Apocalipsis 21:12 - Chol: I T’an Dios

¹² Joyol ti colem ts'ajc, wen chan bʌ, an lajchʌmp'ejl (12) i ti'. Ya' ti' ti' an lajchʌntiquil ángelob. Ts'ijbubil i c'aba' jini lajchʌnmojt i p'olbal Israel ti' ti' ts'ajc.

Jiñi Tsiji' bʌ Wen T'añ cha'añ Estudio

¹² Joyol ti colem ts'ajc, wen chañ bʌ, añ lajchʌmp'ejl (12) i ti', ya' ti ti' añ lajchʌntiquil ángelob, ts'ijbubil i c'aba' jiñi lajchʌnmojt i p'olbal Israel ti ti' jiñi ts'ajc.

Chol de Tumbalá Bible

¹² Joyol ti colem ts'ajc, wen chan bʌ, an lajchʌmp'ejl (12) i ti'. Ya' ti' ti' an lajchʌntiquil ángelob. Ts'ijbubil i c'aba' jini lajchʌnmojt i p'olbal Israel ti' ti' ts'ajc.

Jiñi Tsiji' bʌ Wen T'añ cha'añ Estudio

¹² Joyol ti colem ts'ajc, wen chañ bʌ, añ lajchʌmp'ejl (12) i ti', ya' ti ti' añ lajchʌntiquil ángelob, ts'ijbubil i c'aba' jiñi lajchʌnmojt i p'olbal Israel ti ti' jiñi ts'ajc.

Chol Tila

¹² Ti xottyʌlel jini lum an colem ts'ajc. Wen colem. Wen chan jini ts'ajc. An i cha'an doce i ti' jini ts'ajquil. An juntiquil ajtroñel i cha'an Dios ch'oyol bʌ ti panchan chʌncox i cʌñʌtyan jujump'ej i ti' ts'ajquil. Ts'ijbubil i c'aba' juntiquil jini doce i yalobilob Israel ti jujump'ej i ti' ts'ajquil.

Apocalipsis 21:12 Iomraidhean Croise

2 Cronicas 9:19

An lajchʌncojt ti pejtelel, cha'cha'cojt ti jujunquejp ba' tsa' letsi ti buchtʌl. Ti pejtelel pañimil ma'anic yambʌ i buchlib yumʌl che' bajche' i cha'an Salomón.

Esdras 9:9

Ti yambʌ ora wolic mozojintel. Che' cabʌl lojon c wocol ma'anic tsa' cʌyʌyon lojon. Tsa' ñijcʌbeyob i pusic'al jini reyob ti Persia cha'an mi' pʌsbeñoñob i yutslel i pusic'al. Tsi' coltayon lojon cha'an mic cha' wa'chocon lojon a Templo yic'ot i ts'ajquil Jerusalén.

Nehemias 12:27

Che' bʌ tsa' aq'uenti Dios i ts'ajquil Jerusalén, tsi' sajcayob jini levíjob ti pejtelel i yajñib cha'an mi' wets'ob tilel ti Jerusalén, cha'an mi' yʌc'ob ti' wenta Dios i ts'ajquil Jerusalén. An ti' wenta cha'an mi' melob q'uin ti' tijicñʌyel i pusic'al, cha'an mi' subeñob Dios wocolix i yʌlʌ, cha'an mi' cha'lenob c'ay yic'ot música; címbalo tac, yic'ot arpa tac, yic'ot cítara tac.

Salmos 122:7

La' ajnicob ti' ñʌch'tʌlel i pusic'al jini chumulo' bʌ ti jini ts'ajquibil bʌ tejclum. Yom tijicña mi' yajñelob jini año' bʌ i ye'tel.

Salmos 51:18

Pʌsbeñob i yutslel a pusic'al a cha'año' bʌ. Cha' mele i ts'ajquil tac Jerusalén.

Exodo 28:21

Jini xajlel tac jiñʌch i wentajlel jini lajchʌntiquil i yalobilob Israel. Yom ts'ijbubil i c'aba'ob mi' cʌytʌl ya' ti xajlel tac che' lajal bajche' sello tac.

Isaias 54:12

Pejtelel i jol yic'ot i ti' a wotot, yic'ot a cayajon mi caj c mel ti wen i t'ojol tac jax bʌ xajlel.

Isaias 60:18

Ma'anix mi caj i chʌn tejchel jontolil ti la' lumal. Ma'anix wocol yic'ot jisaya ba' chumuletla. Coltʌbiletla cha'an la' Yum, i wentajʌch i ts'ajquil la' tejclum. Mi caj la' suben wocolix i yʌlʌ che' mi la' wochel, che' mi la' loq'uel.

Mateo 18:10

Chʌcʌ q'uele la' bʌ cha'an ma'anic mi la' ts'a'len mi juntiquilic ch'o'ch'oc bʌ, come mic subeñetla, ya' ti panchan i yángelob jini ch'o'ch'oco' bʌ ti pejtelel ora mi' q'uelbeñob i wut c Tat am bʌ ti panchan.

Lucas 15:10

Che' ja'el mic subeñetla, tijicñayob i yángelob Dios cha'an juntiquil xmulil mu' bʌ i cʌy i mul. Che' tsi' yʌlʌ Jesús.

Lucas 16:22

Ti wi'il tsa' chʌmi jini xc'ajtiya taq'uin. Jini ángelob tsi' pʌyʌyob majlel Lázaro ya' ti' tajn Abraham. Tsa' chʌmi ja'el jini wen chumul bʌ winic. Tsa' mujqui.

Hechos 26:7

Che'ʌch mi' ñopob ja'el jini lajchʌnmojt i p'olbal Israel mu' bʌ i ch'ujutesañob Dios ti jump'ejl i pusic'al ti q'uiñil yic'ot ti ac'ʌlel. Rey Agripa, che'ʌch wolic ñop ja'el. Jini cha'an jini judíojob woli' jop'beñoñob c mul.

Hebreos 1:14

Pejtelel jini ángelob, ¿mach ba espíritujobic mu' bʌ i cha'leñob e'tel? ¿Mach ba chocbilobic tilel cha'an mi' cʌntañob jini mu' bʌ caj i coltʌntelob?

Apocalipsis 21:13

An uxp'ejl i ti' ti' pasib q'uin. An uxp'ejl i ti' ti norte. An uxp'ejl i ti' ti sur. An uxp'ejl i ti' ti' bʌjlib q'uin.

Apocalipsis 21:15

Ya' ti' c'ʌb jini ángel tsa' bʌ i pejcayon an junts'ijt te' melbil bʌ ti oro cha'an mi' p'is jini tejclum yic'ot i ti' yic'ot jini colem ts'ajc ya' ti' joytʌlel.

Apocalipsis 21:25

Ma'anic ba' ora mi caj i ñujp'el tac i ti', come ma'anic mi' tilel ac'ʌlel ya'i.

Apocalipsis 22:14

Tijicñayob mu' bʌ i wuts'ob i pislel cha'an mi' c'uxbeñob i wut jini te' i yejtal bʌ i cuxtʌlel. Mi caj i yochelob ti' ti' tejclum.