Apocalipsis 3:18 - Chol: I T’an Dios

¹⁸ Mic subeñetla cha'an mi la' mʌn oro tic tojlel sʌq'uesʌbil bʌ ti c'ajc, cha'an wen chumul mi la' wajñel. Mʌñʌla wen sʌsʌc bʌ la' pislel cha'an mi la' lʌp, ame quisintiquic mi la' wubin che' pits'il mi la' q'uejlel. Boño la' wut yic'ot i ts'ʌcal cha'an mi' c'otel la' wut.

Jiñi Tsiji' bʌ Wen T'añ cha'añ Estudio

¹⁸ Mic su'beñetla cha'añ mi la' mʌn oro tic tojlel sʌc-esʌbil bʌ ti c'ajc, cha'añ wen chumul mi la' wajñel, mʌñʌla wen sʌsʌc bʌ la' pislel cha'añ mi la' lʌp, ame quisintiquic mi la' wu'bin che' pits'il mi la' q'uejlel, chʌjq'uesan la ochel i ts'ʌcal la wut cha'añ mi' c'otel.

Chol de Tumbalá Bible

¹⁸ Mic subeñetla cha'an mi la' mʌn oro tic tojlel sʌq'uesʌbil bʌ ti c'ajc, cha'an wen chumul mi la' wajñel. Mʌñʌla wen sʌsʌc bʌ la' pislel cha'an mi la' lʌp, ame quisintiquic mi la' wubin che' pits'il mi la' q'uejlel. Boño la' wut yic'ot i ts'ʌcal cha'an mi' c'otel la' wut.

Jiñi Tsiji' bʌ Wen T'añ cha'añ Estudio

¹⁸ Mic su'beñetla cha'añ mi la' mʌn oro tic tojlel sʌc-esʌbil bʌ ti c'ajc, cha'añ wen chumul mi la' wajñel, mʌñʌla wen sʌsʌc bʌ la' pislel cha'añ mi la' lʌp, ame quisintiquic mi la' wu'bin che' pits'il mi la' q'uejlel, chʌjq'uesan la ochel i ts'ʌcal la wut cha'añ mi' c'otel.

Chol Tila

¹⁸ Pero mic subeñetla: La' ba'añon cha'an mi cʌq'ueñetla oro yubil. Yoque la' ricojlel am bʌ i c'ʌjnibal, jiñʌch tsiji' bʌ la' pusic'al yic'ot mi cʌq'ueñet sʌsʌc bʌ la' pislel cha'an mi la' xoje' cha'an ma'an mi la' quisnin cha'an ma'an chacaletla yubil. Ti jini sʌsʌc bʌ la' pislel tsiquil chʌncox la' wajñel ti sʌc. Ma'ix la' tsuculel. Mi cʌq'ueñetla ts'ac cha'an la' wut cha'an jajmic la' wut yubil, cha'an mi la' ña'tyan bajche' añetla ti' tyojlel Dios.

Apocalipsis 3:18 Iomraidhean Croise

Salmos 107:11

Come tsi' ñusʌbeyob i mandar Dios. Tsi' ts'a'lebeyob i t'an jini C'ax Nuc Bʌ.

Salmos 16:7

Mi caj c ch'ujutesan c Yum mu' bʌ i cʌntesañon. Mi' cʌntesañon tic pusic'al che' ti ac'ʌlel.

Salmos 32:8

Woli' yʌl lac Yum: Mi caj j cʌntesañet. Mi caj c pʌsbeñet jini bij baqui yom ma' majlel. Mi caj c toj'esañet majlel tic wut.

Salmos 73:24

Mi caj a chʌn toj'esañon majlel ti a t'an che' wʌ'to añon ti pañimil. Ti wi'il mi caj a pʌyon majlel ti panchan ba'an a ñuclel.

Proverbios 1:25

Tsa' la' ñusa pejtel j cʌntesʌbal. Ma'anic tsa' la' jac'ʌ la' tic'ol che' bʌ tsac tiq'uiyetla.

Proverbios 1:30

Ma'anic tsi' jac'ʌyob c t'an. Tsi' ñusayob i tic'ol che' bʌ tsac tiq'uiyob.

Proverbios 19:20

Ñich'tan wen bʌ t'an. Ac'ʌ ti a pusic'al j cʌntesʌbal. Che' jini mux a taj cabʌl a pusic'al.

Proverbios 23:23

C'uxbin jini isujm bʌ t'an, come lajalʌch bajche' letsem tac bʌ i tojol mu' bʌ lac mʌn. Mach a cha' chon ti pejtelel ora. Cha'len wersa cha'an ma' taj a ña'tʌbal yic'ot i tic'ol a pusic'al yic'ot a cʌntesʌntel.

Eclesiastes 8:2

Jac'ben i t'an jini rey, come wa'chocobil ti Dios. Mele che' bajche' tsa' wʌlʌ che' bʌ tsa' wa'choco a t'an.

Isaias 47:3

Mi caj a q'uejlel che' pits'ilet. Mi caj a wubin quisin ti' tojlel jini mu' bʌ i tic'lañet. Mi caj j q'uextʌbeñet a mul. Ma'anic majch mi caj c p'untan.

Isaias 55:1

Yom ma' jal'an jumuc', majqui jach an i tiquin ti'. La' tilic i jap ja' mu' bʌ cʌc'. Jini mach bʌ añobic i taq'uin, la' tilicob i c'ux waj i jap vino yic'ot lech ti' majtan jach.

Jeremias 13:26

Mi caj cʌq'uet ti quisin.

Daniel 12:2

Cabʌl jini chʌmeño' bʌ mi caj i ch'ojyelob cha'an mi' tajob i cuxtilel mach bʌ anic mi' jilel. Yaño' bʌ mi caj i ch'ojyelob cha'an mi' yubiñob quisin mach bʌ anic mi' lajmel ti pejtelel ora.

Miqueas 1:11

Ixix majlelob ti majtan e'tel jini año' bʌ ti Safir, pits'ilobix. Cabʌl woliyob ti quisin. Jini año' bʌ ti Zaanán mi' mujcuñob i bʌ cha'an bʌq'uen. Ma'anix tsiquil baqui buchul tac i yototob jini chumulo' bʌ ti Betesel.

Nahum 3:5

I Yum Panchan yic'ot Pañimil woli' yʌl: Wolij contrajiñet. Pejtelel año' bʌ ti pañimil mi caj i q'uelet che' pits'ilet, Mi caj cʌq'uet ti quisin.

Malaquias 3:3

Lac Yum lajal mi caj i mel winicob che' bajche' jini mu' bʌ i sʌq'uesan plata ti c'ajc. Mi caj i sʌq'uesan jini levíjob che' bajche' oro yic'ot plata cha'an mi' yʌq'ueñob Dios i majtan che' bajche' yom ti sʌc bʌ i pusic'al.

Mateo 13:44

Che' yilal ja'el i yumʌntel jini am bʌ ti panchan bajche' jump'ejl chubʌ'añʌl wen letsem bʌ i tojol, mucul bʌ ti jamil. Tsi' taja juntiquil winic. Tsi' cha' mucu. Wen tijicña i pusic'al tsa' majli i chon pejtelel i chubʌ'an. Tsi' mʌñʌ jini jamil.

Mateo 25:9

Jini año' bʌ i ña'tʌbal tsi' yʌlʌyob: “Ma'anic, ame mach jasʌlic cha'añon lojon cha'añetla ja'el. Cucula ba'an xchon casob. Mʌñʌ la' cha'an”, che'ob.

Lucas 12:21

Junlajal jini mu' bʌ i p'ojlesan cabʌl i chubʌ'an cha'an mi' bajñel c'ʌn, pero ma'anic chuqui mi' taj ti Dios, che'en Jesús.

2 Corintios 5:3

Come ma'anic mi caj la cajñel che' bajche' espíritu mach bʌ anic i bʌc'tal.

2 Corintios 8:9

Come cʌñʌlix la' cha'an i yutslel i pusic'al lac Yum Jesucristo. Jini wen chumul bʌ tsa' ochi ti pobre, come c'ux tsi' yubiyetla. Tsa' ochi ti pobre cha'an wen chumul mi la' wajñel.

1 Timoteo 6:18

Subeñob cha'an mi' melob chuqui uts'at, cha'an mi' p'ojlel wen bʌ i melbal. Mach yomic chʌcob. Yom mi' coltañob yaño' bʌ yic'ot i chubʌ'an.

Santiago 2:5

C'uxbibilo' bʌ quermanojob, ubinla. Dios tsi' yajca jini mach bʌ añobic i chubʌ'an ti pañimil cha'an mi' wen chumtʌlob cha'an jini mu' bʌ lac ñop, come mi caj i yajñelob ti' yumʌntel Dios yic'ot pejtel mu' bʌ i c'uxbiñob Dios che' bajche' albil i cha'an.

1 Pedro 1:7

cha'an mi' tsictiyel mi xuc'ul woli la' ñop. Ñumen uts'at i xuc'tʌlel la' pusic'al ti Cristo bajche' oro mu' bʌ i jilel. Wolix la' ñusan wocol che' bajche' mi' ñumel oro ti c'ajc cha'an mi' q'uejlel mi mero oro. Che' ja'el che' ñumenix la' wocol, mi caj i sujbel la' ñuclel, mi caj la' c'uxbintel, mi caj la' q'uejlel ti ñuc che' mi' tsictiyel Jesucristo.

Apocalipsis 16:15

Awilan, talon che' bajche' xujch'. Tijicña jini woli bʌ i q'uel, woli bʌ i cʌntan i pislel ame pits'ilic mi' cha'len xʌmbal, ame quisintiquic mi' yubin che' pits'il, che'en.

Apocalipsis 19:8

Tsa'ix aq'uenti i lʌp wen uts'at bʌ sʌsʌc pisil i c'aba' lino. Sʌsʌc jax, come jini wen uts'at bʌ pisil jiñʌch i yejtal toj bʌ i melbal i cha'año' bʌ Dios, che'en.

Apocalipsis 2:9

Cʌmbil c cha'an la' melbal yic'ot la' wocol. Ma'anic la' chubʌ'an, pero cabʌlʌch la' wenlel. Cʌmbil c cha'an ja'el bajche' mi' ts'a'leñetla jini mu' bʌ i lon cuyob i bʌ ti israelob. Mach israelobic, pero i cha'añob Satanás.

Apocalipsis 3:17

Mi la' lon al: Wen chumulon lojon. Cabʌl tsa' p'ojli c chubʌ'an. Ma'anic chuqui an to yom c cha'an lojon, che'etla. Ma'anic mi la' ña'tan mach wen chumuleticla, c'ax p'ump'uñetla, ma'anic la' chubʌ'an, xpots'etla, pits'iletla yilal.

Apocalipsis 4:4

Ti' joytʌlel i buchlib an chʌmp'ejl i cha'c'al buchlibʌl. Ya' buchulob ti' ye'tel tsaj q'uele chʌntiquil i cha'c'al (24) ancianojob lʌpʌl i cha'añob sʌsʌc bʌ i pislel. An i corona tac melbil bʌ ti oro c'ʌcʌl ti' jol.

Apocalipsis 7:13

Juntiquil anciano tsi' subeyon: ¿Majqui jini winicob lʌpʌl i cha'añob sʌsʌc bʌ i bujc? ¿Baqui ch'oyolob? che'en.