel ti quej.

Salmos 6:1

C Yum, mach yomic cʌlʌx jax ma' mich'leñon che' ma' ju'sʌbeñon c pusic'al.

Salmos 69:9

Jisʌbil c p'ʌtʌlel cha'an bʌxon ti a we'tel ti awotot. Mi' yʌ'leñon jini mu' bʌ i yʌ'leñet.

Salmos 94:10

Jini mu' bʌ i yʌq'ueñob winicob x'ixicob i tojob i mul ti mojt ti mojt, ¿Mach ba anic mi caj i ju'sʌbeñetla la' pusic'al? Ña'tʌbil i cha'an Dios pejtel chuqui mi' yujtel. ¿Mach ba yujilic chuqui woli la' mel?

Proverbios 15:10

Wocol jax mi' yubin i tic'ol jini mu' bʌ i cʌy wen bʌ bij. Jini mu' bʌ i ts'a'len i tic'ol mi' cajel ti chʌmel.

Proverbios 15:32

Jini mach bʌ muq'uic i jac' i tsico' pusic'al mi' yʌc' i bʌ ti jilel. Jini mu' bʌ i yubin i tic'ol añix i ña'tʌbal.

Proverbios 22:15

Tsʌts chucul i tontojlel i pusic'al alʌlob, pero mux i chojquel loq'uel che' mi' yʌq'uentelob i tsico' pusic'al ti asiyal.

Isaias 26:16

C Yum, che' bʌ tsi' yubiyob wocol winicob, tsi' sʌclayetob. Che' bʌ tsa' ju'sʌbeyob i pusic'al, tsi' mucul pejcayetob ti oración.

Jeremias 10:24

Toj'esañon c Yum, pero ti' yutslel a pusic'al, mach ti a mich'ajelic, ame c'uñ'ac c pusic'al cha'an pec'on.

Jeremias 2:30

Tsa cʌc'ʌyob ti wocol la' walobilob, pero ma'anic tsa' la' mele la' pusic'al. Mach la' womic la' cʌy chuqui mi la' bajñel ña'tan ti la' pusic'al. Jontoletla che' bajche' bajlum. La' cha'añʌch jini espada tac tsa' bʌ la' c'ʌñʌ la' tsʌnsan jini x'alt'añob tsa' bʌ c chocbeyetla tilel.

Jeremias 30:11

Añon quic'otet cha'an mi cʌq'uet ti libre, che'en lac Yum. Mi caj c lu' jisʌbeñob i yumʌntel jini winicob ba' tsac chocoyet ti pujquel, pero ma'anic mi caj c lu' jisañet. Mi caj c ju'sʌbeñet a pusic'al cha'an a mul. Ma'anic mic to'ol ñusan mulil.

Jeremias 31:18

Tsa cubibe i t'an Efraín. Wen wocol woli' yubin cha'an i mul. Woli ti t'an i pusic'al. Woli' ña'tan: “Lajal tsac mele bajche' i yal wacax maxto bʌ uts'esʌbilic i pusic'al. Tsa' wersa aq'ueyon j cuch wocol cha'an ma' ju'sʌbeñon c pusic'al. Cha' pʌyʌyon, c Yum. Cha' uts'esʌbeñon c pusic'al, come c Yumet, c Dioset.

Jeremias 7:28

Mi caj a subeñob: Jiñʌch tejclum mach bʌ yomic i jac'ben i t'an lac Yum Dios. Mach yomic i cʌntesʌntel. Mi' mulan lot. Mi' ñop lot.

Sofonias 3:2

Tsa' la' tic'la la' pi'ʌlob. Ma'anic tsa' la' ñich'ta jini t'an. Ma'anic tsa' la' wubi la' tic'ol. Ma'anic tsa' la' bʌc'ña lac Yum. Ma'anic tsa' la' lʌc'tesa la' bʌ ba'an Dios.

Mateo 25:7

Che' jini tsa' lu' ch'ojyiyob jini xch'oc. Tsi' ts'ita' wilts'ubeyob loq'uel i pislel candil.

Juan 2:17

Jini xcʌnt'añob i cha'an tsi' cha' ña'tayob jini ts'ijbubil bʌ mu' bʌ i yʌl: “Mi caj c jisʌntel cha'an c bʌxlel ti a a wotot”. Che'ʌch ts'ijbubil.

Romanos 12:11

Mach yomic ts'ubetla. Yom ch'ejletla ti jini Espíritu. Cha'lenla i ye'tel lac Yum.

1 Corintios 11:32

Pero che' mi la cʌq'uentel wocol, lac Yum woli' ju'sʌbeñonla lac pusic'al cha'an ma'anic mi la cochel ti toj mulil yic'ot i cha'año' bʌ pañimil.

2 Corintios 6:9

Mi' lon alob mach cʌmbilonic lojon che' wen cʌmbilon lojon. Woliyon lojon ti chʌmel pero cuxulon lojon. Mi cʌjq'uel lojon ti wocol pero ma'anic mic tsʌnsʌntel lojon.

2 Corintios 7:11

La' wilan, uts'at tsa' ujtiyetla cha'an ti' ch'ijiyemlel la' pusic'al ch'oyol bʌ ti Dios. Tsa' la' toj'esa la' bʌ ti jump'ejl la' pusic'al. Tsa' caji la' ts'a'len mulil. Tsa' la' cha'le bʌq'uen. Cabʌl tsa' caji la' cha' c'uxbiñon. Tsa' bʌx'ayetla. Tsa' la' ju'sʌbeyob i pusic'al jini año' bʌ i mul. Ti pejtelel tsa' bʌ la' cha'le tsa' la' pʌsʌ la' bʌ ti toj.

Gálatas 4:18

Uts'at mi bʌx mi' melob i bʌ ti chuqui uts'at ti pejtelel ora, mach cojic jach che' ya' añon la' wic'ot.

Deuteronomio 8:5

Yom mi la' wen p'is ti wenta che'ʌch tsi' yʌq'ueyetla wocol lac Yum Dios che' bajche' winic mu' bʌ i ju'sʌben i pusic'al i yalobil cha'an c'ux mi' yubin.

Tito 2:14

Tsi' yʌc'ʌ i bʌ ti chʌmel cha'añonla cha'an mi' mʌñonla loq'uel ti pejtelel lac jontolil, cha'an mi' sʌq'uesañonla, cha'an mi' yotsañonla ti' cha'an, cha'an mi lac bʌx'an ti' melol pejtelel chuqui wen.

Santiago 1:12

Tijicña jini mu' bʌ i cuch wocol ti uts'at, come che' ñumenix i yilʌbentel i pusic'al, mi caj i yʌq'uentel i cuxtʌlel i wenta corona che' bajche' albil i cha'an Dios. Dios mi caj i yʌq'ueñob pejtelel mu' bʌ i c'uxbiñob.

Apocalipsis 2:5

Ña'tanla bajche' tsa' ajniyetla che' maxto anic yajlemetla. Cʌyʌ la' mul. Cha' melela che' bajche' ti ñaxan. Mi ma'anic mi la' cʌy la' mul mi caj c bʌc' tilel ba' añetla cha'an mic chilbeñetla la' lámpara.