Apocalipsis 21:3 - Chol: I T’an Dios

³ Tsa cubi c'am bʌ t'an tsa' bʌ loq'ui ti panchan. Tsi' yʌlʌ: Awilan, wʌ'ix an i chumlib Dios yic'ot winicob x'ixicob. Mi caj i chumtʌl yic'otob. Winicob x'ixicob mi caj i yochelob ti' cha'an bʌ Dios. Mi caj i yajñel Dios yic'otob.

Jiñi Tsiji' bʌ Wen T'añ cha'añ Estudio

³ Tsa' cu'bi c'am bʌ t'añ tsa' bʌ loq'ui ti panchan, tsi' yʌlʌ: “Awilan, wʌ'ix añ i Tabernáculo Dios yic'ot wiñicob x'ixicob. Mi caj i chumtʌl yic'otob, wiñicob x'ixicob mi caj i yochelob ti' cha'añ bʌ Dios, mi caj i yajñel Dios yic'otob.

Chol de Tumbalá Bible

³ Tsa cubi c'am bʌ t'an tsa' bʌ loq'ui ti panchan. Tsi' yʌlʌ: Awilan, wʌ'ix an i chumlib Dios yic'ot winicob x'ixicob. Mi caj i chumtʌl yic'otob. Winicob x'ixicob mi caj i yochelob ti' cha'an bʌ Dios. Mi caj i yajñel Dios yic'otob.

Jiñi Tsiji' bʌ Wen T'añ cha'añ Estudio

³ Tsa' cu'bi c'am bʌ t'añ tsa' bʌ loq'ui ti panchan, tsi' yʌlʌ: “Awilan, wʌ'ix añ i Tabernáculo Dios yic'ot wiñicob x'ixicob. Mi caj i chumtʌl yic'otob, wiñicob x'ixicob mi caj i yochelob ti' cha'añ bʌ Dios, mi caj i yajñel Dios yic'otob.

Chol Tila

³ Ti cubi c'am bʌ ajt'an loq'uem bʌ ti panchan. Ti yʌlʌ: Q'uele awilan, wale iliyi mu' ti chumtyʌl Dios yic'ot quixtyañujob. Mi quejel i yajñel yic'otyob. Mi quejel i yajñelob ti i cha'año' bʌ Dios. Dios i bajñel mi quejel i yajñel yic'otyob cha'an ajnic ti i Diosob.

Apocalipsis 21:3 Iomraidhean Croise

1 Reyob 8:27

¿Isujm ba mi' caj ti ajñel Dios ti pañimil? Awilan mach ñuquic ma' q'uel panchan cha'an ya' ma' chumtʌl. Ch'o'ch'oc jax jini otot tsa' bʌ c wa'chocobeyet.

2 Cronicas 6:18

¿Isujm ba mi' chumtʌl Dios yic'ot winicob ti pañimil? Come mach ñuquic panchan ti a tojlel. Mach ochic pejtelel a ñuclel. Jini cha'an, ¿bajche' mi mejlel a wochel ti ili otot tsa' bʌ c mele?

Exodo 25:8

Com mi' mel israelob jump'ejl Tabernáculo, jiñʌch ch'ujul bʌ otot cha'an mi cajñel yic'otob.

Exodo 29:45

Joñon mi caj c chumtʌl ti' tojlel jini israelob. Mi caj cochel ti' Dios.

Isaias 12:6

Winicob chumulet bʌ la ti Jerusalén, yom mi la' pam sub ñumel ti' tijicñʌyel la' pusic'al. Come ñucatax ti la' tojlel jini Ch'ujul Bʌ ti Israel.

Jeremias 31:33

Jiñʌch jini tsijib xuc'ul bʌ t'an mu' bʌ c mel yic'ot i p'olbal Israel, che'en lac Yum. Mi caj c ts'ijban c t'an ya' ti' pusic'alob. Che' jini mi caj i mulañob c t'an. Che' jini mero c cha'añʌch mi caj j q'uelob. Che' jini i Dioson.

Jeremias 32:38

Che' jini mero c cha'añob mi caj j q'uelob. Joñon i Dioson.

Ezequiel 37:27

Ya' ti' t'ejl cotot mi caj i chumtʌlob. Mi caj cochel ti' Dios. Mi caj i yochelob tic tejclum.

Ezequiel 43:7

Lac Yum tsi' subeyon: Jatet i yalobilet bʌ winic, ili woli bʌ a q'uel jiñʌch ba'an c buchlib, ya' baqui mi cʌc' jini coc, yic'ot ya' baqui mic cha'len chumtʌl quic'ot israelob c'ʌlʌl ti pejtelel ora. Ma'anix baqui ora mi caj i chʌn bib'esañob jini ch'ujul bʌ j C'aba' jini israelob yic'ot yumʌlob. Ma'anix mi caj i chʌn ch'ujutesañob dios tac yic'ot i yejtal tac i reyob.

Ezequiel 48:35

Ti' joytʌlel jini tejclum an bolomp'ejl kilómetro i tamlel. I c'aba' jini tejclum jiñʌch I Tejclum Dios, che'en lac Yum Dios.

Zacarias 13:9

Che' jini mi caj cʌc'ob ti wocol i colojbal israelob cha'an mi' sʌq'uesʌntelob che' bajche' oro yic'ot plata. Che' jini mi caj i ch'ujutesañob j c'aba'. Joñon mi caj cubibeñob i t'an. Mi caj c pejcañob tic pi'ʌlob c'uxbibilo' bʌ c cha'an. Mi caj i pejcañoñob ti' Yum Dios. Che' tsi' yʌlʌ lac Yum.

Zacarias 8:8

Mi caj cʌc'ob ti chumtʌl ti' yojlil Jerusalén. Mi caj i yochelob tic cha'an. Joñon mi caj cochel ti' Dios. Mi caj c pʌsbeñob jini toj bʌ c pusic'al ti isujm, che'en.

Numeros 9:16

Che'ʌch tsa' ujti ti pejtelel ora. Jini Tocal tsa' bʌ i moso ti q'uiñil, chʌcleman tsa' majli che' bajche' c'ajc che' ti ac'ʌlel.

Juan 1:14

Jini T'an tsi' ch'ʌmʌ i bʌc'tal. Tsa' chumle la quic'ot, but'ul ti' yutslel i pusic'al yic'ot i sujmlel. Tsaj q'uele lojon i ñuclel tilem bʌ ti' Tat. Jiñʌch i ñuclel cojach bʌ i Yalobil Dios.

Juan 14:23

Jesús tsi' sube: Jini mu' bʌ i c'uxbiñon mi caj i jac'beñon c t'an. Mi caj i c'uxbintel cha'an c Tat. Mi caj c tilel lojon ba'an. Mi caj c cha'len lojon chumtʌl quic'ot.

2 Corintios 6:16

I templo Dios ¿jim ba i pi'ʌl jini dios tac? Joñonla i templojonla jini cuxul bʌ Dios che' bajche' tsi' yʌlʌ Dios: “Mi caj c chumtʌl ti' tojlelob. Ya' mij caj ti ajñel. Mi caj cochel ti' Dios. Mi caj cotsañob tic cha'an”. Che' tsi' yʌlʌ Dios.

2 Corintios 6:18

Mi caj cochel ti la' Tat. Mi caj la' wochel ti calobil”, che'en lac Yum mach bʌ anic i p'isol i p'ʌtʌlel.

1 Tesalonicenses 3:11

Wʌle la' i chajpʌbeñon lojon c bijlel Dios lac Tat yic'ot lac Yum Jesucristo cha'an mic tilel lojon ba' añetla.

Hebreos 11:16

Pero tsi' pijtayob jini ñumen wen bʌ i lumal am bʌ ti panchan. Jini cha'an ma'anic mi' cha'len quisin Dios che' mi' diosiñob, come tsa'ix i melbeyob i tejclum.

Hebreos 8:10

Mi caj c mel yambʌ xuc'ul bʌ t'an yic'ot jini israelob che' ñumenix cabʌl q'uin. Jiñʌch iliyi: Mi caj cʌq'ueñob i ña'tan c mandar ti' pusic'al. Mi caj i c'uxbiñoñob come i Dioson. Mi caj c cha'aniñob.

Hebreos 8:2

Woli' mel i ye'tel motomaj ya' ti jini C'ax Ch'ujul bʌ Ajñibʌl, jini mero isujm bʌ otot tsa' bʌ i wa'choco lac Yum. Mach jinic pisil bʌ otot tsa' bʌ i wa'chocoyob winicob.

Apocalipsis 10:4

Che' wucyajl tsa' ujti ti t'an chajc tsa' cʌlʌ cajel ti ts'ijb. Tsa cubi t'an loq'uem bʌ ti panchan. Tsi' subeyon: Ñup'u ti sello chuqui tsi' subu che' wucyajl tsi' cha'le t'an chajc. Mach a ts'ijban, che'en.

Apocalipsis 10:8

Jini t'an tsa' bʌ cubi loq'uem bʌ ti panchan tsi' cha' pejcayon. Tsi' yʌlʌ: Cucu. Ch'ʌmʌ jini jamʌl bʌ jun am bʌ ti' c'ʌb jini ángel xat wa'al bʌ ti' pam colem ñajb yic'ot ti' pam lum, che'en.

Apocalipsis 12:10

Tsa cubi c'am bʌ t'an ti panchan. Tsi' yʌlʌ: Tsa'ix tili i coltʌntel winicob x'ixicob yic'ot i p'ʌtʌlel yic'ot i yumʌntel lac Dios yic'ot i p'ʌtʌlel Cristo. Come tsa'ix chojqui jubel jini mu' bʌ i sub i mul la quermanojob. Mi' sub lac mul ti' tojlel Dios ti q'uiñil ti ac'ʌlel.

Apocalipsis 21:7

Jini mu' bʌ i mʌjlel i cha'an mi caj i ch'ʌm pejtelel chuqui tac an. Joñon i Dioson. Jini mi caj i yochel ti calobil.

Apocalipsis 22:3

Ma'anix p'ajoñel. Ya'an i buchlib Dios yic'ot i buchlib jini Tiñʌme'. I winicob mi caj i ch'ujutesañob.

Apocalipsis 7:15

Jini cha'an wʌ' añob ti' tojel i buchlib Dios. Mi' cha'libeñob i ye'tel ti q'uiñil ti ac'ʌlel ti mal i Templo. Jini buchul bʌ ti' yumʌntel mi caj i yajñel yic'otob.