Apocalipsis 21:2 - Chol: I T’an Dios

² Joñon, Juan, tsaj q'uele jini Ch'ujul bʌ Tejclum, jini tsiji' bʌ Jerusalén. Woli' jubel tilel ti panchan ch'oyol bʌ ti Dios, ch'ʌlbil bajche' xch'oc mu' bʌ i taj i ñoxi'al.

Jiñi Tsiji' bʌ Wen T'añ cha'añ Estudio

² Joñon, Juan, tsa' j q'uele jiñi Ch'ujul bʌ Tejclum, jiñi tsiji' bʌ Jerusalén, woli' ju'bel tilel ti panchan ch'oyol bʌ ti Dios, ch'ʌlbil bajche' xch'oc mu' bʌ i taj i ñoxi'al.

Chol de Tumbalá Bible

² Joñon, Juan, tsaj q'uele jini Ch'ujul bʌ Tejclum, jini tsiji' bʌ Jerusalén. Woli' jubel tilel ti panchan ch'oyol bʌ ti Dios, ch'ʌlbil bajche' xch'oc mu' bʌ i taj i ñoxi'al.

Jiñi Tsiji' bʌ Wen T'añ cha'añ Estudio

² Joñon, Juan, tsa' j q'uele jiñi Ch'ujul bʌ Tejclum, jiñi tsiji' bʌ Jerusalén, woli' ju'bel tilel ti panchan ch'oyol bʌ ti Dios, ch'ʌlbil bajche' xch'oc mu' bʌ i taj i ñoxi'al.

Chol Tila

² Joñon Juañon. Ti quilʌ jini tsiji' bʌ lum Jerusalén bʌ i c'aba'. Mi pejcʌntyel ti ch'ujul bʌ lum. Ti jubi tyʌlel jini lum ti' tyojlel Dios ya' ti panchan. Ñoj ch'ʌlʌl yubil che' bajche' mi' ch'ʌl i bʌ xc'alʌl mu' bʌ quejel i cha'len ñujpuñel.

Apocalipsis 21:2 Iomraidhean Croise

Salmos 87:3

Cʌmbil ti ñajtʌl cabʌl jax i ñuclel i tejclum Dios.

Isaias 1:21

Jerusalén, xuc'ul tsa' ajniyet ti ñaxan che' bajche' xuc'ul bʌ x'ixic, pero tsa'ix sujtiyetla ti sts'i'lel. Ti ñaxan wen tojet. Tsa' cha'le toj bʌ meloñel, pero wʌle tsa'ix p'ojliyob stsʌnsajob ti yojlil tejclum.

Isaias 52:1

Ch'ojyen, ch'oyenla añet bʌ la ti Jerusalén. Wen p'ump'un tsa' ajniyetla. P'ʌtesan la' bʌ. Lʌpʌx la' pislel, jini c'ax uts'at bʌ, cha'an mi la' wajñel ti ch'ujul. Mach chʌn talobix jini xmulilob mach bʌ i cʌñʌyobic Dios.

Isaias 54:5

Come lac Yum mi caj i pʌyet cha'an i yijñam. Jiñʌch i Yum Panchan yic'ot Pañimil. Che'ʌch i c'aba'. Jini Xcoltaya a cha'an jiñʌch Ch'ujul Bʌ i cha'an Israel. I Diosʌch pejtel pañimil.

Isaias 61:10

Cabʌl mi' ñuc'an c pusic'al cha'an lac Yum. C'ax tijicña jax mi cubin cha'an c Dios, come tsi' coltayon. Tsi' yʌq'ueyon toj bʌ c pusic'al. Tsi' yʌq'ueyon c lʌp wen uts'atax bʌ pisil yubil, che' bajche' xñujpuñijel mu' bʌ i ch'ʌl i bʌ, che' bajche' xch'oc mu' bʌ caj ti ñujpuñijel mi' ch'ʌl i bʌ ti wen letsem tac bʌ i tojol.

Isaias 62:4

Ma'anix majqui mi caj i yʌl “cʌybilet”. Ma'anix majqui mi caj i yʌl “jisʌbil a lumal”. Mi caj i yʌlob “c'uxbibilet i cha'an lac Yum” yic'ot “pʌybilet che' bajche' ti ñujpuñijel”, che'ob, come tijicña mi' q'uelet lac Yum. Ñujpuñemet yic'ot.

Jeremias 31:23

I Yum Panchan yic'ot Pañimil, i Dios Israel, woli' yʌl: Cha' wa'chocbilix i yumʌntel Israel. Mi' caj ti cha' ajlel: “Wʌ' ti ch'ujul bʌ wits ba' mi' melob chuqui toj, la' i yʌq'ueñetla i yutslel la' pusic'al lac Yum”. Che'ʌch mi' caj ti ajlel.

Juan 3:29

Jini mu' bʌ i pʌy i yijñam, jiñʌch xñujpuñijel. Wen tijicña i pusic'al i cʌñʌ bʌ che' an ti' t'ejl jini xñujpuñijel che' mi' yubiben i t'an. Che' jini woli' ts'ʌctiyel i tijicñʌyel c pusic'al ti' tojlel Cristo.

2 Corintios 11:2

Com mi la' taj la' wenlel che' bajche' yom Dios. Come tsa'ix c sijiyetla cha'an mi la' taj juntiquil jach la' ñoxi'al. Com cʌq'uetla ti' wenta Cristo che' bajche' tsiji' bʌ xch'oc.

Hebreos 11:10

Come Abraham tsi' pijta jini tejclum am bʌ i c'ʌclib, chajpʌbil bʌ i cha'an Dios, melbil bʌ i cha'an.

Hebreos 11:16

Pero tsi' pijtayob jini ñumen wen bʌ i lumal am bʌ ti panchan. Jini cha'an ma'anic mi' cha'len quisin Dios che' mi' diosiñob, come tsa'ix i melbeyob i tejclum.

Hebreos 12:22

Pero jatetla tsa'ix c'otiyetla ti wits i c'aba' Sion, i tejclum jini cuxul bʌ Dios, jini Jerusalén am bʌ ti panchan ba' tempʌbilob bajc'ʌl ángelob.

Hebreos 13:14

Mach wʌ'ic an lac tejclum. Pero woli lac sajcan jini tal to bʌ tejclum yujil bʌ jalijel.

Apocalipsis 1:1

Jiñʌch i tsictesʌbal Jesucristo. Dios tsi' yʌq'ue Cristo cha'an mi' pʌsben i winicob chuqui tac mach jalic mi' caj ti ujtel. Cristo tsi' choco tilel i yángel ba'an Juan, i winic Cristo cha'an mi' tsictesan.

Apocalipsis 1:4

Juañon. Mic ts'ijbubeñetla ili jun wucmojt xñopt'añet bʌ la mu' bʌ la' tempan la' bʌ ya' ti Asia. La' i yʌq'ueñetla i yutslel yic'ot i ñʌch'tilel i pusic'al Dios jini am bʌ wʌle, jini am bʌ ti wajali, jini tal to bʌ, yic'ot jini wuctiquil espíritu año' bʌ ti' tojel i buchlib Dios,

Apocalipsis 1:9

Joñon, Juañon, a wermanojon mu' bʌ c tem ubin wocol quic'otetla cha'an Jesús. Temel añonla ti' yumʌntel. Temel woli laj cuch wocol che' mi lac pijtan Jesús. Añon ti lum joyol bʌ ti ja' i c'aba' Patmos cha'an i t'an Dios yic'ot i sujmlel Jesús.

Apocalipsis 11:2

Mach a p'is i pam Templo am bʌ ti' mal corral. La' to ajnic. Aq'uebilix gentilob. Cha'p'ejl i yuxc'al (42) uw mi caj i t'uchtañob jini ch'ujul bʌ tejclum.

Apocalipsis 21:10

Tsi' pʌyʌyon majlel ti Espíritu c'ʌlʌl ti jump'ejl chan bʌ wits. Tsi' pʌsbeyon jini ch'ujul bʌ Jerusalén woli bʌ i jubel tilel ti panchan ch'oyol bʌ ti Dios.

Apocalipsis 21:9

Tsa' tili juntiquil ángel, i pi'ʌl jini wʌctiquil ángelob, año' bʌ i cha'an jini wucp'ejl taza but'ul bʌ ti jini wucyajl wocol, jini cojix bʌ wocol tac. Tsi' subeyon: La' ilayi. Mi caj c pʌsbeñet jini xch'oc mu' bʌ cajel ti ñujpuñel. Jiñʌch i yijñam jini Tiñʌme', che'en.

Apocalipsis 22:17

Jini Espíritu yic'ot jini xch'oc mu' bʌ cajel ti ñujpuñijel mi' yʌlob: La', che'ob. Jini mu' bʌ i yubin, la' i yʌl: La'. Che' yom mi' yʌl. Jini am bʌ i tiquin ti', la' tilic. Majqui jach yom, la' i jap ja' ti' majtan jach, i yejtal bʌ i cuxtʌlel.

Apocalipsis 22:19

Mi an majch mi' yʌp lamital i t'an jini jun, Dios mi caj i yʌpben i c'aba' ti jun ba' ts'ijbubil i c'aba'ob jini año' bʌ i cuxtʌlel. Mi caj i chilben i yajñib ti jini ch'ujul bʌ tejclum che' bajche' ts'ijbubil ti ili jun.

Apocalipsis 3:12

Jini mu' bʌ i mʌjlel i cha'an mi caj cʌq'uen i yajñel bajche' oy ti' templo c Dios. Ma'anix mi caj i chʌn loq'uel ya'i. Mi caj c ts'ijbuben i c'aba' c Dios ti jini winic yic'ot tsiji' bʌ j c'aba' yic'ot i c'aba' i tejclum c Dios, jini tsiji' bʌ Jerusalén mu' bʌ i loq'uel tilel ti panchan ch'oyol bʌ tic Dios.