Apocalipsis 20:4 - Chol: I T’an Dios

⁴ Tsaj q'uele cabʌl buchlibʌl. Jini tsa' bʌ buchleyob ya'i, tsa' aq'uentiyob i ye'tel ti meloñel. Tsaj q'uele i ch'ujlel winicob x'ixicob tsa' bʌ set' t'ojbentiyob loq'uel i bic' cha'an i sujmlel Jesús yic'ot cha'an i t'an Dios. Ma'anic tsi' ch'ujutesayob jini jontol bʌ bʌte'el yic'ot i yejtal. Ma'anic tsi' ch'ʌmbeyob i ts'ijbal ti' pam mi ti' c'ʌb. Tsa' cha' cuxtiyiyob. Tsi' cha'leyob yumʌl yic'ot Cristo lujunc'al i yuxbajc' jab.

Jiñi Tsiji' bʌ Wen T'añ cha'añ Estudio

⁴ Tsa' j q'uele ca'bʌl buchlibʌl, jiñi tsa' bʌ buchleyob ya'i, tsa' aq'uentiyob i ye'tel ti meloñel. Yic'ot tsa' j q'uele i ch'ujlel wiñicob x'ixicob tsa' bʌ set' t'ojbentiyob loq'uel i bic' cha'añ isujmlel Jesús yic'ot cha'añ i t'añ Dios, ma'añic tsi' ch'ujutesayob jiñi jontol bʌ bʌte'el yic'ot i yejtal, ma'añic tsi' ch'ʌmbeyob i ts'ijbal ti' pam mi ti' c'ʌb, tsa' cha' cuxtʌyiyob, tsi' cha'leyob yumʌntel yic'ot Cristo lujunc'al i yuxbajc' ja'b.

Chol de Tumbalá Bible

⁴ Tsaj q'uele cabʌl buchlibʌl. Jini tsa' bʌ buchleyob ya'i, tsa' aq'uentiyob i ye'tel ti meloñel. Tsaj q'uele i ch'ujlel winicob x'ixicob tsa' bʌ set' t'ojbentiyob loq'uel i bic' cha'an i sujmlel Jesús yic'ot cha'an i t'an Dios. Ma'anic tsi' ch'ujutesayob jini jontol bʌ bʌte'el yic'ot i yejtal. Ma'anic tsi' ch'ʌmbeyob i ts'ijbal ti' pam mi ti' c'ʌb. Tsa' cha' cuxtiyiyob. Tsi' cha'leyob yumʌl yic'ot Cristo lujunc'al i yuxbajc' jab.

Jiñi Tsiji' bʌ Wen T'añ cha'añ Estudio

⁴ Tsa' j q'uele ca'bʌl buchlibʌl, jiñi tsa' bʌ buchleyob ya'i, tsa' aq'uentiyob i ye'tel ti meloñel. Yic'ot tsa' j q'uele i ch'ujlel wiñicob x'ixicob tsa' bʌ set' t'ojbentiyob loq'uel i bic' cha'añ isujmlel Jesús yic'ot cha'añ i t'añ Dios, ma'añic tsi' ch'ujutesayob jiñi jontol bʌ bʌte'el yic'ot i yejtal, ma'añic tsi' ch'ʌmbeyob i ts'ijbal ti' pam mi ti' c'ʌb, tsa' cha' cuxtʌyiyob, tsi' cha'leyob yumʌl yic'ot Cristo lujunc'al i yuxbajc' ja'b.

Chol Tila

⁴ Che' jini ti quilʌ che' bajche' tic ñajal, buchlibʌl tyac i cha'añob jini año' bʌ i ye'tyel. Ti quilʌ ya' buchulob jini tsa' bʌ aq'uentiyob i ye'tyel cha'an mi' cha'len melojel. Ti quilʌ je'el i ch'ujlel jini quixtyañujob tsa' bʌ tsejpi loq'uel i jol cha'an ti caj ti' subuyob Jesús yic'ot cha'an ti' subeyob majlel i t'an Dios. Jiñʌch jini mach'ʌ ba'an ti' ch'ujutisʌyob jini bʌbʌq'uen bʌ animal yic'ot i loc'om. Jiñʌch mach'ʌ ba'an ti yʌc'ʌyob cha'an otsʌntic i marcajlel jini animal ti i pamob mi ti' c'ʌbobic. Ti quilʌ ti cha' cuxtiyiyob. Ti' motin cha'leyob yumʌl yic'ot Cristo mil jabil.

Apocalipsis 20:4 Iomraidhean Croise

Daniel 2:44

Che' woliyob ti yumʌntel, jini Dios am bʌ ti panchan mi caj i wa'chocon yambʌ Yumʌl, mach bʌ yujilic jilel. Mi caj i mʌjlel i cha'an. Mi caj i laj jisan pejtel jini yumʌlob. Mi caj i yajñel ti pejtelel ora.

Daniel 7:18

Pero mi caj i yʌq'uentelob i yumʌntel ti pañimil jini winicob x'ixicob mu' bʌ i yumañob jini Dios am bʌ ti panchan. Mach jilic i yumʌntel ti pejtelel ora, che'en.

Daniel 7:22

jinto tsa' tili ti meloñel jini Am bʌ Cabʌl i Jabilel. Tsi' tsictesa ti toj i cha'año' bʌ. Tsa' c'oti i yorajlel cha'an mi' yʌq'ueñob i yumʌntel i cha'año' bʌ Dios.

Daniel 7:27

Mi caj i chilbentelob i yumʌntel yic'ot i p'ʌtʌlel yic'ot i ñuclel jini yumʌlob ti pañimil. Mi caj i yʌq'uentelob i cha'año' bʌ Dios am bʌ ti panchan. Mi caj i cha'leñob yumʌl ti pejtelel ora. Pejtelel año' bʌ i ye'tel mi caj i melbeñob i ye'tel i cha'año' bʌ Dios. Mi caj i jac'beñob i t'an.

Daniel 7:9

Tsac chʌn q'uele jinto tsa' caji i c'ʌcchocontel i buchlib yumʌlob. Tsa' caji ti buchtʌl jini Am bʌ Cabʌl i Jabilel. Wen sʌsʌc i pislel che' bajche' i ña'al tsʌñal. Wen sʌsʌc i tsutsel i jol che' bajche' i tsutsel tiñʌme'. I buchlib yic'ot i yoc i buchlib puro c'ajc woli bʌ ti lejmel.

Malaquias 4:5

La' wilan, mi caj c chocbeñetla tilel yambʌ x'alt'an che' bajche' Elías, che' maxto tilemic jini ñuc bʌ q'uin, jini bʌbʌq'uen bʌ i q'uiñilel lac Yum.

Mateo 19:28

Jesús tsi' subeyob: Isujm mic subeñetla, ti tsiji' bʌ pañimil che' buchul i Yalobil Winic ti' yumʌntel ti' ñuclel, jatetla tsa' bʌ la' tsajcayon mi caj la' buchtʌl ti lajchʌmp'ejl buchlibʌl cha'an mi la' mel jini lajchʌnmojt i p'olbal Israel.

Mateo 24:10

Ti jim bʌ ora mi caj i tejchel tile bixelo' bʌ i pusic'al cabʌlob. Mi caj i yʌc'ob i pi'ʌlob ti' c'ʌb i contra. Mi caj i ts'a'leñob i bʌ.

Marcos 6:16

Che' bʌ tsi' yubi jini t'an Herodes tsi' yʌlʌ: Jiñʌch Juan tsa' bʌ c set' t'ojbe loq'uel i bic'. Tsa'ix ch'ojyi loq'uel ba'an chʌmeño' bʌ, che'en.

Marcos 6:27

Ti ora jini rey tsi' choco majlel soldado. Tsi' yʌc'ʌ mandar cha'an mi' ch'ʌjmel tilel i jol Juan.

Marcos 9:11

Tsi' c'ajtibeyob: ¿Chucoch mi' yʌlob sts'ijbayajob wersa mi' ñaxan tilel Elías? che'ob.

Lucas 1:17

Mi caj i majlel a walobil ñaxan ti' tojlel Lac Yum. Lajal i ye'tel yic'ot i p'ʌtʌlel bajche' Elías. Mi caj i yʌq'ueñob i pusic'al tatʌlob cha'an mi' c'uxbiñob i yalobil. Mi caj i yʌq'ueñob i pusic'al xñusa mandarob cha'an mi' tajob i ña'tʌbal lajal bajche' jini tojo' bʌ. Che' jini mi caj i yʌq'ueñob winicob x'ixicob i chajpañob i pusic'al cha'an lac Yum. Che' tsi' yʌlʌ jini ángel.

Lucas 14:14

Mi caj a taj i tijicñʌyel a pusic'al come mach mejlic i cha' q'uextʌbeñet. Mi caj a q'uextʌbentel che' mi' cha' ch'ojyelob jini tojo' bʌ, che'en Jesús.

Lucas 22:30

Che' jini mi mejlel la' cha'len we'el uch'el tic mesa tic yumʌntel. Mi caj la' buchtʌl ti la' we'tel cha'an mi la' mel jini lajchʌnmojt i p'olbal Israel. Che' tsi' yʌlʌ Jesús.

Juan 14:19

Jumuc' jach, ma'anic mi caj i chʌn q'ueloñob jini año' bʌ ti pañimil. Jatetla mi la' q'uelon. Cha'an cuxulon, mi caj la' taj la' cuxtʌlel ja'el.

Romanos 11:15

Mi cabʌl tsi' tajayob i coltʌntel ti Dios jini gentilob che' bʌ tsi' tʌts'ʌyob i bʌ jini israelob, ¿chuqui mi caj i yujtel che' mi' cha' melob i bʌ yic'ot Dios jini israelob? Mi caj i cha' cuxtʌyelob jini chʌmeño' bʌ.

Romanos 8:17

Mi i yalobilonla Dios, an chuqui mi caj la cʌq'uentel ti Dios. Mi tsa' la cubi wocol temel yic'ot Cristo, lac ten cha'an jach la quic'ot Cristo chuqui mi caj la cʌq'uentel, cha'an temel mi lac taj lac ñuclel yic'ot Cristo.

2 Timoteo 2:12

Mi woli lac lʌt' wocol, mux caj lac tem cha'len yumʌl la quic'ot. Mi tsa' la cʌlʌ mach laj cʌñʌyic, ma'anic mi caj i cʌñonla ja'el.

Apocalipsis 1:2

Juan tsi' subu i sujmlel i t'an Dios yic'ot i sujmlel Jesucristo yic'ot pejtelel chuqui tac tsi' q'uele.

Apocalipsis 1:9

Joñon, Juañon, a wermanojon mu' bʌ c tem ubin wocol quic'otetla cha'an Jesús. Temel añonla ti' yumʌntel. Temel woli laj cuch wocol che' mi lac pijtan Jesús. Añon ti lum joyol bʌ ti ja' i c'aba' Patmos cha'an i t'an Dios yic'ot i sujmlel Jesús.

Apocalipsis 11:11

Che' ñumenix ojlil i chʌmp'ejl q'uin, Dios tsi' cha' otsʌbeyob i ch'ujlel cha'an mi' cuxtʌyelob. Tsa' wa'leyob ti' yoc. Wen cabʌl tsi' cha'leyob bʌq'uen jini tsa' bʌ i q'ueleyob.

Apocalipsis 11:15

I wucticlel ángel tsi' wusu i trompeta. Tsa' cajiyob ti c'am bʌ t'an ti panchan. Tsi' yʌlʌyob: I yumʌntel tac pañimil tsa'ix ochi ti' wenta lac Yum yic'ot ti' wenta Cristo. Mi caj i cha'len yumʌl ti pejtelel ora, che'ob.

Apocalipsis 11:3

Mi caj cʌq'uen i p'ʌtʌlel cha'tiquil testigo mu' bʌ caj i yʌc'oñob ti cʌjñel. Uxc'al i chʌmbajc' (1,260) q'uin mi caj i cha'leñob subt'an, lʌpʌl i cha'añob i pislel melbil bʌ ti' tsutsel chivo.

Apocalipsis 11:7

Che' mi' yujtel i ye'tel jini cha'tiquil testigo, mi caj i tilel jini jontol bʌ bʌte'el mu' bʌ i letsel loq'uel ti ch'en mach bʌ anix mi' tajben i yebal. Mi caj i tech guerra ti' contra jini cha'tiquil. Mi caj i mʌjlel i cha'an. Mi caj i tsʌnsan jini cha'tiquil.

Apocalipsis 12:11

Jini hermanojob tsi' mʌlbeyob xiba cha'an ti' ch'ich'el jini Tiñʌme' yic'ot i t'an tsa' bʌ i subeyob. Ma'anic tsi' c'uxbiyob i cuxtʌlel che' bʌbʌq'uen mi' yʌjq'uelob ti chʌmel.

Apocalipsis 14:11

I buts'il i wocol jini winicob mi' letsel majlel ti pejtelel ora. Jini mu' bʌ i ch'ujutesañob jini jontol bʌ bʌte'el yic'ot i yejtal yic'ot jini mu' bʌ i ch'ʌmbeñob i c'aba' ma'anic mi' c'ajob i yo, mi ti q'uiñil mi ti ac'ʌlel, che'en.

Apocalipsis 15:2

Ya' tsaj q'uele ñajb melbil bʌ ti espejo yilal, xʌbʌl ti c'ajc. Ya' añob winicob tsa' bʌ i mʌlʌyob jontol bʌ bʌte'el yic'ot i yejtal, yic'ot i númerojlel i c'aba'. Wa'alobix ti' pam colem ñajb melbil bʌ ti espejo. An i cha'añob cabʌl arpa aq'uebilo' bʌ i cha'an Dios.

Apocalipsis 17:8

Jini jontol bʌ bʌte'el tsa' bʌ a q'uele jiñʌch am bʌ ti wajali, pero mach tsiquilix wʌle. Mi caj i letsel loq'uel ti ch'en mach bʌ anix mi' tajben i yebal cha'an mi' majlel ba' mi' jisʌntel. Mi caj i toj sajtel i pusic'al jini chumulo' bʌ ti lum, mach bʌ otsʌbilic i c'aba' ti jun ba' ts'ijbubil i c'aba' tac jini año' bʌ i cuxtʌlel c'ʌlʌl ti' tejchibal pañimil. Mi caj i toj sajtelob i pusic'al che' mi' q'uelob jini jontol bʌ bʌte'el am bʌ ti wajali, mach bʌ tsiquilix wʌle, mu' bʌ caj i tilel.

Apocalipsis 2:26

Jini mu' bʌ i mʌjlel i cha'an yic'ot jini mu' bʌ i melbeñon que'tel c'ʌlʌl ti' jilibal mi caj cotsañob ti' yum colem tejclumob.

Apocalipsis 20:6

Tijicñayob mu' bʌ i tejchelob ch'ojyel ti ñaxan. Ch'ujulob. Ma'anic mi caj i chʌmelob ti' cha'yajlel. Mi caj i yochelob ti motomaj ti' tojlel Dios yic'ot ti' tojlel Cristo. Mi caj i tem cha'leñob yumʌl yic'ot Cristo lujunc'al i yuxbajc' jab.

Apocalipsis 22:5

Ma'anix ac'ʌlel ya'i. Ma'anix i c'ʌjñibal i c'ʌc'al lámpara mi i sʌclel q'uin. Come lac Yum Dios mi caj i yʌq'ueñob i sʌclel. Mi caj i yumʌntelob ti pejtelel ora.

Apocalipsis 3:21

Jini mu' bʌ i mʌjlel i cha'an mi caj c suben buchtʌl quic'ot tic yumʌntel, che' bajche' tsa' buchleyon quic'ot c Tat ti' yumʌntel che' bʌ tsa' mʌjli c cha'an.

Apocalipsis 4:4

Ti' joytʌlel i buchlib an chʌmp'ejl i cha'c'al buchlibʌl. Ya' buchulob ti' ye'tel tsaj q'uele chʌntiquil i cha'c'al (24) ancianojob lʌpʌl i cha'añob sʌsʌc bʌ i pislel. An i corona tac melbil bʌ ti oro c'ʌcʌl ti' jol.

Apocalipsis 6:9

Che' bʌ tsi' jamʌ i jo'p'ejlel sello, tsaj q'uele ti' yebal i pulʌntib i majtan Dios i ch'ujlel pejtelel winicob x'ixicob tsa' bʌ tsʌnsʌntiyob cha'an xuc'ulob ti' t'an Dios, tsi' yʌc'ʌyob ti cʌjñel Cristo.

Apocalipsis 7:3

Tsi' yʌlʌ: Mach mi la' tic'lan jini lum mi colem ñajb mi te', jinto mi la cʌc' i sellojlel Dios ti' pam i winicob Dios, che'en.