Apocalipsis 20:9 - Chol: I T’an Dios

⁹ Tsi' cha'leyob marcha ti' pamol pañimil. Tsi' joyoyob jini c'uxbibil bʌ tejclum ba' tempʌbilob i cha'año' bʌ Dios. Tsa' jubi tilel c'ajc ti Dios ya' ti panchan. Tsi' jisa jini xcontrajob.

Jiñi Tsiji' bʌ Wen T'añ cha'añ Estudio

⁹ Tsi' cha'leyob marcha ti' pamol pañimil, tsi' joyoyob jiñi c'uxbibil bʌ tejclum ba' tempʌbilob i cha'año' bʌ Dios, pero tsa' ju'bi tilel c'ajc ti Dios ya' ti panchan. Tsi' jisa jiñi xcontrajob.

Chol de Tumbalá Bible

⁹ Tsi' cha'leyob marcha ti' pamol pañimil. Tsi' joyoyob jini c'uxbibil bʌ tejclum ba' tempʌbilob i cha'año' bʌ Dios. Tsa' jubi tilel c'ajc ti Dios ya' ti panchan. Tsi' jisa jini xcontrajob.

Jiñi Tsiji' bʌ Wen T'añ cha'añ Estudio

⁹ Tsi' cha'leyob marcha ti' pamol pañimil, tsi' joyoyob jiñi c'uxbibil bʌ tejclum ba' tempʌbilob i cha'año' bʌ Dios, pero tsa' ju'bi tilel c'ajc ti Dios ya' ti panchan. Tsi' jisa jiñi xcontrajob.

Chol Tila

⁹ Jini soldadojob ti lu' ñumiyob majlel ti pejtyelel mulawil yubil. Ti joy ñumiyob ya' ba'an jini i cha'año' bʌ Dios yic'ot jini lum mu' bʌ i p'untyan Dios. Pero Dios ti' choco jubel c'ajc ti panchan tsa' bʌ i lu' jisʌyob jini soldadojob chʌncol bʌ i joy ñumelob.

Apocalipsis 20:9 Iomraidhean Croise

Genesis 19:24

Lac Yum tsi' choco jubel ti panchan xajlel woli bʌ ti lejmel yic'ot c'ajc. Tsa' yajli ti Sodoma yic'ot ti Gomorra che' bajche' ja'al.

2 Reyob 6:15

Che' bʌ tsa' sʌc'a pañimil, tsa' ch'ojyi i winic Eliseo. Tsi' can q'uele pañimil. Awilan joyol jini tejclum ti soldadojob, yic'ot cabʌl caballo yic'ot carreta tac. Jini x'e'tel tsi' sube i winic Dios: ¡C yum! ¿Chuqui mi caj lac mel wʌle? che'en.

Job 38:18

¿Tsa' ba a lu' q'uele i pam pañimil?

Salmos 106:18

Tsa' lejmi c'ajc ti' tojlel. Tsi' pulu jini jontolo' bʌ.

Salmos 87:2

Lac Yum mi' c'uxbin Jerusalén Ñumen bajche' pejtel yambʌ xchumtʌl tac ti Israel.

Salmos 97:3

Mi' loq'uel c'ajc ti' tojlel, Mi' jisan i contrajob año' bʌ ti' joytilel.

Isaias 30:33

Anix ora chajpʌbil jini c'ajc ba' mi' cajelob ti pulel jini asiriajob. Chan lʌtsbil si'. Lac Yum mi caj i c'ʌn i yiq'uilel i yej cha'an mi' tsuc'.

Isaias 37:36

Ti jim bʌ ora tsa' loq'ui tilel i yángel lac Yum. Tsi' jisa jini asiriyajob ya' ba' jijlemob. Tsi' jisa jo'tiquil i lujunc'al mil (185,000) winicob. Che' bʌ tsa' sʌc'a pañimil tsa' ch'ojyiyob jini cuxulob to bʌ. Tsi' q'ueleyob laj chʌmeñobix i pi'ʌlob.

Ezequiel 38:16

Che' jini mi caj a lon tilel ti' contra c tejclum Israel che' bajche' tocal mu' bʌ i mʌc pañimil. Ti jini cojix bʌ q'uin tac mi caj c pʌyet tilel tic tejclum. Che' jini mi caj i cʌñoñob yambʌ tejclumob ti pañimil che' mi' q'uelob bajche' mic jisañet. Mi caj i ña'tañob ch'ujulon.

Ezequiel 38:22

Joñon mi caj j contrajiñetla yic'ot espada, yic'ot jontol tac bʌ c'amʌjel, yic'ot but'ja'lel, yic'ot tuñija' lajal bʌ bajche' alʌ xajlel, yic'ot c'ajc, yic'ot azufre.

Ezequiel 38:9

Mi caj a tilel yic'ot cabʌl soldadojob mu' bʌ caj i coltañet. Che' bajche' p'ʌtʌl bʌ ic' mi caj a tilel a mʌctan jini lum che' bajche' tocal mu' bʌ i jubel ti pañimil. Bajc'ʌletla yic'ot a soldadojob yic'ot yaño' bʌ a waj coltayajob ch'oyolo' bʌ ti yan tac bʌ lum.

Ezequiel 39:6

Mi caj c choc tilel c'ajc ti Magog, yic'ot ti' ti'il jini ñoja' ba' ñʌch'ʌlob. Che' jini mi caj i ña'tañob Yumʌlon”, che'en.

Miqueas 2:13

Ñaxan mi caj i majlel ti' tojel la' wut jini mu' bʌ caj i pʌt majlel jini bij. Mi caj i pʌyetla loq'uel ti' wenta yambʌ yumʌlob. Mi caj i jambeñetla i ti' ts'ajc ba' ñup'uletla cha'an mi la' sujtel ti la' lumal. La' rey mi caj i majlel ti' tojel la' wut. Jiñʌch la' Yum. Mi caj i toj'esañetla majlel ti la' bijlel.

Habacuc 1:6

Wolic p'ʌtesan jini caldeojob ch'oyolo' bʌ ti Babilonia. Wen jontolob. Mach yujilobic bʌq'uen. Mi' cha'leñob xʌmbal ti pejtelel pañimil cha'an mi' chilob chuqui tac yomob mach bʌ i cha'añobic.

Numeros 11:1

Jini winicob tsa' cajiyob ti wʌlwʌl a'leya ti' tojlel lac Yum cha'an mach tijicñayobic. Lac Yum tsi' yubibeyob i t'an. Tsa' wen mich'a. Tsi' choco jubel c'ajc. Tsa' caji i jisañob ya' ti junwejl i lum.

Numeros 16:35

Lac Yum tsi' choco jubel c'ajc ja'el ba' añob jini lujunc'al yic'ot lujuntiquil i yuxc'al (250) winicob woli bʌ i pulob pom. Tsi' laj jisayob.

Lucas 17:29

Ti jini jach bʌ q'uin che' bʌ tsa' loq'ui Lot ti Sodoma, tsa' loq'ui tilel c'ajc yic'ot azufre ti panchan. Tsi' laj jisayob.

Lucas 19:43

Mi caj i tajetla yan tac bʌ q'uin che' mi caj i top'ob lum ti la' joytilel la' contrajob. Mi caj i joyetla. Mi caj i mʌctañetla ti jujunwejl.

Lucas 21:20

Che' mi la' q'uel Jerusalén joyol bʌ ti soldadojob, ña'tanla che' jini, lʌc'ʌlix i yorajlel i jisʌntel.

Lucas 9:54

Che' bʌ tsi' ña'tayob Jacobo yic'ot Juan, xcʌnt'añob i cha'an, tsi' subeyob: C Yum, ¿a wom ba mic cha'len lojon mandar cha'an mi' jubel tilel c'ajc ti panchan cha'an mic jisañob che' bajche' tsi' mele Elías? che'ob. Jesús tsi' sutq'ui i bʌ i q'uelob. Tsi' tiq'uiyob:

Deuteronomio 23:14

Come ya'ʌch an lac Yum Dios la' wic'ot baqui mi la' majlel cha'an mi' coltañetla, cha'an mi' yʌq'ueñetla ti la' c'ʌb jini la' contrajob. Jini cha'an sʌc yom ya' ba' mi la' much'quin la' bʌ, cha'an ma'anic chuqui bibi' ya'i, ame i tʌts' i bʌ lac Yum ti la' tojlel.

2 Tesalonicenses 1:8

Mi caj i tilel yic'ot c'ajc cha'an mi' q'uextʌbeñob i jontolil jini mach bʌ anic mi' cʌñob Dios yic'ot jini mach bʌ anic mi' ch'ujbibeñob i wen t'an lac Yum Jesucristo.

Hebreos 13:13

Jini cha'an la' lac lʌc'tesan lac bʌ ba'an Jesús ti junwejl i ti' tejclum. La' laj cuch lac ts'a'lentel che' bajche' Jesús.

Apocalipsis 11:5

Che' an majqui yom i lowob mi' loq'uel c'ajc ti' yejob cha'an mi' jisan i contrajob. Che'ʌch mi' caj ti wersa jilel jini yom bʌ i low jini cha'tiquil.

Apocalipsis 13:13

Tsi' pʌsʌ cabʌl ñuc tac bʌ i yejtal i p'ʌtʌlel. Tsi' pʌyʌ loq'uel c'ajc ti panchan. Tsi' ju'sa ti lum ti' tojlel winicob.