Apocalipsis 22:4 - Chol: I T’an Dios

⁴ Mi caj i q'uelbeñob i wut. Mi caj i ts'ijbubentelob i c'aba' Dios ti' pam.

Jiñi Tsiji' bʌ Wen T'añ cha'añ Estudio

⁴ Mi caj i q'uelbeñob i wut yic'ot mi caj i ts'ijbubentelob i c'aba' Dios ti' pam.

Chol de Tumbalá Bible

⁴ Mi caj i q'uelbeñob i wut. Mi caj i ts'ijbubentelob i c'aba' Dios ti' pam.

Jiñi Tsiji' bʌ Wen T'añ cha'añ Estudio

⁴ Mi caj i q'uelbeñob i wut yic'ot mi caj i ts'ijbubentelob i c'aba' Dios ti' pam.

Chol Tila

⁴ Mi' lajal q'uelob i bʌ yic'ot Dios jini i cha'año' bʌ. Añʌch i c'aba' Dios ti' pam jujuntiquil.

Apocalipsis 22:4 Iomraidhean Croise

Job 33:26

Dios mi' jac' ti uts'at che' mi' pejcan jini winic. Che' mi' q'uelben i wut Dios tijicña jini winic. Mi cha' cajel ti cuxtiyel che' bajche' ti yambʌ ora.

Salmos 17:15

Jixcu joñon, mi caj j q'uel a wut cha'an tsa' wʌq'ueyon a tojel. Tijicña mi caj cubin che' mic cha' ch'ojyel, come mi caj j q'uel a wut.

Salmos 4:6

Cabʌlob mi' yʌlob: ¿Majqui mi caj i pʌsbeñonla chuqui tac wen? che'ob. C Yum, q'ueleyon lojon ti uts'at.

Salmos 42:2

Tiquin c ti' yubil cha'an com Dios, jini cuxul bʌ Dios. ¿Baqui ora mi mejlel c ñochtan Dios?

Isaias 33:17

Che' jini mi caj a q'uel i t'ojol jax jini Rey. Mi caj a q'uel jini ñuc bʌ i lumal mu' bʌ caj i tilel ti chan.

Isaias 35:2

Cabʌl mi' caj ti nich. Ya' mi caj i tajtʌl tijicña bʌ. Mi caj i cha'leñob c'ay. Mi caj i cha' t'ojlʌwel jini tiquin bʌ lum che' bajche' Líbano yic'ot jini potrero tac am bʌ ti Carmelo yic'ot Sarón. Mi caj i tsictiyel i ñuclel lac Yum, i yutslel lac Dios.

Isaias 40:5

Mi caj i tsictiyel i ñuclel lac Yum. Pejtel año' bʌ ti pañimil mi caj i tem q'uelob, come che'ʌch tsi' yʌlʌ lac Yum.

Ezequiel 33:23

Lac Yum tsi' subeyon: I yalobil winic, jini ya' bʌ chumulob ti jejmen tac bʌ tejclum ti Israel mi' lon alob: “I bajñel jach Abraham che' bʌ tsi' ch'ʌmʌ pejtel jini lum. Cabʌlonix lojon. Jini cha'an mi mejlel c cha' ch'ʌm lojon jini lum”, che'ob.

Mateo 5:8

Tijicñayob jini sʌc bʌ i pusic'al, come mi caj i q'uelob Dios.

Juan 12:26

Majqui jach yom i cha'libeñon que'tel, la' i tsajcañon. Ya' ba' añon mi caj i yajñel c winic ja'el. Mi an majch mi' cha'libeñon que'tel, ñuc mi caj i q'uejlel cha'an c Tat.

Juan 17:24

C Tat, ya' ba' añon com temel mi' yajñelob jini tsa' bʌ a wʌq'ueyon cha'an mi' q'uelob c ñuclel tsa' bʌ a wʌq'ueyon, come c'ux tsa' wubiyon che' maxto melbilic pañimil.

1 Corintios 13:12

Come wʌle mi lac yʌxña q'uel Cristo che' bajche' ti espejo. Pero che' mi' tilel mi caj laj q'uelben i wut. Wʌle wolic yʌxña cʌn, pero ti wi'il bʌ ora mi caj c wen cʌn che' bajche' Dios mi' cʌñon.

Hebreos 12:14

Chʌn cha'lenla wersa cha'an mi la' wajñel ti ñʌch'ʌl yic'ot pejtelel winicob x'ixicob. Ñopola ajñel ti ch'ujul, come jini mach bʌ ch'ujulic ma'anic mi caj i q'uel lac Yum.

Apocalipsis 14:1

Tsaj q'uele awilan ya'an jini Tiñʌme' ti' pam wits i c'aba' Sion yic'ot waxʌclujumpic (144,000) winicob x'ixicob. Ya' ti' pamob ts'ijbubil i c'aba' jini Tiñʌme' yic'ot i c'aba' i Tat.

Apocalipsis 3:12

Jini mu' bʌ i mʌjlel i cha'an mi caj cʌq'uen i yajñel bajche' oy ti' templo c Dios. Ma'anix mi caj i chʌn loq'uel ya'i. Mi caj c ts'ijbuben i c'aba' c Dios ti jini winic yic'ot tsiji' bʌ j c'aba' yic'ot i c'aba' i tejclum c Dios, jini tsiji' bʌ Jerusalén mu' bʌ i loq'uel tilel ti panchan ch'oyol bʌ tic Dios.

Apocalipsis 7:3

Tsi' yʌlʌ: Mach mi la' tic'lan jini lum mi colem ñajb mi te', jinto mi la cʌc' i sellojlel Dios ti' pam i winicob Dios, che'en.