Apocalipsis 22:2 - Chol: I T’an Dios

² Woli' ñumel ti' yojlil calle am bʌ ti jini tejclum. Ti jujunwejl ja' an te' i yejtal bʌ laj cuxtʌlel. Mi' yʌc' i wut ti jujump'ejl uw lajchʌnyajl ti jab. An i c'ʌjñibal i yopol jini te' cha'an mi' lajmesan jini año' bʌ ti pañimil.

Jiñi Tsiji' bʌ Wen T'añ cha'añ Estudio

² Woli' ñumel ti' yojlil calle am bʌ ti jiñi tejclum, ti jujunwejl ja' añ te' i yejtal bʌ laj cuxtʌlel, mi' yʌc' i wut ti jujump'ejl uw lajchʌnyajl ti ja'b, añ i c'ʌjñibal i yopol jiñi te' cha'añ mi' c'oq'uesan ti c'am-ʌjel jiñi año' bʌ ti pañimil.

Chol de Tumbalá Bible

² Woli' ñumel ti' yojlil calle am bʌ ti jini tejclum. Ti jujunwejl ja' an te' i yejtal bʌ laj cuxtʌlel. Mi' yʌc' i wut ti jujump'ejl uw lajchʌnyajl ti jab. An i c'ʌjñibal i yopol jini te' cha'an mi' lajmesan jini año' bʌ ti pañimil.

Jiñi Tsiji' bʌ Wen T'añ cha'añ Estudio

² Woli' ñumel ti' yojlil calle am bʌ ti jiñi tejclum, ti jujunwejl ja' añ te' i yejtal bʌ laj cuxtʌlel, mi' yʌc' i wut ti jujump'ejl uw lajchʌnyajl ti ja'b, añ i c'ʌjñibal i yopol jiñi te' cha'añ mi' c'oq'uesan ti c'am-ʌjel jiñi año' bʌ ti pañimil.

Chol Tila

² Ti xinil jini colem calle ya' ti jini ch'ujul bʌ lum yic'ot ti cha'wejlel jini río mi colel tye' am bʌ i wut. Mi yʌc' i wut ti jujump'ej uw. I wut jini tye' mi yʌq'uen i cuxtyʌlel mach'ʌ yujil jilel. An i c'ʌjnibal i yopol jini tye' cha'an mi' lajmisan ti pejtyelel quixtyañujob ya' bʌ much'quibilob.

Apocalipsis 22:2 Iomraidhean Croise

Genesis 2:9

Lac Yum Dios tsi' yʌc'ʌ ti colel ti lum pejtelel i t'ojol bʌ te' yic'ot uts'at bʌ cha'an i bʌl ñʌc'ʌl. Tsi' yʌc'ʌ ti colel ja'el ya' ti' yojlil jini pʌc'ʌbʌl jini te' mu' bʌ i yʌc' laj cuxtʌlel yic'ot jini te' mu' bʌ i yʌc' ti cʌjñel chuqui uts'at yic'ot chuqui jontol.

Salmos 147:3

Mi' lajmesʌbeñob i ch'ijiyemlel i pusic'al. Mi' lajmesʌbeñob i tsoy.

Proverbios 3:18

Jini mu' bʌ i taj wen bʌ i ña'tʌbal mi' taj i cuxtilel, come lajalʌch i ña'tʌbal bajche' te' mu' bʌ i yʌq'uen i cuxtilel majqui jach mi' taj. Tijicñayob jini mu' bʌ i chʌn lotob ti' pusic'al.

Isaias 6:10

Tsʌts'esʌbeñob i pusic'al ili winicob. Mʌcbeñob i chiquin. Mʌcbeñob i wut, ame c'otic i wut, ame mi' yubiñob c t'an, ame mi' ch'ʌmbeñob isujm cha'an mi' cʌyob i mul cha'an mic lajmesañob, che'en.

Jeremias 17:14

Lajmesañon, c Yum. Wen a wujil lajmesaya. Coltañon. Wen a wujil coltaya. Ñuquet tic tojlel.

Ezequiel 47:1

Jini winic tsi' cha' pʌyʌyon majlel ba'an i ti' jini Templo. Tsaj q'uele jump'ejl alʌ pa' woli bʌ i loq'uel ti' yebal Templo. Tsa' ñumi ti' ñoj jini pulʌntib ya' ti sur. Tsa' majli jini pa' ti' tojel i pasibal q'uin.

Oseas 14:4

Mi caj i yʌl: Joñon mi caj j coltañob. Mi caj cʌq'ueñob i p'ʌtʌlel cha'an xuc'ul mi' yajñelob quic'ot. Mi caj j c'uxbiñob ti' yutslel c pusic'al, come tsa'ix lajmi c mich'ajel ti' tojlelob.

Zacarias 14:8

Ti jim bʌ q'uin mi caj i loq'uel cuxul bʌ ja' ya' ti Jerusalén. Junxʌjc' mi caj i majlel ti jini Chʌmen bʌ Ñajb. Yambʌ junxʌjc' mi caj i majlel ti jini ñajb i c'aba' Mediterráneo. Chʌn cuxul jini ja' che' ti' yorajlel jajmel yic'ot che' ti' yorajlel ja'lel.

Malaquias 4:2

Pero mach che'ic jatetla mu' bʌ la' bʌc'ñan j c'aba'. Mi caj i pasel ti la' tojlel jini Q'uin mu' bʌ i yʌq'ueñetla toj bʌ la' pusic'al. Mi caj i lajmesañetla. Libre mi caj la' loq'uel che' bajche' i yal wacax mu' bʌ i colel ba' cʌchʌl. Mi caj la' wubin i tijicñʌyel la' pusic'al.

Lucas 4:18

“An i yEspíritu lac Yum tic pusic'al. Tsi' yajcayon cha'an mic subeñob jini wen t'an p'umpuño' bʌ. Tsi' chocoyon tilel cha'an mic lajmesʌbeñob i ch'ijiyemlel jini ch'ijiyemo' bʌ, cha'an mic subeñob loq'uel jini ñup'ulo' bʌ, cha'an mij c'oq'uesʌbeñob i wut jini xpots'ob, cha'an mi cʌc' ti colel jini tic'lʌbilo' bʌ.

1 Pedro 2:24

I bajñel jach tsi' cuchu lac mul ti' bʌc'tal che' bʌ tsa' chʌmi ti te', cha'an mi' jilel i p'ʌtʌlel mulil ti lac tojlel. Cuxulonixla cha'an yom mi lac mel chuqui toj. Lajmesʌbiletla cha'an tsa' lojwi lac Yum.

Apocalipsis 2:7

Jini am bʌ i chiquin la' i yubiben i t'an i yEspíritu Dios mu' bʌ i suben xñopt'añob mu' bʌ i tempañob i bʌ. Jini mu' bʌ i mʌjlel i cha'an mi caj cʌq'uen i c'uxben i wut jini te' i yejtal bʌ laj cuxtʌlel am bʌ ti' yojlil i paraíso Dios”.

Apocalipsis 21:21

Jini lajchʌmp'ejl i ti' jiñʌch lajchʌmp'ejl perla tac. Ti jujump'ejl i ti' melbil i puertajlel ti jujump'ejl perla. Jini bij ti tejclum puro oro, wen sʌctsʌñan bajche' espejo.

Apocalipsis 21:24

Jini año' bʌ ti pañimil mi caj i cha'leñob xʌmbal ti' sʌclel. Jini reyob ti pañimil mi caj i ch'ʌmob ochel i ñuclel yic'ot i wenlel.

Apocalipsis 22:1

Ti wi'il tsi' pʌsbeyon sʌc bʌ colem ja', i yejtal bʌ laj cuxtʌlel. Wen sʌsʌc bajche' espejo. Woli' loq'uel ja' ti' buchlib Dios yic'ot ti' buchlib Tiñʌme'.

Apocalipsis 22:14

Tijicñayob mu' bʌ i wuts'ob i pislel cha'an mi' c'uxbeñob i wut jini te' i yejtal bʌ i cuxtʌlel. Mi caj i yochelob ti' ti' tejclum.

Apocalipsis 22:19

Mi an majch mi' yʌp lamital i t'an jini jun, Dios mi caj i yʌpben i c'aba' ti jun ba' ts'ijbubil i c'aba'ob jini año' bʌ i cuxtʌlel. Mi caj i chilben i yajñib ti jini ch'ujul bʌ tejclum che' bajche' ts'ijbubil ti ili jun.