Apocalipsis 20:11 - Chol: I T’an Dios

¹¹ Tsaj q'uele colem bʌ i buchlib Dios sʌsʌc bʌ. Tsaj q'uele jini tsa' bʌ buchle ya'i. Jini pañimil yic'ot panchan tsa' puts'i ti' tojel. Ma'anic tsiquil baqui tsa' majli.

Jiñi Tsiji' bʌ Wen T'añ cha'añ Estudio

¹¹ Tsa' j q'uele colem bʌ i buchlib Dios sʌsʌc bʌ, yic'ot jiñi tsa' bʌ buchle ya'i, jiñi pañimil yic'ot panchan tsa' puts'i ti' tojel ma'añic tsiquil baqui tsa' majli.

Chol de Tumbalá Bible

¹¹ Tsaj q'uele colem bʌ i buchlib Dios sʌsʌc bʌ. Tsaj q'uele jini tsa' bʌ buchle ya'i. Jini pañimil yic'ot panchan tsa' puts'i ti' tojel. Ma'anic tsiquil baqui tsa' majli.

Jiñi Tsiji' bʌ Wen T'añ cha'añ Estudio

¹¹ Tsa' j q'uele colem bʌ i buchlib Dios sʌsʌc bʌ, yic'ot jiñi tsa' bʌ buchle ya'i, jiñi pañimil yic'ot panchan tsa' puts'i ti' tojel ma'añic tsiquil baqui tsa' majli.

Chol Tila

¹¹ Che' jini ti quilʌ che' bajche' tic ñajal jump'ej colem buchlibʌl. Ñoj sʌsʌc. Ti quilʌ je'el juntiquil ya' bʌ buchul. Ti' tyojel jini buchul bʌ ti lu' sʌc jili pejtyelel lum yic'ot chan. Ma'an ti saj tyajle ba' ti majli.

Apocalipsis 20:11 Iomraidhean Croise

Genesis 18:25

¿Mu' ba caj a tsʌnsan jini tojo' bʌ yic'ot jontolo' bʌ? Che' jini junlajalob yilal jini tojo' bʌ yic'ot jontolo' bʌ. Pero mach che'ic ma' mel. Jini xMeloñel mu' bʌ i mel pejtel año' bʌ ti pañimil, ¿mach ba muq'uic i melob ti toj? Mu' cu. Che' tsi' yʌlʌ Abraham.

Job 9:6

Ya' ba' buchul pañimil mi' ñijcuyel.

Salmos 102:26

Mi caj i jilel pero chʌn cuxulet. Mi' caj ti tsuculiyel che' bajche' bujcʌl. Mi caj i q'uextiyel che' bajche' mi laj q'uextan lac bujc. Mi' caj ti yʌjñel.

Salmos 47:8

Dios mi' cha'len yumʌl ti' tojlel jujunmojt winicob x'ixicob. Buchul Dios ti' yumʌntel ti ch'ujul bʌ i buchlib.

Salmos 89:14

Toj ma' cha'len meloñel ti a yumʌntel come tojet. Uts'at pejtelel chuqui ma' mel. Mi' tsictiyel a wutslel yic'ot a sujmlel.

Salmos 97:2

Ti' joytilel lac Yum an tocal yic'ot ic'yoch'an bʌ pañimil. Xuc'ul mi' yajñel ti' buchlib cha'an yujil meloñel ti isujm. Toj mi' mel i ye'tel.

Isaias 6:1

Che' bʌ tsa' chʌmi jini rey Uzías, ti jini jach bʌ jab, tsaj q'uele lac Yum, buchul bʌ ti chan ti ñuc bʌ i ye'tel. I yoc jach i pislel tsi' laj but'u jini Templo.

Daniel 2:35

Ti ora jach tsa' laj jili jini tsucu taq'uin yic'ot jini oc'ol, yic'ot jini oro, yic'ot plata, yic'ot bronce. Jopol tsa' cʌle che' bajche' ts'ubejn ti' yorajlel jajmel, che' bajche' i pat trigo ti' yorajlel c'ajbal. Tsi' laj wets'e majlel jini ic'. Ma'anic tsi' cʌyʌ mi ts'ita'ic. Pero jini Xajlel yilol jach bʌ tsa' c'ojli tsa' sujti ti colem wits tsa' bʌ i wen mʌcta majlel pejtel pañimil.

Daniel 7:10

Tsa' ts'ʌjyi loq'uel jini c'ajc ti' tojlel. An i yaj e'telob ti mil ti mil yic'ot bajc'ʌl winicob x'ixicob wa'alo' bʌ ti' tojlel. Jini Juez tsa' caji' tech meloñel. Tsa' caji ti jajmel jini jun tac.

Mateo 11:22

Jini cha'an mic subeñetla: Ñumen wocol mi caj la' wubin ti' q'uiñilel tojmulil bajche' mi caj i yubiñob jini tsa' bʌ chʌmiyob ti Tiro yic'ot Sidón.

Mateo 24:35

Mi' caj ti jilel pañimil yic'ot panchan pero mach jilic c t'an.

Mateo 25:31

Che' mi' tilel i Yalobil Winic ti' ñuclel yic'ot pejtelel i yángelob mi' caj ti buchtʌl ti' yumʌntel yic'ot i ñuclel.

Romanos 2:5

Tsʌtsatax a pusic'al. Ma'anic ma' cʌy a mul. Che' jini wola' wʌc' ti tempʌyel i mich'ajel Dios cha'an i q'uiñilel mich'ajel che' mi' caj ti tsictiyel bajche' mi' cha'len meloñel Dios ti toj.

2 Pedro 3:7

Ti jini jach bʌ i t'an Dios woli' cʌntʌntel jini panchan yic'ot pañimil am bʌ wʌle cha'an mi' pulel ti c'ajc ti' q'uiñilel melo' mulil, che' mi' tojob i mul jini winicob x'ixicob mu' bʌ i ñusañob Dios.

Apocalipsis 12:8

Tsa' mʌjli i cha'an Miguel. Ma'anix tsa' chʌn tajle ti panchan i yajñib jini ajin yic'ot i yángelob.

Apocalipsis 16:20

Tsa' sʌc jili wits yic'ot lum tac joyol bʌ ti ja'. Ma'anic tsiquil ba' tsa' majli.

Apocalipsis 19:11

Tsaj q'uele jajmen panchan. Awilan, ya'an juncojt sʌsʌc caballo. Jini c'ʌchʌl bʌ ti' pat i c'aba'ʌch jini Xuc'ul Bʌ, jini Isujm Bʌ. Toj mi' cha'len meloñel yic'ot guerra.

Apocalipsis 20:2

Tsi' chucu jini ajin, jini oñiyi bʌ lucum, jini xiba, Satanás. Tsi' cʌchʌ cʌytʌl lujunc'al i yuxbajc' (1,000) jab.

Apocalipsis 21:1

Tsaj q'uele tsiji' bʌ panchan yic'ot tsiji' bʌ pañimil, come tsa' jili jini ñaxan bʌ panchan yic'ot jini ñaxan bʌ pañimil. Ma'anix colem ñajb.

Apocalipsis 21:5

Jini buchul bʌ ti' yumʌntel tsi' yʌlʌ: Awilan, mic mel ti tsijib pejtelel chuqui tac an, che'en. Tsi' subeyon ja'el: Ts'ijban, come xuc'ul jini t'an, isujm ja'el, che'en.

Apocalipsis 4:2

Ti ora tsa' bujt'i c pusic'al ti Espíritu. Awilan, tsaj q'uele jump'ejl buchlibʌl ac'bil bʌ ti panchan yic'ot jini ya' bʌ buchul ti' yumʌntel.

Apocalipsis 6:14

Tsa' sʌc jili panchan che' bajche' mi' bʌjlel jun. Pejtelel wits tac yic'ot pejtelel lum tac joyol bʌ ti ja' tsa' loc'sʌnti ti' yajñib.